അകലങ്ങളില്ലാതെ പ്രാർഥിക്കാം

ദോഹ: ഒരു മീറ്ററി​െൻറ സാമൂഹിക അകലം ഒഴിവാക്കി, അടുത്തടുത്തായി അണിയൊപ്പിച്ച്​ ഇനി പള്ളികളിൽ പ്രാർഥന നടത്താം. കോവിഡ്​ നിയന്ത്രണങ്ങളിൽ ഇളവുകൾ നൽകിയതിനു പിന്നാലെ ഞായറാഴ്​ച മുതൽ രാജ്യത്തെ പള്ളികളിലെ ക്രമീകരണങ്ങളിൽ മാറ്റം വരുത്തിയതായി ഖത്തർ മതകാര്യ മന്ത്രാലയം അറിയിച്ചു. ദിവസേനയുള്ള അഞ്ചുനേര നമസ്​കാരങ്ങളിലും, വെള്ളിയാഴ്​ച ജുമുഅ നമസ്​കാരത്തിലും സാമൂഹിക അകലമില്ലാതെ, അടുത്തടുത്തായി നിൽക്കാം. അതേസമയം, വെള്ളിയാഴ്​ച ഖുതുബ ശ്രവിക്കു​േമ്പാൾ വിശ്വാസികൾ ഒരു മീറ്റർ അകലം പാലിച്ചു വേണം പള്ളിയിൽ ഇരിക്കാൻ. ശൗചാലയങ്ങൾ തുറക്കാനും തീരുമാനമായി. തിരക്ക്​ കുറഞ്ഞ പള്ളികളിൽ വുദു എടുക്കാനും സൗകര്യമൊരുക്കാമെന്നും നിർദേശമുണ്ട്​.

പള്ളിയിലും പരിസരങ്ങളിലും കോവിഡ്​ സുരക്ഷ മുൻകരുതലുകൾ പാലിക്കണം. മാസ്​ക്​ അണിഞ്ഞ്​ മാത്രമേ വിശ്വാസികൾ പള്ളിയിൽ പ്ര​വേശിക്കാൻ പാടുള്ളൂ. മുസല്ല കരുതണം. ഇഹ്​തിറാസ്​ ആപ്ലിക്കേഷൻ ബന്ധപ്പെട്ടവർക്ക്​ മുമ്പാകെ പ്രദർശിപ്പിക്കണം തുടങ്ങിയ നിർദേശങ്ങളുമുണ്ട്​. പുതിയ ഇളവുകൾ പ്രാബല്യത്തിൽ വരുന്ന ഒക്​ടോബർ മൂന്ന്​ ഞായറാഴ്​ച മുതലാവും​ പള്ളിയിലെ ഇളവുകളും നടപ്പാവുന്നത്​്. കോവിഡ്​ നിയന്ത്രണങ്ങൾ നീക്കം ചെയ്യുന്ന അന്തിമഘട്ടത്തിലേക്ക്​ പ്രവേശിക്കുന്നതി​െൻറ ഭാഗമായാണ്​ കൂടുതൽ ഇളവുകൾ നൽകാൻ ബുധനാഴ്​ച ചേർന്ന മന്ത്രിസഭ യോഗം തീരുമാനിച്ചത്.

• നമസ്​കാരങ്ങൾക്കും ജുമഅ നമസ്​കാരത്തിനും സാമൂഹിക അകലം വേണ്ട
• ജുമഅ ഖുതുബ ശ്രവിക്കു​േമ്പാൾ ഒരു മീറ്റർ അകലം പാലിച്ച്​ ഇരിക്കണം
• ശൗചാലയങ്ങൾ തുറക്കാം; ആൾതിരക്കില്ലാത്ത പള്ളികളിൽ വുദു ചെയ്യാനും സൗകര്യം
• മുസല്ല കരുതണം; മാസ്​ക്​ അണിയണം
• മാറ്റങ്ങൾ ഒക്​ടോബർ മൂന്നു മുതൽ പ്രാബല്യത്തിൽ