മെട്രാഷിലൂടെ നിയമലംഘനങ്ങളും റിപ്പോർട്ട് ചെയ്യാം

ദോഹ: രാജ്യത്തെ പൊതുക്രമവും സുരക്ഷയും നിലനിർത്താൻ പൊതുജന പങ്കാളിത്തം ഉറപ്പാക്കുന്നതിനായി ആഭ്യന്തര മന്ത്രാലയം മെട്രാഷ് മൊബൈൽ ആപ്പിലെ ‘അൽഅദീദ്’ സേവനം പരിഷ്കരിച്ചു. ഇതിലൂടെ പ്രവാസികൾക്കും സന്ദർശകർക്കും സ്വദേശികൾക്കും വിവിധ തരത്തിലുള്ള നിയമലംഘനങ്ങൾ നേരിട്ട് പ്രിവന്റിവ് സെക്യൂരിറ്റി ഡിപ്പാർട്മെന്റിനെ അറിയിക്കാം.

പൊതുധാർമികതക്ക് നിരക്കാത്ത പ്രവൃത്തികൾ, സാമൂഹികമായ മോശം പെരുമാറ്റങ്ങൾ, ഭീഷണികൾ, ടൂറിസ്റ്റ് കേന്ദ്രങ്ങളിലെ നിയമലംഘനങ്ങൾ, ഭരണപരമായ അഴിമതിക്കേസുകൾ എന്നിവ ഈ സേവനത്തിലൂടെ റിപ്പോർട്ട് ചെയ്യാൻ സാധിക്കും. പരാതി നൽകുന്ന വ്യക്തിയുടെ സ്വകാര്യതയും രഹസ്യസ്വഭാവവും പൂർണമായും സംരക്ഷിക്കപ്പെടുമെന്ന് മന്ത്രാലയം ഉറപ്പുനൽകുന്നു.

രാജ്യത്തെ സുരക്ഷാ മുൻകരുതലുകൾ ശക്തമാക്കുന്നതിന്റെ ഭാഗമായാണ് ഈ നടപടി. സുരക്ഷ എന്നത് എല്ലാവരുടെയും കൂട്ടായ ഉത്തരവാദിത്തമാണെന്നും നിയമവിരുദ്ധമായ പ്രവർത്തനങ്ങൾ ശ്രദ്ധയിൽപ്പെട്ടാൽ ഈ സംവിധാനം പ്രയോജനപ്പെടുത്തണമെന്നും അധികൃതർ വ്യക്തമാക്കി.

റി​പ്പോ​ർ​ട്ട് ചെ​യ്യേ​ണ്ട രീ​തി:

മെ​ട്രാ​ഷ് ആ​പ്പി​ലെ ‘സെ​ക്യൂ​രി​റ്റി’ വി​ൻ​ഡോ തു​റ​ന്ന് അ​തി​ൽ ‘സെ​ക്യൂ​രി​റ്റി കം​പ്ല​യി​ന്റ്’ സെ​ക്ഷ​ൻ തി​ര​ഞ്ഞെ​ടു​ക്കു​ക. തു​ട​ർ​ന്ന് ‘അ​ൽ​അ​ദീ​ദ് സ​ർ​വി​സ് റി​പ്പോ​ർ​ട്ടി​ങ്’ വ​ഴി നി​ശ്ചി​ത വി​ഭാ​ഗം തെ​ര​ഞ്ഞെ​ടു​ത്ത് വി​വ​ര​ങ്ങ​ൾ ന​ൽ​കാം. ആ​വ​ശ്യ​മെ​ങ്കി​ൽ സം​ഭ​വ​ത്തി​ന്റെ ഫോ​ട്ടോ​ക​ൾ അ​റ്റാ​ച്ച് ചെ​യ്യാ​നും ലൊ​ക്കേ​ഷ​ൻ മാ​പ്പി​ൽ അ​ട​യാ​ള​പ്പെ​ടു​ത്താ​നും സൗ​ക​ര്യ​മു​ണ്ട്.