ഓ​ൺ​ലൈ​ൻ ഷോ​പ്പി​ങ്ങി​ന് പ്രി​യ​മേ​റു​ന്നു

ദോ​ഹ: സൂ​ഖു​ക​ളും ഹൈ​പ്പ​ർ​മാ​ർ​ക്ക​റ്റു​ക​ളും മാ​ളു​ക​ളു​മാ​യി ത​കൃ​തി​യാ​യ വി​പ​ണി​ക്കൊ​പ്പം രാ​ജ്യ​ത്തെ ഓ​ൺ​ലൈ​ൻ വ്യാ​പാ​ര​വും കു​തി​ച്ചു​യ​രു​ന്നു. ക​ഴി​ഞ്ഞ ഏ​താ​നും വ​ർ​ഷ​ങ്ങ​ളി​ലെ സൂ​ച​ന​ക​ൾ പ്ര​കാ​രം ഓ​ൺ​ലൈ​ൻ വി​പ​ണ​യി​ൽ ഉ​പ​ഭോ​ക്താ​ക്ക​ളു​ടെ എ​ണ്ണം വ​ർ​ധി​ക്കു​ന്ന​താ​യാ​ണ് സൂ​ച​ന.

ഈ ​വ​ർ​ഷം ഒാ​ൺ​ലൈ​ൻ വ്യാ​പാ​ര മേ​ഖ​ല സ്ഥി​ര​മാ​യ വ​ള​ർ​ച്ച രേ​ഖ​പ്പെ​ടു​ത്തി​യ​താ​യി വ്യ​ത്യ​സ്ത റി​പ്പോ​ർ​ട്ടു​ക​ൾ സൂ​ചി​പ്പി​ക്കു​ന്നു. രാ​ജ്യ​ത്തി​ന്റെ സ​മ്പ​ദ് വ്യ​വ​സ്ഥ​യു​ടെ പ്ര​ധാ​ന ന​ട്ടെ​ല്ലാ​യി ഒാ​ൺ​ലൈ​ൻ വ്യാ​പാ​ര​വും ഷോ​പ്പി​ങ്ങും മാ​റു​ന്നു​വെ​ന്ന​തി​ന്റെ സൂ​ച​ന​യാ​ണി​ത്.

നോ​മ്പും പെ​രു​ന്നാ​ളും ഉ​ൾ​പ്പെ​ടെ ആ​ഘോ​ഷ​ങ്ങ​ളും പ്ര​വാ​സി​ക​ളാ​യ വി​വി​ധ ക​മ്യൂ​ണി​റ്റി​ക​ളു​ടെ ഉ​ത്സ​വ​ങ്ങ​ളു​മെ​ല്ലാം എ​ത്തു​മ്പോ​ൾ വ​സ്ത്രം, ഗാ​ർ​ഹി​ക ഉ​ൽ​പ​ന്ന​ങ്ങ​ൾ, സ്റ്റേ​ഷ​ന​റി, ഗി​ഫ്റ്റ്, സ്മാ​ർ​ട്ട് ഫോ​ൺ-​അ​നു​ബ​ന്ധ ഉ​ൽ​പ​ന്ന​ങ്ങ​ൾ, ഇ​ല​ക്ട്രോ​ണി​ക്സ് തു​ട​ങ്ങി​യ​വ​ക്ക് ഓ​ൺ​ലൈ​ൻ വി​പ​ണി​യി​ൽ ആ​വ​ശ്യ​ക്കാ​ർ കൂ​ടു​ന്നു.

ഒാ​ൺ​ലൈ​നി​ൽ ഇ​ഷ്ട സാ​ധ​ന​ങ്ങ​ൾ വാ​ങ്ങു​ന്ന​തി​നു​ള്ള സൗ​ക​ര്യ​വും വ​ഴ​ക്ക​വും എ​ളു​പ്പ​വു​മാ​ണ് ഒാ​ൺ​ലൈ​ൻ വ്യാ​പാ​ര​ത്തെ തെ​ര​ഞ്ഞെ​ടു​ക്കാ​ൻ ഉ​പ​ഭോ​ക്താ​ക്ക​ളെ പ്രേ​രി​പ്പി​ക്കു​ന്ന​ത്. കോ​വി​ഡി​ന്റെ തു​ട​ക്ക​ത്തോ​ടെ നി​ർ​ബ​ന്ധി​ത​രാ​യി ഒാ​ൺ​ലൈ​ൻ ഷോ​പ്പി​ങ്ങി​ലേ​ക്ക് മാ​റി​യ​വ​ർ ഇ​പ്പോ​ഴും അ​ത് തു​ട​രു​ന്നു.

