ലഹരിക്കെതിരെ സാമൂഹിക കൂട്ടായ്മ വേണം –ആൻറിസ്മോക്കിങ്​ സൊസൈറ്റി വെബിനാർ

ദോഹ: ലഹരി ഗുരുതര സാമൂഹിക പ്രതിസന്ധിയാണെന്നും ലഹരി വിപത്തിനെതിരെ ശക്തമായ സാമൂഹിക കൂട്ടായ്മ രൂപപ്പെടേണ്ടത് കാലഘട്ടത്തിൻെറ ആവശ്യമാണെന്നും ലോക ലഹരിവിരുദ്ധ ദിനത്തോടനുബന്ധിച്ച് ആൻറിസ്മോക്കിങ്​ സൊസൈറ്റി ഖത്തര്‍ ഇന്ത്യന്‍ കമ്യൂണിറ്റി ബെനവലൻറ്​ ഫോറവുമായി സഹകരിച്ച് സംഘടിപ്പിച്ച ലോക ലഹരിവിരുദ്ധ വെബിനാറില്‍ പങ്കെടുത്തവര്‍ അഭിപ്രായപ്പെട്ടു.

അധ്യാപകരും വിദ്യാര്‍ഥികളും രക്ഷിതാക്കളും പൊതുജനവും കൈകോര്‍ക്കുന്ന സാമൂഹികകൂട്ടായ്മ ലഹരിവിരുദ്ധ പ്രവര്‍ത്തനരംഗത്ത് വലിയമാറ്റത്തിന് സഹായകമാകും.

ഈ പ്രവര്‍ത്തനങ്ങള്‍ പക്ഷേ, ഏതെങ്കിലും ദിവസങ്ങളില്‍ പരിമിതപ്പെടുത്താതെ തുടര്‍ച്ചയായും വ്യവസ്ഥാപിതമായും നടക്കേണ്ടതുണ്ടെന്ന് വെബിനാറില്‍ സംസാരിച്ചവര്‍ അഭിപ്രായപ്പെട്ടു.

ആൻറിസ്മോക്കിങ്​ സൊസൈറ്റി ​േഗ്ലാബല്‍ ചെയര്‍മാന്‍ ഡോ. മുഹമ്മദുണ്ണി ഒളകര, ഖത്തര്‍ ചെയര്‍മാന്‍ ഡോ. എം.പി. ഹസന്‍ കുഞ്ഞി, ഐ.സി.ബി.എഫ് മെഡിക്കല്‍ അസിസ്​റ്റന്‍സ് ആൻഡ്​​ ഡൊമസ്​റ്റിക് വര്‍ക്കേഴ്​സ് വിഭാഗം മേധാവി രജനി മൂര്‍ത്തി, സെപ്രോടെക് സി.ഇ.ഒ ജോസ് ഫിലിപ്, എം.പി. ട്രേഡേഴ്​സ് മാനേജിങ്​ ഡയറക്ടര്‍ ഡോ. എം.പി. ഷാഫി ഹാജി, ഖത്തര്‍ ടെക് മാനേജിങ്​ ഡയറക്ടര്‍ ജെബി കെ. ജോണ്‍, അല്‍ അബീര്‍ മെഡിക്കല്‍ സെൻറര്‍ സെയില്‍സ് ആൻഡ്​ മാര്‍ക്കറ്റിങ്​ മാനേജര്‍ മിഥ്​ലാജ് നജ്മുദ്ദീന്‍ എന്നിവര്‍ സംസാരിച്ചു.

മെൻറൽസ്​െട്രസും മയക്കുമരുന്ന് ഉപയോഗവും എന്ന വിഷയത്തില്‍ ഡോ. ബിന്ദു സലീമും ഹാബിറ്റ് അഡിക്​ഷന്‍ എന്ന വിഷയത്തില്‍ ഡോ. മുഹമ്മദ് യാസിറും ക്ലാസെടുത്തു.

ഡോ. അമാനുല്ല വടക്കാങ്ങര സ്വാഗതം പറഞ്ഞു. റഷാദ് മുബാറക് പരിപാടി നിയന്ത്രിച്ചു. ഷറഫുദ്ദീന്‍ തങ്കയത്തില്‍, അഫ്സല്‍ കിളയില്‍, ജോജിന്‍ മാത്യു എന്നിവര്‍ പരിപാടിക്ക് നേതൃത്വം നല്‍കി. ഇൻറർസ്​കൂള്‍ പെയിൻറിങ്​ മത്സരാര്‍ഥികളുടെ വെര്‍ച്വല്‍ എക്​സിബിഷനും നടന്നു.