റ​മ​ദാ​നി​ൽ വ​നി​ത കാ​യി​ക മ​ത്സ​ര​ങ്ങ​ളു​മാ​യി ക്യു.​എ​സ്.​എ​ഫ്.എ

ദോ​ഹ: റ​മ​ദാ​നി​ൽ വ്ര​ത​വും പ്രാ​ർ​ഥ​ന​ക​ളു​മാ​യി കൂ​ടു​ന്ന​തി​നി​ടെ ശാ​രീ​രി​ക ക്ഷ​മ​ത ഉ​റ​പ്പാ​ക്കാ​ൻ ഒ​രു​പി​ടി വി​നോ​ദ​ങ്ങ​ളു​മാ​യി ഖ​ത്ത​ർ സ്പോ​ർ​ട്സ് ഫോ​ർ ഓ​ൾ ഫെഡറേഷനും (ക്യു.​എ​സ്.​എ​ഫ്.​എ). വ​നി​ത​ക​ൾ​ക്കാ​യാ​ണ് റ​മ​ദാ​നി​ലു​ട​നീ​ക​ളം കാ​യി​ക മ​ത്സ​ര​ങ്ങ​ൾ പ്ര​ഖ്യാ​പി​ച്ച​ത്. എ​ജു​ക്കേ​ഷ​ൻ സി​റ്റി സ്റ്റേ​ഡി​യ​ത്തി​ൽ​വെ​ച്ച് 16 വ​യ​സ്സി​ന് മു​ക​ളി​ലു​ള്ള​വ​ർ​ക്കാ​യി ഫു​ട്‌​ബാ​ൾ, ബാ​ഡ്മി​ന്റ​ൺ, വോ​ളി​ബാ​ൾ, ഓ​ട്ട​മ​ത്സ​ര​ങ്ങ​ൾ എ​ന്നി​വ​യു​ൾ​പ്പെ​ടെ നാ​ല് റ​മ​ദാ​ൻ ടൂ​ർ​ണ​മെ​ന്റു​ക​ളാ​ണ് വ​നി​ത​ക​ൾ​ക്കാ​യി സം​ഘ​ടി​പ്പി​ക്കു​ന്ന​തെ​ന്ന് വാ​ർ​ത്ത​സ​മ്മേ​ള​ന​ത്തി​ൽ ക്യു.​എ​സ്.​എ​ഫ്.​എ അ​ധി​കൃ​ത​ർ അ​റി​യി​ച്ചു.

എ​ട്ട് മു​ത​ൽ 12 വ​രെ ടീ​മു​ക​ൾ​ക്കാ​ണ് ഫു​ട്‌​ബാ​ൾ ടൂ​ർ​ണ​മെ​ന്റി​ൽ മ​ത്സ​രി​ക്കാ​വു​ന്ന​ത്. ഓ​രോ ടീ​മി​ലും ആ​റു പേ​രാ​യി​രി​ക്കും ക​ള​ത്തി​ലി​റ​ങ്ങു​ക. ആ​റു പേ​രെ സ​ബ്സ്റ്റി​റ്റ്യൂ​ട്ടാ​യും ടീ​മി​ലു​ൾ​പ്പെ​ടു​ത്താം. വോ​ളി​ബാ​ളി​ൽ ആ​റ് മു​ത​ൽ 10 വ​രെ ടീ​മു​ക​ൾ​ക്ക് മ​ത്സ​രി​ക്കാം. ഒ​രു ടീ​മി​ൽ സ്റ്റാ​ർ​ട്ടി​ങ് ലൈ​ന​പ്പി​ൽ ആ​റു പേ​രും സ​ബ്സ്റ്റി​റ്റ്യൂ​ട്ടാ​യി ആ​റ് പേ​രു​മാ​ണു​ണ്ടാ​വു​ക. ബാ​ഡ്മി​ന്റ​ൺ ടൂ​ർ​ണ​മെ​ന്റു​ക​ൾ ഡ​ബ്ൾ​സ് അ​ടി​സ്ഥാ​ന​ത്തി​ലാ​യി​രി​ക്കും ന​ട​ക്കു​ക.

