2022 ലോ​കക​പ്പ് മാ​റ്റാ​ൻ ഉ​പ​രോ​ധ രാ​ജ്യ​ങ്ങ​ൾ തീ​വ്രശ്ര​മം ന​ട​ത്തിയെന്ന്​ ഫ്ര​ഞ്ച് വെ​ബ്സൈ​റ്റ്​

ദോ​ഹ: 2022ലെ ​ലോ​കക​പ്പ് ദോ​ഹ​യി​ൽ നി​ന്ന് മ​റ്റേ​തെ​ങ്കി​ലും രാ​ജ്യ​ത്തേ​ക്ക് മാ​റ്റാ​നു​ള്ള തീ​വ്ര ശ്ര​മ​ങ്ങ​ൾ രണ്ട്​ അയൽരാജ്യങ്ങൾ ന​ട​ത്തി​യ​താ​യി ‘ഇ​ൻ​ഫോ ഗ​റി​’ ഫ്ര​ഞ്ച് വെ​ബ്സൈ​റ്റ്. ഏ​തെ​ങ്കി​ലും ത​ര​ത്തി​ൽ ഖ​ത്ത​റി​ൽ നി​ന്ന് ലോ​ക ക​പ്പ് മാ​റ്റു​ക​യെ​ന്ന ല​ക്ഷ്യ​മാ​ണ് ഈ ​രാ​ജ്യ​ങ്ങ​ൾ​ക്ക് ഉ​ള്ള​ത്​. ക​ഴി​ഞ്ഞ വ​ർ​ഷം ജൂ​ൺ അ​ഞ്ചി​ന് ഖ​ത്ത​റി​ന് മേ​ൽ ഉ​പ​രോ​ധം പ്ര​ഖ്യാ​പി​ച്ച​ത് പ്ര​ധാ​ന​മാ​യും ലോ​കക​പ്പ് ഇ​വി​ടെ നി​ന്ന് മാ​റ്റു​ക​യെ​ന്ന ല​ക്ഷ്യം മു​ൻ നി​ർ​ത്തി​യാ​ണെ​ന്ന് രാഷ്​ട്രീ​യ നി​രീ​ക്ഷ​ക​രെ ഉ​ദ്ധ​രി​ച്ച് വെ​ബ്സൈ​റ്റ് വ്യ​ക്ത​മാ​ക്കു​ന്നു.

ബ്രി​ട്ട​നി​ലേ​ക്കോ അ​മേ​രി​ക്ക​യി​ലേ​ക്കോ ലോ​കക​പ്പ് മാ​റ്റു​മെ​ന്ന ത​ര​ത്തി​ൽ ഈ ​രാ​ജ്യ​ങ്ങ​ളി​ൽ നി​ന്ന് വാ​ർ​ത്ത​ക​ൾ പ്ര​ച​രി​പ്പി​ക്ക​പ്പെ​ടു​ക​യും ചെ​യ്തു. വി​പു​ല​മാ​യ രീ​തി​യി​ൽ സാ​മൂഹ്യ മാ​ധ്യ​മ​ങ്ങ​ളി​ലൂ​ടെ ദോ​ഹ ലോ​കക​പ്പി​നെ​തി​രി​ൽ പ്ര​ചാ​ര​ണം ന​ട​ത്തു​ക​യും ചെ​യ്​തു. അ​ടു​ത്ത മാ​സം മോ​സ്​​കോ​യി​ൽ ന​ട​ത്തു​ന്ന വാ​ർ​ത്താസ​മ്മേ​ള​ന​ത്തി​ൽ ഫി​ഫ പ്ര​സ​ിഡ​ൻറ്​ എ​ന്ത് പ്ര​ഖ്യാ​പി​ക്കു​മെ​ന്ന് ആ​ശ​ങ്ക​യാ​ണ് ഉ​പ​രോ​ധ രാ​ജ്യ​ങ്ങ​ൾ​ക്കു​ള്ള​ത്. ഖ​ത്ത​ർ ലോ​കക​പ്പി​​​െൻറ ഒ​രു​ക്ക​ങ്ങ​ളെ സം​ബ​ന്ധി​ച്ച് നേ​ര​ത്തെ ത​ന്നെ ഫി​ഫ പ്ര​സി​ഡ​ൻറ്​സം​തൃ​പ​്​തി അ​റി​യി​ച്ച് ക​ഴി​ഞ്ഞ​താ​ണ്. അതിനാൽ ഇ​നി​യൊ​രു മാ​റ്റം ഉ​ണ്ടാ​കു​മെ​ന്ന് ഖ​ത്ത​ർ പ്ര​തീ​ക്ഷി​ക്കു​ന്നി​ല്ല. 

അ​തി​നി​ടെ ലോ​കക​പ്പി​ൽ ക​ളി​ക്കു​ന്ന രാ​ജ്യ​ങ്ങ​ളു​ടെ എ​ണ്ണം 32ൽ ​നി​ന്ന് 48 ആ​ക്ക​ണ​മെ​ന്ന് ഈ​യി​ടെ സൗ​ദി അ​റേ​ബ്യ ആ​വ​ശ്യ​പ്പെ​ട്ട​ത് ശ്ര​ദ്ധേ​യ​മാ​ണ്. ഇ​തി​ന് പി​ന്നി​ൽ ദു​രൂ​ഹ ല​ഷ്യ​മു​ണ്ടെ​ന്ന് ഫ്ര​ഞ്ച് വെ​ബ്സൈ​റ്റ് അ​ഭി​പ്രാ​യ​പ്പെ​ടു​ന്നു. 32 ടീ​മു​ക​ൾ​ക്ക് പ​ക​രം 42 ടീ​മു​ക​ൾ ക​ളി​ക്കാ​ൻ എ​ത്തു​ക​യാ​ണെ​ങ്കി​ൽ ഖ​ത്ത​റി​ന് അ​യ​ൽ രാ​ജ്യ​ങ്ങ​ളു​ടെ കൂ​ടി സ​ഹാ​യം ആ​വ​ശ്യ​മാ​കു​മെ​ന്ന ക​ണ​ക്കുകൂ​ട്ട​ലാ​ണ് അവർക്കു​ള്ള​ത്. അ​ങ്ങി​നെ​യാ​കു​മ്പോ​ൾ 2022 ലോ​കക​പ്പ് ദോ​ഹ എ​ന്ന് പ​റ​യു​ന്ന​തി​ന് പ​ക​രം അ​യ​ൽ രാ​ജ്യ​ങ്ങ​ളെ കൂ​ടി ഉ​ൾ​പ്പെ​ടു​ത്തേ​ണ്ട​താ​യി വ​രും. മാ​ത്ര​മ​ല്ല അ​യ​ൽ രാ​ജ്യ​ങ്ങ​ൾ ഇതിന്​ സ​മ്മ​തം ന​ൽ​കാ​ത്ത സാ​ഹ​ച​ര്യ​ത്തി​ൽ ഖത്തറിൽ നിന്ന്​ ക​ളി മാ​റ്റാ​ൻ ഫി​ഫ നി​ർ​ബ​ന്ധി​ക്ക​പ്പെ​ടു​ക​യും ചെ​യ്യും. എ​ന്നാ​ൽ ഈ ​പ​ദ്ധ​തി​ക​ളൊ​ന്നും ഇ​നി ന​ട​ക്കാ​നു​ള്ള സാ​ധ്യ​ത തീ​രെ​യി​ല്ലെ​ന്നാ​ണ് നി​രീ​ക്ഷ​ക​ർ വി​ല​യി​രു​ത്തു​ന്ന​ത്.