ഖ​ത്ത​റി​ലും കാ​ണാം ഗ്രഹങ്ങളുടെ പരേഡ്

ദോ​ഹ: ശ​നി, വ്യാ​ഴം, ശു​ക്ര​ൻ, ചൊ​വ്വ ഉ​ൾ​പ്പെ​ടെ ആ​റു ഗ്ര​ഹ​ങ്ങ​ൾ നേ​ർ​രേ​ഖ​യി​ൽ ആ​കാ​ശ​ത്ത് ഒ​ന്നി​ക്കു​ന്ന ‘പ്ലാ​ന​റ്റ​റി പ​രേ​ഡ്’ കാ​ഴ്ച ഇ​ത്ത​വ​ണ ഖ​ത്ത​റി​ൽ​നി​ന്നും ക​ൺ​നി​റ​യെ കാ​ണാം. ഖ​ത്ത​റി​ലെ വാ​ന​നി​രീ​ക്ഷ​ണ പ്രേ​മി​ക​ളു​ടെ കൂ​ട്ടാ​യ്മ​യാ​യ ഖ​ത്ത​ർ ആ​സ്ട്രോ​ണ​മി ആ​ൻ​ഡ് സ്‍പേ​സ് ക്ല​ബും, എ​വ​റ​സ്റ്റ​ർ ഒ​ബ്സ​ർ​വേ​റ്റ​റി​യും ചേ​ർ​ന്നാ​ണ് ശ​നി​യാ​ഴ്ച രാ​ത്രി​യി​ലെ ര​ണ്ടു മ​ണി​ക്കൂ​ർ നേ​രം ഈ ​അ​പൂ​ർ​വ ഗ്ര​ഹ സം​ഗ​മ​ത്തി​ന്റെ കാ​ഴ്ച​യൊ​രു​ക്കു​ന്ന​ത്. ഓ​ൾ​ഡ് ദോ​ഹ പോ​ർ​ട്ടി​ൽ വൈ​കീ​ട്ട് ആ​റു മു​ത​ൽ രാ​ത്രി എ​ട്ടു വ​രെ ടെ​ലി​സ്​​കോ​പ്പി​ലൂ​ടെ നി​രീ​ക്ഷ​ക്കാ​നാ​ണ് വ​ഴി​യൊ​രു​ക്കു​ന്ന​ത്.

ആ​റു ​ഗ്ര​ഹ​ങ്ങ​ൾ ഒ​ന്നി​ക്കു​ന്ന അ​പൂ​ർ​വ കാ​ഴ്ച​യാ​ണ് പ്ലാ​ന​റ്റ​റി പ​രേ​ഡ്. ​ഗ്ര​ഹ​ങ്ങ​ൾ ഒ​രേ പാ​ത​യി​ലെ​ന്ന​പോ​ലെ ദൃ​ശ്യ​മാ​കു​മെ​ന്ന​താ​ണ് പ്ര​ത്യേ​ക​ത. ശ​നി, വ്യാ​ഴം, ശു​ക്ര​ൻ, ചൊ​വ്വ ഗ്ര​ഹ​ങ്ങ​ൾ ​ടെ​ലി​സ്കോ​പ്പി​ലൂ​ടെ ദ​ർ​ശി​ക്കാം. എ​ന്നാ​ൽ, യു​റാ​ന​സി​നെ​യും നെ​പ്റ്റ്യൂ​ണി​നെ​യും കൂ​ടി ഇ​തി​നൊ​പ്പം കാ​ണാ​ൻ ക​ഴി​ഞ്ഞേ​ക്കു​മെ​ന്ന് എ​വ​റ​സ്റ്റ​ർ ഒ​ബ്സ​ർ​വേ​റ്റ​റി സ്ഥാ​പ​ക​ൻ അ​ജി​ത് എ​വ​റ​സ്റ്റ​ർ പ​റ​യു​ന്നു.

ബ​ഹി​രാ​കാ​ശ​ത്ത് യ​ഥാ​ർ​ഥ​ത്തി​ൽ നേ​ർ​രേ​ഖ​യി​ല​ല്ലെ​ങ്കി​ലും ഭൂ​മി​യി​ൽ നി​ന്ന് നോ​ക്കു​മ്പോ​ൾ ഈ ​​ഗ്ര​ഹ​ങ്ങ​ൾ ഒ​രു വ​രി​യാ​യി നി​ൽ​ക്കു​ന്ന​ത് പോ​ലെ കാ​ണാ​ൻ സാ​ധി​ക്കു​ന്ന​താ​ണ് പ്ലാ​ന​റ്റ​റി പ​രേ​ഡ്. തെ​ളി​ച്ച​മു​ള്ള ഗ്ര​ഹ​ങ്ങ​ളാ​യ ശു​ക്ര​ൻ, ചൊ​വ്വ, വ്യാ​ഴം, ശ​നി എ​ന്നി​വ​യെ ടെ​ലി​സ്കോ​പ്പി​ലൂ​ടെ നി​രീ​ക്ഷി​ക്കാ​നു​ള്ള അ​പൂ​ർ​വ അ​വ​സ​ര​മാ​ണ് ഈ ​​ഗ്ര​ഹ വി​ന്യാ​സം ന​ൽ​കു​ന്ന​ത്.

യു​റാ​ന​സും നെ​പ്‌​ട്യൂ​ണും ഈ ​വി​ന്യാ​സ​ത്തി​ന്റെ ഭാ​ഗ​മാ​ണെ​ങ്കി​ലും തെ​ളി​ച്ച​ക്കു​റ​വ് കാ​ര​ണം കാ​ണാ​ൻ സാ​ധ്യ​ത വി​ര​ള​മാ​യി​രി​ക്കും. ഈ ​പ്ര​പ​ഞ്ച വി​സ്മ​യം ഫെ​ബ്രു​വ​രി മു​ഴു​വ​നും തു​ട​രു​മെ​ങ്കി​ലും, ആ​ഴ്ച​ക​ൾ ക​ഴി​യു​ന്തോ​റും ഗ്ര​ഹ​ങ്ങ​ളു​ടെ സ്ഥാ​നം ക്ര​മേ​ണ മാ​റും. വൈ​കു​ന്നേ​ര​ത്തെ അ​പൂ​ർ​വ ആ​കാ​ശ കാ​ഴ്ച​യി​ലേ​ക്ക് പ്ര​വേ​ശ​നം സൗ​ജ​ന്യ​മാ​ണ്.