പ്ര​മു​ഖ ഹൈ​പ്പ​ർ മാ​ർ​ക്ക​റ്റു​ക​ൾ, മ​റ്റ് ഇ​ല​ക്ടോ​ണി​ക് ഷോ​പ്പു​ക​ൾ, സൂ​പ്പ​ർ​മാ​ർ​ക്ക​റ്റ് എ​ന്നി​വ​യെ​ല്ലാം ഓ​ൺ​ലൈ​ൻ വി​ൽ​പ​ന​യി​ലും സ​ജീ​വ​മാ​ണ്. ഷോ​പ്പു​ക​ളി​ൽ നേ​രി​ട്ട് സാ​ധ​ന​ങ്ങ​ൾ വാ​ങ്ങു​ന്ന​തി​നേ​ക്കാ​ൾ സൗ​ക​ര്യ​പ്ര​ദ​മാ​ണ് ഒാ​ൺ​ലൈ​ൻ ഷോ​പ്പി​ങ്ങെ​ന്നും പ്ര​യാ​സ​മി​ല്ലാ​തെ ത​ങ്ങ​ളു​ടെ സൗ​ക​ര്യ​ത്തി​ന​നു​സ​രി​ച്ച് ഉ​ൽ​പ​ന്ന​ങ്ങ​ൾ തെ​ര​ഞ്ഞെ​ടു​ക്കാ​ൻ ഉ​പ​ഭോ​ക്താ​ക്ക​ൾ​ക്ക് സാ​ധി​ക്കു​ന്നു​വെ​ന്നും സ്ഥി​ര​മാ​യി ഒാ​ൺ​ലൈ​ൻ ഷോ​പ്പി​ങ്ങി​നെ ആ​ശ്ര​യി​ക്കു​ന്ന മ​ല​യാ​ളി​യാ​യ പ്ര​വാ​സി വീ​ട്ട​മ്മ ആ​യി​ഷ പ​റ​ഞ്ഞു.

ലു​ലു, കാ​രി​ഫോ​ർ, നം​ഷി എ​ന്നി​വി​ട​ങ്ങ​ളി​ൽ​നി​ന്ന് ഒാ​ൺ​ലൈ​നാ​യാ​ണ് പ​ർ​ച്ചേ​സ് ചെ​യ്യു​ന്ന​ത്. ഒ​റ്റ​ക്ലി​ക്കി​ലൂ​ടെ നി​ര​വ​ധി ഉ​ൽ​പ​ന്ന​ങ്ങ​ൾ സെ​ർ​ച് ചെ​യ്യാ​ൻ സാ​ധി​ക്കു​ന്ന​തി​​നൊ​പ്പം സ​മ​യ​ലാ​ഭ​വു​മാ​ണ് ഇ​വ​ർ ചൂ​ണ്ടി​ക്കാ​ണി​ക്കു​ന്ന​ത് തി​ര​ക്കേ​റി​യ അ​ന്ത​രീ​ക്ഷ​മോ സ​മ്മ​ർ​ദ​ങ്ങ​ളോ ഇ​ല്ലാ​തെ മ​റ്റു​ള്ള ഷോ​പ്പു​ക​ളെ അ​പേ​ക്ഷി​ച്ച് വി​ല​ക്കി​ഴി​വും അ​ല്ലെ​ങ്കി​ൽ താ​ങ്ങാ​വു​ന്ന വി​ല​യും ഒാ​ൺ​ലൈ​ൻ ഷോ​പ്പി​ങ് തെ​ര​ഞ്ഞെ​ടു​ക്കു​ന്ന​തി​ൽ പ്ര​ധാ​ന ഘ​ട​ക​ങ്ങ​ളാ​കു​ന്നു​ണ്ട്.

ഉ​പ​ഭോ​ക്താ​ക്ക​ൾ​ക്കൊ​പ്പം സം​രം​ഭ​ക​രു​ടെ വ​ലി​യ പ്ര​ചാ​ര​ണ​വും ഒാ​ൺ​ലൈ​ൻ വ്യാ​പാ​ര​ത്തെ വ​ള​ർ​ത്തു​ന്ന​തി​ൽ മി​ക​ച്ച പ​ങ്ക് വ​ഹി​ക്കു​ന്നു​ണ്ട്. പ്രാ​ദേ​ശി​ക സ​മൂ​ഹ​ത്തി​നും സ​മ്പ​ദ് വ്യ​വ​സ്ഥ​ക്കും ഒാ​ൺ​ലൈ​ൻ ഷോ​പ്പി​ങ് വ​ലി​യ പ്ര​യോ​ജ​നം ചെ​യ്യു​മെ​ന്നാ​ണ് സം​രം​ഭ​ക​ർ അ​വ​കാ​ശ​പ്പെ​ടു​ന്ന​ത്.

