യു​ദ്ധ​ക്കു​റ്റം: ഇ​സ്രാ​യേ​ലി​നെ​തി​രെ അ​ന്താ​രാ​ഷ്ട്ര അ​ന്വേ​ഷ​ണം വേ​ണ​മെ​ന്ന് ഖ​ത്ത​ർ

ദോ​ഹ: ഗ​സ്സ​യി​ൽ നി​ഷ്ഠു​ര ആ​ക്ര​മ​ണം തു​ട​രു​ന്ന ഇ​സ്രാ​യേ​ലി​ന്റെ യു​ദ്ധ​ക്കു​റ്റ​ങ്ങ​ൾ​ക്കെ​തി​രെ അ​ന്താ​രാ​ഷ്ട്ര ഏ​ജ​ൻ​സി അ​ന്വേ​ഷ​ണം ആ​വ​ശ്യ​പ്പെ​ട്ട് ഖ​ത്ത​ർ. ചൊ​വ്വാ​ഴ്ച ദോ​ഹ​യി​ൽ ന​ട​ക്കു​ന്ന ഗ​ൾ​ഫ് സ​ഹ​ക​ര​ണ കൗ​ൺ​സി​ൽ 44ാമ​ത് ഉ​ച്ച​കോ​ടി​ക്കു മു​മ്പാ​യി ന​ട​ന്ന മ​ന്ത്രി​ത​ല സ​മ്മേ​ള​ന​ത്തി​ൽ പ​ങ്കെ​ടു​ത്ത് ഖ​ത്ത​ർ പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ റ​ഹ്മാ​ൻ ആ​ൽ​ഥാ​നി​യാ​ണ് ഇ​ക്കാ​ര്യ​മു​ന്ന​യി​ച്ച​ത്.

ഇ​സ്രാ​യേ​ൽ അ​ധി​നി​വേ​ശ സേ​ന ഗ​സ്സ​യി​ല്‍ ന​ട​ത്തി​യ യു​ദ്ധ​ക്കു​റ്റ​ങ്ങ​ളെ പ്ര​ധാ​ന​മ​ന്ത്രി ശ​ക്ത​മാ​യി അ​പ​ല​പി​ച്ചു. യു​ദ്ധ​ക്കു​റ്റ​ങ്ങ​ളി​ല്‍ ഉ​ത്ത​ര​വാ​ദി​ക​ളെ നി​യ​മ​ത്തി​ന് ‌മു​ന്നി​ൽ കൊ​ണ്ടു​വ​രാ​നും ശി​ക്ഷ​യി​ല്‍നി​ന്ന് അ​വ​ര്‍ ര​ക്ഷ​പ്പെ​ടി​ല്ലെ​ന്ന് ഉ​റ​പ്പു​വ​രു​ത്താ​നും അ​ന്വേ​ഷ​ണം ഉ​ട​ന്‍ ന​ട​ത്ത​ണ​മെ​ന്നും വി​വി​ധ ജി.​സി.​സി രാ​ജ്യ​ങ്ങ​ളി​ൽ നി​ന്നു​ള്ള വി​ദേ​ശ​കാ​ര്യ മ​ന്ത്രി​മാ​ർ പ​​ങ്കെ​ടു​ത്ത സ​മ്മേ​ള​ന​ത്തി​ൽ പ്ര​ധാ​ന​മ​ന്ത്രി വ്യ​ക്ത​മാ​ക്കി. ‘‘സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ സാ​ധാ​ര​ണ​ക്കാ​രെ​യും ആ​ശു​പ​ത്രി, സ്കൂ​ൾ, ആ​രോ​ഗ്യ പ്ര​വ​ർ​ത്ത​ക​ർ ഉ​ൾ​പ്പെ​ടെ അ​വ​ശ്യ​സേ​വ​ന​ങ്ങ​ളെ​ല്ലാം ല​ക്ഷ്യ​മി​ട്ടു​ള്ള ആ​ക്ര​മ​ണ​മാ​ണ് ഇ​​സ്രാ​യേ​ൽ തു​ട​രു​ന്ന​ത്.

