തൊ​ഴി​ലാ​ളി സ​മൂ​ഹ​ത്തി​ന് തു​ണ​യാ​യി വ​ർ​ക്കേ​ഴ്‌​സ് സ​പ്പോ​ർ​ട്ട് ഫ​ണ്ട്

ദോ​ഹ: തൊ​ഴി​ലാ​ളി​ക​ളെ പി​ന്തു​ണ​ക്കാ​നും അ​വ​രു​ടെ ക്ഷേ​മ​വും അ​വ​കാ​ശ​ങ്ങ​ളും ആ​രോ​ഗ്യ​വും ഉ​റ​പ്പാ​ക്കാ​നു​മാ​യി സ്ഥാ​പി​ച്ച വ​ർ​ക്കേ​ഴ്സ് സ​പ്പോ​ർ​ട്ട് ആ​ൻ​ഡ് ഇ​ൻ​ഷു​റ​ൻ​സ് ഫ​ണ്ട് പ​തി​നാ​യി​ര​ങ്ങ​ൾ​ക്ക് തു​ണ​യാ​യെ​ന്ന് അ​ധി​കൃ​ത​ർ. 2018ൽ ​സ്ഥാ​പി​ത​മാ​യ​ത് മു​ത​ൽ വി​വി​ധ സേ​വ​ന​ങ്ങ​ളി​ലൂ​ടെ ഫ​ണ്ട് അ​തി​ന്റെ പ്ര​ധാ​ന ല​ക്ഷ്യ​ങ്ങ​ൾ ക​ര​സ്ഥ​മാ​ക്കി​യെ​ന്ന് എ​ക​്സി​ക്യൂ​ട്ടി​വ് ഡ​യ​റ​ക്ട​ർ ഖു​ലൂ​ദ് സെ​യ്ഫ് അ​ബ്ദു​ല്ല അ​ൽ കു​ബൈ​സി പ​റ​ഞ്ഞു.

ഇ​തു​വ​രെ 1,30,000ല​ധി​കം തൊ​ഴി​ലാ​ളി​ക​ൾ ഫ​ണ്ടി​ൽ നി​ന്നു​ള്ള സേ​വ​ന​ങ്ങ​ൾ ഉ​പ​യോ​ഗ​പ്പെ​ടു​ത്തി​യ​താ​യും ഖ​ത്ത​ർ ന്യൂ​സ് ഏ​ജ​ൻ​സി​ക്കു ന​ൽ​കി​യ അ​ഭി​മു​ഖ​ത്തി​ൽ ഖു​ലൂ​ദ് അ​ൽ കു​ബൈ​സി വി​ശ​ദീ​ക​രി​ച്ചു. തൊ​ഴി​ലാ​ളി​ക​ളും തൊ​ഴി​ലു​ട​മ​ക​ളും ത​മ്മി​ലു​ള്ള ബ​ന്ധ​ത്തി​ൽ സു​താ​ര്യ​ത ഉ​റ​പ്പു​വ​രു​ത്തു​ക, അ​വ​കാ​ശ​ങ്ങ​ൾ സം​ര​ക്ഷി​ക്കു​ക, തൊ​ഴി​ലാ​ളി​ക​ളു​ടെ സാ​മ്പ​ത്തി​ക കു​ടി​ശ്ശി​ക ല​ഭി​ക്കു​ന്നു​ണ്ടെ​ന്ന് ഉ​റ​പ്പു​വ​രു​ത്തു​ക തു​ട​ങ്ങി​യ മേ​ഖ​ല​ക​ളി​ൽ ഗ​ണ്യ​മാ​യ സം​ഭാ​വ​ന​ക​ളാ​ണ് ന​ൽ​കി​യ​ത്.

സ​മ​ഗ്ര തൊ​ഴി​ൽ പ​രി​ഷ്‌​കാ​ര​ങ്ങ​ളു​ടെ ച​ട്ട​ക്കൂ​ടി​നു​ള്ളി​ൽ തൊ​ഴി​ലാ​ളി​ക​ൾ​ക്ക് മി​ച്ച തൊ​ഴി​ൽ അ​ന്ത​രീ​ക്ഷ​വും ജീ​വി​ത സാ​ഹ​ച​ര്യ​വും ഒ​രു​ക്കു​ന്ന​തി​നും മാ​ന്യ​മാ​യ ജീ​വി​തം ഉ​റ​പ്പാ​ക്കാ​നും ഫ​ണ്ട് കാ​ര്യ​മാ​യ സം​ഭാ​വ​ന ന​ൽ​കി​യ​താ​യും അ​ൽ കു​ബൈ​സി ചൂ​ണ്ടി​ക്കാ​ട്ടി. തൊ​ഴി​ലാ​ളി​ക​ളു​ടെ സാ​മ്പ​ത്തി​ക, സാ​മൂ​ഹി​ക സ്ഥി​ര​ത വ​ർ​ധി​പ്പി​ക്കു​ക, വേ​ത​ന​വും സാ​മ്പ​ത്തി​ക കു​ടി​ശ്ശി​ക​യും വൈ​കി​യ​തി​നെ​ത്തു​ട​ർ​ന്നു​ള്ള പ്ര​ശ്‌​ന​ങ്ങ​ൾ പ​രി​ഹ​രി​ക്കു​ക, തൊ​ഴി​ലു​ട​മ​ക​ളു​മാ​യു​ള്ള ത​ർ​ക്കം പ​രി​ഹ​രി​ക്കു​ക തു​ട​ങ്ങി​യ​വ ഇ​തി​ലു​ൾ​പ്പെ​ടും. ഖ​ത്ത​ർ വി​ഷ​ൻ 2030ന് ​കീ​ഴി​ൽ ആ​രം​ഭി​ച്ച വ​ർ​ക്കേ​ഴ്‌​സ് സ​പ്പോ​ർ​ട്ട് ആ​ൻ​ഡ് ഇ​ൻ​ഷു​റ​ൻ​സ് ഫ​ണ്ട് ഖ​ത്ത​ർ മു​ന്നോ​ട്ടു​വെ​ച്ച സ​മ​ഗ്ര പ​രി​ഷ്‌​കാ​ര​ങ്ങ​ളു​ടെ ഭാ​ഗ​മാ​ണ് ഡ​ബ്ല്യു.​എ​സ്.​എ. ഇ. ​ഫ​ണ്ട്.

ഇ​ന്ത്യ, ബം​ഗ്ലാ​ദേ​ശ്, ഫി​ലി​പ്പീ​ൻ​സ്, പാ​കി​സ്താ​ൻ, നേ​പ്പാ​ൾ എ​ന്നീ രാ​ജ്യ​ങ്ങ​ളി​ൽ​നി​ന്നു​ള്ള തൊ​ഴി​ലാ​ളി​ക​ളാ​ണ് വ​ർ​ക്കേ​ഴ്‌​സ് സ​പ്പോ​ർ​ട്ട് ആ​ൻ​ഡ് ഇ​ൻ​ഷു​റ​ൻ​സ് ഫ​ണ്ടി​ൽ​നി​ന്നും ഏ​റ്റ​വും കൂ​ടു​ത​ൽ പ്ര​യോ​ജ​നം നേ​ടി​യ​വ​രെ​ന്നും അ​വ​ർ വെ​ളി​പ്പെ​ടു​ത്തി.