ഖ​ത്ത​റി​ലെ വ​ള​ർ​ന്നു​വ​രു​ന്ന യു​വ​ത​ല​മു​റ അ​വ​രു​ടെ സൗ​ക​ര്യ​ത്തി​നും ഉ​പ​ഭോ​ക്തൃ സേ​വ​ന​ത്തി​നു​മാ​യി സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യാ​ണ് അ​ധി​ക​വും ഷോ​പ്പി​ങ് ന​ട​ത്തു​ന്ന​ത്. കോ​വി​ഡ് മ​ഹാ​മാ​രി​ക്കാ​ല​ത്താ​ണ് വി​പ​ണി കീ​ഴ​ട​ക്കി ഒാ​ൺ​ലൈ​ൻ, ഇ-​കോ​മേ​ഴ്‌​സ് സ്ഥാ​പ​ന​ങ്ങ​ൾ ഖ​ത്ത​റി​ൽ സ​ജീ​വ​മാ​യി​ത്തു​ട​ങ്ങി​യ​ത്.

കോ​വി​ഡ് നി​യ​ന്ത്ര​ണ​ങ്ങ​ൾ നീ​ക്കി​യ​തോ​ടെ ഒാ​ൺ​ലൈ​ൻ വ്യാ​പാ​ര​മേ​ഖ​ല​യി​ൽ ഇ​ടി​വ് വ​രു​മെ​ന്ന ആ​ശ​ങ്ക​യു​ണ്ടാ​യി​രു​ന്നെ​ങ്കി​ലും 2023ലും ​ഒാ​ൺ​ലൈ​ൻ വ്യാ​പാ​ര​മേ​ഖ​ല​യി​ലെ വ​ള​ർ​ച്ച​യി​ൽ രേ​ഖ​പ്പെ​ടു​ത്തി​യി​രി​ക്കു​ന്ന സ്ഥി​ര​ത സം​രം​ഭ​ക​രെ സം​ബ​ന്ധി​ച്ച് ഏ​റെ ആ​ശാ​വ​ഹ​മാ​ണ്.

രാ​ജ്യ​ത്തെ ഇ-​കോ​മേ​ഴ്‌​സ് വി​പ​ണി കൂ​ടു​ത​ൽ ഉ​യ​ര​ങ്ങ​ളി​ലേ​ക്ക് കു​തി​ക്കു​ന്ന​താ​യി നേ​ര​ത്തേ റി​പ്പോ​ർ​ട്ടു​ണ്ടാ​യി​രു​ന്നു. കൂ​ടു​ത​ൽ ഉ​പ​ഭോ​ക്താ​ക്ക​ളും റീ​ട്ടെ​യി​ൽ സ്ഥാ​പ​ന​ങ്ങ​ളും ഒാ​ൺ​ലൈ​ൻ പ്ലാ​റ്റ്‌​ഫോ​മു​ക​ളി​ലേ​ക്ക് ചേ​ക്കേ​റു​ന്ന​തും പ​തി​വ് കാ​ഴ്ച​യാ​യി​രി​ക്കു​ന്നു. നേ​ര​ത്തേ ഫാ​ഷ​ൻ, തു​ണി​ത്ത​ര​ങ്ങ​ൾ, സൗ​ന്ദ​ര്യ​വ​ർ​ധ​ക വ​സ്തു​ക്ക​ൾ മാ​ത്ര​മാ​യി​രു​ന്നു കൂ​ടു​ത​ലാ​യും ഒാ​ൺ​ലൈ​നി​ൽ ല​ഭ്യ​മാ​യി​രു​ന്ന​തെ​ങ്കി​ൽ ഇ​പ്പോ​ൾ ഭ​ക്ഷ്യ സാ​ധ​ന​ങ്ങ​ൾ മു​ത​ൽ പ​ല​ച​ര​ക്കു​ക​ൾ വ​രെ ഒ​റ്റ​ക്ലി​ക്കി​ൽ വീ​ട്ടി​ലെ​ത്തു​ന്ന സാ​ഹ​ച​ര്യ​മാ​ണ് നി​ല​വി​ലു​ള്ള​ത്.