യെമനിയുടെ വധം: ഖത്തറിൽ വധശിക്ഷ ലഭിച്ച മലയാളികൾക്ക്​ അപ്പീൽ നൽകാം

ദോഹ: ഖത്തറിൽ സ്വർണവും പണവും കവർച്ച നടത്താൻ സ്വർണവ്യാപാരിയായ യെമൻ സ്വദേശി സലാഹൽ കാസിമിനെ (28) വധിച്ച കേസിൽ വധശിക്ഷ ലഭിച്ച മലയാളികൾക്ക്​ അപ്പീൽ നൽകാം. ഖത്തർ ക്രിമിനൽ കോടതിയാണ്​ കഴിഞ്ഞ ബുധനാഴ്​ച കണ്ണൂർ സ്വദേശികളായ ഒന്നുമുതൽ നാല്​ വരെയുള്ള പ്രതികൾക്ക്​ വധശിക്ഷ വിധിച്ചത്​. ഒന്നാം പ്രതി കെ. അഷ്​ഫീർ (30), രണ്ടാം പ്രതി അനീസ്​ (33), മൂന്നാം പ്രതി റാഷിദ്​ കുനിയിൽ (33), നാലാം പ്രതി ടി. ശമ്മാസ്​ (28) എന്നിവരെയാണ്​ ശിക്ഷിച്ചത്​.

ഇതിൽ ഒന്നാംപ്രതി ഖത്തറിലെ ജയിലിലാണ്​. മറ്റ്​ മൂന്നുപേർ രക്ഷപ്പെട്ട്​ നിലവിൽ നാട്ടിലാണുള്ളത്​​. ശിക്ഷ കിട്ടിയവർക്കെല്ലാം 15 ദിവസത്തിനുള്ളിൽ അപ്പീൽ കോടതിയെ സമീപിക്കാനാകും. ഇതിന്​ പൊലീസ്​ സഹായം ചെയ്​തുകൊടുക്കും. തുടർന്ന്​ സുപ്രീംകോടതിയിലും ഹരജി നൽകാനാകും. രണ്ട്​, മൂന്ന്​, നാല്​ പ്രതികളുടെ അഭാവത്തിലാണ്​ കോടതി ശിക്ഷ വിധിച്ചത്​.

ഇതിനാൽ തന്നെ വിചാരണ നടപടി വീണ്ടും നടത്തണമെന്ന്​ ആവശ്യ​െപ്പട്ട്​ ഇവർക്ക്​ കോടതിയെ സമീപിക്കാനുമാകും.​ കൊല്ലപ്പെട്ടയാളുടെ മക്കൾ നിലവിൽ ചെറിയ കുട്ടികളാണ്​. ഇവർ​ പ്രായപൂർത്തിയാകു​േമ്പാൾ വധശിക്ഷ വിധിക്ക​െപ്പട്ടവർക്ക്​ മാപ്പ്​ നൽകിയാൽ അതും കോടതി പരിഗണിക്കും​. 2019 ജൂണിലാണ്​ കേസിനാസ്​പദമായ സംഭവം.

മലയാളി ഏറ്റെടുത്ത്​ നടത്തിയിരുന്ന മുർറയിലെ ഫ്ലാറ്റിലാണ്​ കൊലപാതകം നടന്നത്​. ദോഹയിൽ വിവിധ ജ്വല്ലറികൾ നടത്തിയിരുന്നയാളായിരുന്നു യെമൻ സ്വദേശി. ഇന്ത്യക്കാരായ 27 പേരാണ്​ ആകെ പ്രതിപട്ടികയിൽ ഉള്ളത്​. കുറ്റക്കാര​െല്ലന്ന്​ കണ്ടവരെ വെറുതെ വിടുകയും ബാക്കിയുള്ളവർക്ക്​ തടവും പിഴയുമാണ്​ ശിക്ഷ ലഭിച്ചത്​. കവർച്ചക്ക്​ ശേഷം പണം വിവിധ മാർഗങ്ങളിലൂടെ പ്രതികൾ സ്വദേശത്തേക്ക്​ അയക്കുകയും ​െചയ്​തു.

ഖത്തറിൽനിന്ന്​ രക്ഷപ്പെട്ട മൂന്നുപേർ ഒഴിച്ച്​ ബാക്കി പ്രതികളെല്ലാം ഒരു വർഷത്തിലധികമായി ഇവിടെ ജയിലിലാണ്​. പ്രതികൾ ഉപയോഗിച്ച വാഹനം ഇപ്പോഴും പൊലീസ്​ കസ്​റ്റഡിയിലാണ്. നിരവധി മലയാളികൾ പ്രതിചേർക്കപ്പെട്ട കേസിൽ 15 പേർക്ക്​ നിയമസഹായം ലഭ്യമാക്കിയത്​ സാമൂഹ്യപ്രവർത്തകനും നിയമജ്​ഞനുമായ അഡ്വ. നിസാർ കോച്ചേരിയുടെ നേതൃത്വത്തിലെ കോച്ചേരി ആൻഡ്​​ പാർട്​ണേഴ്​സ്​ ആയിരുന്നു. ഇതിൽ 11 പേർക്ക്​ സൗജന്യമായാണ്​ സഹായം ലഭ്യമാക്കിയത്​. ചിലരു​െട നിരപരാധിത്വം ജയിൽ സന്ദർശനവേളയിൽ​ ബോധ്യപ്പെട്ടതി​െൻറ അടിസ്​ഥാനത്തിലായിരുന്നു ഇതെന്ന്​ അഡ്വ. നിസാർ കോച്ചേരി പറഞ്ഞു.

കൊലപാതകവുമായി ബന്ധമില്ലാതിരുന്ന ഇവരെ കോടതി വെറുതെ വിടുകയും ചെയ്​തിട്ടുണ്ട്​. ഖത്തറിലെ ഇന്ത്യൻ എംബസി, നോർക്ക നിയമസഹായ സെൽ എന്നിവയുമായി ബന്ധപ്പെട്ടാണ്​​ നിയമസഹായം ലഭ്യമാക്കിയത്​. കൊലപാതകവിവരം മറച്ചുവെക്കൽ, കളവ്​ മുതൽ കൈവശം വെക്കൽ, നാട്ടിലേക്ക് പണമയക്കാൻ പ്രതികൾക്ക്​ തങ്ങളു​െട തിരിച്ചറിയൽ കാർഡുകൾ നൽകി സഹായിച്ചു തുടങ്ങിയ കുറ്റങ്ങളാണ്​ ഇവർക്കെതിരെ ചുമത്തിയിരുന്നത്​.

കോടതി ശിക്ഷ വിധിച്ച മറ്റുള്ളവർ

ആറാം പ്രതി ഫയാസിന്​ കോടതി അഞ്ചുവർഷം തടവ്​ വിധിച്ചു. എട്ടാം പ്രതി യൂനുസിന്​​ ആറുമാസം തടവും 3000 റിയാൽ പിഴയും. ഒമ്പതാം പ്രതി യഹ്​യക്ക്​ ആറുമാസം തടവും 3000 റിയാൽ പിഴയും.

വെറുതെ വിട്ടവർ

ലിനിത്​, റസൽ, നിഖിൽ, ദിജിൻ, നിയാസ്​, ചെറിയ മുഹമ്മദ്​, ഇ.പി. ഉസ്​മാൻ, ഇ.കെ. സാദിഖ്​, മുനീർ, ലുഖ്​മാൻ, അനൂപ്​, മുരളി. ഇവർ എല്ലാവരും കണ്ണൂർ സ്വദേശികളാണ്​.