ഖ​ത്ത​ർ ഫൗ​ണ്ടേ​ഷ​നു​മാ​യു​ള്ള സ​ഹ​ക​ര​ണ​ത്തി​ൽ ഏ​റെ സ​ന്തോ​ഷ​മു​ണ്ടെ​ന്നും, വി​വി​ധ അ​ന്താ​രാ​ഷ്ട്ര കാ​യി​ക മ​ത്സ​ര​ങ്ങ​ൾ​ക്ക് ആ​തി​ഥ്യം വ​ഹി​ക്കു​ന്ന രാ​ജ്യ​ത്തെ പ്ര​ധാ​ന​വേ​ദി​ക​ളി​ലൊ​ന്നാ​യ എ​ജു​ക്കേ​ഷ​ൻ സി​റ്റി സ്റ്റേ​ഡി​യ​ത്തി​ലെ സ്വ​കാ​ര്യ​ത​യും സു​ര​ക്ഷ​യും പ​ങ്കാ​ളി​ക​ൾ​ക്ക് ഉ​റ​പ്പു​ന​ൽ​കു​ന്ന​താ​യും ക്യു.​എ​സ്.​എ​ഫ്.​എ എ​ക്‌​സി​ക്യൂ​ട്ടി​വ് ഡ​യ​റ​ക്ട​ർ അ​ബ്ദു​ല്ല അ​ൽ ദോ​സ​രി പ​റ​ഞ്ഞു.

പ​ങ്കെ​ടു​ക്കു​ന്ന​വ​ർ​ക്കു​ള്ള ര​ജി​സ്‌​ട്രേ​ഷ​ൻ ക്യു.​എ​സ്.​എ​ഫ്.​എ ആ​പ്പി​ൽ തു​റ​ന്നി​ട്ടു​ണ്ടെ​ന്നും, 16 വ​യ​സ്സി​ന് മു​ക​ളി​ലു​ള്ള​വ​ർ​ക്ക് ര​ജി​സ്റ്റ​ർ ചെ​യ്യാ​മെ​ന്നും അ​ൽ ദോ​സ​രി കൂ​ട്ടി​ച്ചേ​ർ​ത്തു. ഫെ​ബ്രു​വ​രി 25 ആ​ണ് ര​ജി​സ്ട്രേ​ഷ​നു​ള്ള അ​വ​സാ​ന തീ​യ​തി.

ക്യു.​എ​സ്.​എ​ഫ്.​എ​യു​മാ​യു​ള്ള പ​ങ്കാ​ളി​ത്ത​ത്തി​ൽ ഖ​ത്ത​ർ ഫൗ​ണ്ടേ​ഷ​ൻ എ​ൻ​ഗേ​ജ്‌​മെ​ന്റ് ആ​ൻ​ഡ് ആ​ക്ടി​വേ​ഷ​ൻ സ്‌​പെ​ഷ​ലി​സ്റ്റ് ബു​ഥൈ​ന അ​ൽ ഖാ​തി​ർ സ​ന്തോ​ഷം രേ​ഖ​പ്പെ​ടു​ത്തി. 2018ൽ ​ഓ​ക്‌​സി​ജ​ൻ പാ​ർ​ക്കി​ൽ ആ​രം​ഭി​ച്ച പ​രി​പാ​ടി 2023ലാ​ണ് എ​ജു​ക്കേ​ഷ​ൻ സി​റ്റി സ്റ്റേ​ഡി​യ​ത്തി​ലേ​ക്ക് മാ​റ്റി​യ​തെ​ന്നും, ഇ​തു​വ​രെ പ​തി​നാ​യി​രം പേ​രെ പ​രി​പാ​ടി ആ​ക​ർ​ഷി​ച്ച​താ​യും ബു​ഥൈ​ന അ​ൽ ഖാ​തി​ർ ചൂ​ണ്ടി​ക്കാ​ട്ടി.