ഉ​പ​രോ​ധം​കൊ​ണ്ട് വ​രി​ഞ്ഞു​മു​റു​ക്കി​യ ഫ​ല​സ്തീ​ൻ ജ​ന​ത​യെ കു​ടി​യി​റ​ക്കി​യും വം​ശീ​യ ഉ​ന്മൂ​ല​നം ന​ട​ത്തി​യും ഇ​സ്രാ​യേ​ൽ തു​ട​രു​ന്ന അ​തി​ക്ര​മം മ​നു​ഷ്യ​രാ​ശി​ക്കെ​തി​രാ​യ യു​ദ്ധ​ക്കു​റ്റ​മാ​യി ക​ണ​ക്കാ​ക്ക​ണം’’ -പ്ര​ധാ​ന​മ​ന്ത്രി പ​റ​ഞ്ഞു. ഒ​ക്ടോ​ബ​ർ ഏ​ഴി​ന് ആ​രം​ഭി​ച്ച യു​ദ്ധ​ത്തി​നി​ടെ ഖ​ത്ത​റി​ന്റെ നേ​തൃ​ത്വ​ത്തി​ലു​ള്ള മ​ധ്യ​സ്ഥ ഇ​ട​പെ​ട​ലി​നെ തു​ട​ർ​ന്ന് ന​വം​ബ​ർ 24 മു​ത​ൽ ഏ​ഴു ദി​വ​സം വെ​ടി​നി​ർ​ത്ത​ൽ സാ​ധ്യ​മാ​യെ​ങ്കി​ലും ക​ഴി​ഞ്ഞ വെ​ള്ളി​യാ​ഴ്ച മു​ത​ൽ വീ​ണ്ടും ഇ​സ്രാ​യേ​ൽ ആ​ക്ര​മ​ണ​ത്തി​ന് തു​ട​ക്കം കു​റി​ച്ച​തി​നെ പ്ര​ധാ​ന​മ​ന്ത്രി അ​പ​ല​പി​ച്ചു.

വെ​ടി​നി​ർ​ത്ത​ലും സ​മാ​ധാ​ന ശ്ര​മ​വും ത​ട​സ്സ​പ്പെ​ട്ടു​വെ​ങ്കി​ലും ഖ​ത്ത​റി​ന്റെ നേ​തൃ​ത്വ​ത്തി​ൽ മ​റ്റ് അ​ന്താ​രാ​ഷ്​​ട്ര ക​ക്ഷി​ക​ളു​മാ​യി സ​ഹ​ക​രി​ച്ച് വെ​ടി​നി​ർ​ത്ത​ൽ ശ്ര​മം ശ​ക്ത​മാ​യി തു​ട​രു​മെ​ന്നും ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ റ​ഹ്മാ​ൻ ആ​ൽ​ഥാ​നി പ​റ​ഞ്ഞു. വെ​ടി​നി​ർ​ത്ത​ലും യു​ദ്ധം പൂ​ർ​ണ​മാ​യി അ​വ​സാ​നി​പ്പി​ച്ച് മേ​ഖ​ല​യി​ൽ ശാ​ശ്വ​ത സ​മാ​ധാ​നം പു​നഃ​സ്ഥാ​പി​ക്ക​ലു​മാ​ണ് ഖ​ത്ത​റി​ന്റെ ല​ക്ഷ്യം. 1967ലെ ​അ​തി​ർ​ത്തി അ​ടി​സ്ഥാ​ന​മാ​ക്കി ദ്വി​രാ​ഷ്ട്ര രൂ​പ​വ​ത്ക​ര​ണ​ത്തി​ലൂ​ടെ പ്ര​ശ്നം പ​രി​ഹ​രി​ക്ക​ണ​മെ​ന്നും പ്ര​ധാ​ന​മ​ന്ത്രി വ്യ​ക്ത​മാ​ക്കി.