വെയിറ്റ് ലോസ് കോംപറ്റീഷൻ സീസൺ 3 സമാപിച്ചു
text_fieldsദോഹ: പ്രവാസി യുവാക്കളുടെ ആരോഗ്യം ലക്ഷ്യം വെച്ച് ആസ്റ്റർ മെഡിക്കൽ സെൻററുമായി സഹകരി ച്ച് യൂത്ത് ഫോറം ഖത്തർ സംഘടിപ്പിച്ച വെയിറ്റ് ലോസ് കോംപറ്റീഷൻ സീസൺ 3 പരിപാടി സമാപിച്ചു. ന വംബർ 9 മുതൽ ഡിസംബർ 7 വരെയായിരുന്നു മത്സരക്കാലം. യൂത്ത് ഫോറം ഹാളിൽ നടന്ന സമാപന പരിപാടിയുടെ ഉദ്ഘാടനം സ്പോർട്സ് കൺവീനർ ഷഫീഖ് അലി നിർവഹിച്ചു. ജീവിത ശൈലി രോഗങ്ങളെ കുറിച്ച് ഡോ. ശാക്കിർ തുറുമ്പുറത്ത് ക്ലാസ് എടുത്തു. ആസ്റ്റർ അസിസ്റ്റൻറ് മാർക്കറ്റിംഗ് മാനേജർ ജെറിൽ ജേക്കബിേൻറയും നഴ്സ് അരുണിേൻറയും നേതൃത്വത്തിൽ ഹെൽത്ത് ചെക്കപ്പ് നടത്തി.
ഖത്തറിറെ വിവിധ ഭാഗങ്ങളിൽനിന്നായി അൻപത്തിയഞ്ചോളം ആളുകൾ മത്സരിച്ച സീസൺ 3യിലെ ഒന്നാം സ്ഥാനക്കാരായി ഫസലുറഹ്മാനെയും (പുരുഷ വിഭാഗം) ഷെറിൻ ഷഹാനയെയും ( സ്ത്രീ വിഭാഗം) തെരഞ്ഞെടുത്തു. സമീർ അബ്ദുൽ ഖാദർ (പുരുഷ വിഭാഗം), ഫൗസിയ (സ്ത്രീ വിഭാഗം) എന്നിവർ രണ്ടാം സ്ഥാനവും ഷാഹുൽ ഹമീദ് (പുരുഷ വിഭാഗം), സുമയ സമീർ (സ്ത്രീ വിഭാഗം) എന്നിവർ മൂന്നാം സ്ഥാനവും നേടി. വിജയികൾക്ക് യൂത്ത് ഫോറം ഖത്തർ പ്രസിഡൻറ് ജംഷീദ് ഇബ്രാഹിം, വൈസ് പ്രസിഡൻറ് മുഹമ്മദ് ഷബീർ, സ്പോർട്സ് കൺവീനർ ഷഫീഖ് അലി, പ്രോഗ്രാം കൺവീനർ ഹകീം എന്നിവർ സമ്മാനം നൽകി. വിജയിച്ചവർക്കുള്ള സൗജന്യ മെഡിക്കൽ ചെക്കപ്പ് വൗച്ചറുകൾ ആസ്റ്റർ മെഡിക്കൽ സെൻറർ പ്രധിനിധി ജെറിൽ ജേക്കബ് കൈമാറി. ഷിബിലി , ഹബീബ്, മൂമിൻ, ഇമ്രാൻ, സാബിത്ത് എന്നിവർ നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.