റ​മ​ദാ​ൻ കൂ​ടാ​ൻ അ​യ​ൽ​ക്കാ​രെ സ്വാ​ഗ​തം​ചെ​യ്ത് ഖ​ത്ത​ർ

ദോ​ഹ: റ​മ​ദാ​നി​ലെ പു​ണ്യ ദി​ന​ങ്ങ​ളി​ൽ ഖ​ത്ത​റി​ൽ കൂ​ടാ​ൻ അ​യ​ൽ​നാ​ട്ടു​കാ​രെ സ്വാ​ഗ​തം ചെ​യ്തു​കൊ​ണ്ട് വി​സി​റ്റ് ഖ​ത്ത​ർ. വി​സി​റ്റ് ഖ​ത്ത​റാ​ണ് ‘അ​യ​ൽ​ക്കാ​ർ​ക്ക് സ്വാ​ഗ​തം’ എ​ന്ന ത​ല​ക്കെ​ട്ടി​ൽ ഖ​ത്ത​രി ആ​തി​ഥ്യ​മ​ര്യാ​ദ​യു​ടെ മൂ​ല്യ​ങ്ങ​ളെ പ്ര​തി​ഫ​ലി​പ്പി​ക്കു​ന്ന കാ​മ്പ​യി​ന് തു​ട​ക്കം​കു​റി​ച്ച​ത്. ഖ​ത്ത​റി​ന്റെ സ​മ്പ​ന്ന​മാ​യ സാം​സ്‌​കാ​രി​ക പൈ​തൃ​കം അ​തി​ഥി​ക​ൾ​ക്ക് മു​ന്നി​ൽ വൈി​ധ്യ​മാ​ർ​ന്ന പ​രി​പാ​ടി​ക​ളി​ലൂ​ടെ​യും പ്ര​വ​ർ​ത്ത​ന​ങ്ങ​ളി​ലൂ​ടെ​യും അ​വ​ത​രി​പ്പി​ച്ച് വി​ശു​ദ്ധ മാ​സ​ത്തെ അ​ട​യാ​ള​പ്പെ​ടു​ത്തു​ക​യാ​ണ് ല​ക്ഷ്യം.

റ​മ​ദാ​ൻ നി​ങ്ങ​ളോ​ടൊ​പ്പം എ​ന്ന പ്ര​മേ​യ​ത്തി​ൽ ന​ട​ക്കു​ന്ന കാ​മ്പ​യി​ൻ ഖ​ത്ത​രി ആ​തി​ഥ്യ​മ​ര്യാ​ദ ഉ​യ​ർ​ത്തി​ക്കാ​ട്ടു​ന്ന​തോ​ടൊ​പ്പം റ​മ​ദാ​നി​ൽ ഖ​ത്ത​റും ജി.​സി.​സി രാ​ജ്യ​ങ്ങ​ളും ത​മ്മി​ലെ ഐ​ക്യ​വും മു​ന്നോ​ട്ടു​വെ​ക്കു​ന്നു.

വി​സി​റ്റ് ഖ​ത്ത​ർ റ​മ​ദാ​ൻ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി ക​ഴി​ഞ്ഞ വ​ർ​ഷം സം​ഘ​ടി​പ്പി​ച്ച ത്രോ​ബാ​ക്ക് ഫു​ഡ്‌ ഫെ​സ്റ്റി​വ​ൽ ര​ണ്ടാം പ​തി​പ്പ് ഇ​ത്ത​വ​ണ ന​ട​ക്കും. ‘ദു​ഖാ​നി’​ലൂ​ടെ പ​ഴ​യ സൂ​ഖി​ന്റെ അ​ന്ത​രീ​ക്ഷം സ​ന്ദ​ർ​ശ​ക​ർ​ക്കാ​യി സ​ജ്ജ​മാ​ക്കും. പ്ര​സി​ദ്ധ​മാ​യ ഗെ​യി​മു​ക​ളും ക​ഹൂ​ത്ത്, ട്ര​ഷ​ർ​ഹ​ണ്ട് തു​ട​ങ്ങി​യ മ​ത്സ​ര​ങ്ങ​ളും സ​ന്ദ​ർ​ശ​ക​ർ​ക്കാ​യി ഒ​രു​ക്കും. ക​ഥ​പ​റ​ച്ചി​ൽ, പാ​വ നാ​ട​ക പ്ര​ക​ട​ന​ങ്ങ​ൾ, ഖ​ത്ത​രി ഭ​ക്ഷ​ണ-​രു​ചി മ​ത്സ​ര​ങ്ങ​ൾ, ആ​തി​ഥ്യ​മ​ര്യാ​ദ പ്ര​മേ​യ​മാ​ക്കി​യു​ള്ള നാ​ടോ​ടി സം​ഗീ​ത പ​രി​പാ​ടി​ക​ളും മ​റ്റും ഫെ​സ്റ്റി​വ​ലി​ൽ ഉ​ൾ​പ്പെ​ടു​ത്തും.

റ​മ​ദാ​ൻ 15ാം രാ​വി​ൽ ന​ട​ക്കു​ന്ന ‘ഗ​ര​ൻ​ഗാ​വോ’ ആ​ഘോ​ഷ​ത്തോ​ടെ​യാ​ണ് ഫെ​സ്റ്റി​വ​ലി​ന് തി​ര​ശ്ശീ​ല വീ​ഴു​ക. പ്രാ​ദേ​ശി​ക ക​ര​കൗ​ശ​ല വ​സ്തു​ക്ക​ളും ഉ​ൽ​പ​ന്ന​ങ്ങ​ളും പ്ര​ദ​ർ​ശി​പ്പി​ക്കു​ന്ന പ​ര​മ്പ​രാ​ഗ​ത റ​മ​ദാ​ൻ വി​പ​ണി​ക​ൾ, പ​ര​മ്പ​രാ​ഗ​ത​വും പ​രി​ഷ്‌​കൃ​ത​വു​മാ​യ പ​ശ്ചാ​ത്ത​ല​ത്തി​ൽ സം​ഘ​ടി​പ്പി​ക്കു​ന്ന ഇ​ഫ്താ​ർ, സു​ഹൂ​ർ ഭ​ക്ഷ​ണം വി​ള​മ്പു​ന്ന റ​മ​ദാ​ൻ ടെ​ന്റു​ക​ൾ, ഖ​ത്ത​രി-​ഗ​ൾ​ഫ് പൈ​തൃ​ക​ത്തി​ൽ നി​ന്ന് പ്ര​ചോ​ദ​ന​മു​ൾ​ക്കൊ​ണ്ടു​ള്ള സാം​സ്‌​കാ​രി​ക പ​രി​പാ​ടി​ക​ൾ എ​ന്നി​വ​യെ​ല്ലാം കാ​മ്പ​യി​ന് കീ​ഴി​ൽ വി​വി​ധ ഇ​ട​ങ്ങ​ളി​ലാ​യി ന​ട​ക്കും.