ക​ണി​യും സ​ദ്യ​യു​മാ​യി പ്ര​വാ​സ​ത്തി​ൽ വി​ഷു

ദോഹ: ​ഈ​സ്റ്റ​റും ​പെ​രു​ന്നാ​ളും ആ​ഘോ​ഷി​ച്ച​തി​ന് പി​ന്നാ​ലെ ക​ണി​വെ​ള്ള​രി​യും ക​ണി​ക്കൊ​ന്ന​യു​മാ​യി വി​ഷു​വി​നെ ​വ​ര​വേ​റ്റ് പ്ര​വാ​സി മ​ല​യാ​ളി​ക​ളും. ​​പെ​രു​ന്നാ​ളി​ന്റെ ആ​ഘോ​ഷ​ക്കാ​ലം അ​വ​സാ​നി​ക്കും മു​മ്പേ വി​ഷു​വും എ​ത്തു​മ്പോ​ൾ പ്ര​വാ​സ​മ​ണ്ണി​ൽ ബ​ഹു​മ​താ​ഘോ​ഷ​ങ്ങ​ളു​ടെ നാ​ളു​ക​ൾ.

വി​പ​ണി​യി​ൽ പെ​രു​ന്നാ​ൾ തി​ര​ക്ക് അ​വ​സാ​നി​ച്ച​തി​നു പി​ന്നാ​ലെ മാ​ളു​ക​ളി​ലും ഹൈ​പ്പ​മാ​ർ​ക്ക​റ്റി​ലും വി​ഷു​വി​പ​ണി​യും ഉ​ണ​ർ​ന്നു. ക​ണി വി​ഭ​വ​ങ്ങ​ളും സ​ദ്യ​യു​മാ​ണ് പ്ര​ധാ​നം.

ലു​ലു, സ​ഫാ​രി, ഗ്രാ​ൻ​ഡ്, ഫാ​മി​ലി ഫു​ഡ്സെ​ന്റ​ർ ​ഉ​ൾ​പ്പെ​ടെ പ്ര​ധാ​ന ഹൈ​പ്പ​ർ​മാ​ർ​ക്ക​റ്റു​ക​ൾ വി​ഷു സ്​​പെ​ഷ​ൽ വി​പ​ണി​യും ആ​രം​ഭി​ച്ചി​ട്ടു​ണ്ട്. കൂ​ടു​ത​ൽ വി​ഭ​വ​ങ്ങ​ൾ വാ​ഗ്ദാ​നം ചെ​യ്ത്​ സ​ദ്യ​ക​ളു​മാ​യി ഹോ​ട്ട​ലു​ക​ളും രം​ഗ​ത്തു​ണ്ട്. ക​ണി​ക്കൊ​ന്ന​യാ​ണ് വി​പ​ണി​യി​ലെ താ​രം. ഗൃ​ഹാ​തു​ര​മാ​യ ഓ​ർ​മ​ക​ൾ സ​മ്മാ​നി​ക്കു​ന്ന ക​ണി​ക്കൊ​ന്ന​യും ക​ണി​വെ​ള്ള​രി​യും ആ​ക​ർ​ഷ​ക​മാ​യ വി​ല​യി​ൽ നേ​ര​ത്തെ ല​ഭ്യ​മാ​ണ്. വീ​ടു​ക​ളി​ൽ വി​ഷു​സ​ദ്യ ഒ​രു​ക്കു​ന്ന​തി​നാ​വ​ശ്യ​മാ​യ പ​ച്ച​ക്ക​റി​ക​ൾ ഒ​ന്നി​ച്ചു വാ​ങ്ങാ​നും സൗ​ക​ര്യ​മു​ണ്ട്.

22 ഇ​നം വി​ഭ​വ​ങ്ങ​ളു​മാ​യി ഗം​ഭീ​ര വി​ഷു സ​ദ്യ​യാ​ണ് ലു​ലു ഹൈ​പ്പ​ർ​മാ​ർ​ക്ക​റ്റ് ഒ​രു​ക്കി​യി​രി​ക്കു​ന്ന​ത്. പാ​ല​ട പാ​യ​സം മു​ത​ൽ അ​വി​യ​ലും തോ​ര​നും കൂ​ട്ടു​ക​റി​യും ഉ​ൾ​പ്പെ​ടെ 29.50 റി​യാ​ലാ​ണ് വി​ല. സ​ഫാ​രി ഹൈ​പ്പ​ർ​മാ​ർ​ക്ക​റ്റ് 25 വി​ഭ​വ​ങ്ങ​ളു​മാ​യി സ​ദ്യ 32 റി​യാ​ലി​നും ഗ്രാ​ൻ​ഡ് ഹൈ​പ്പ​ർ​മാ​ർ​ക്ക​റ്റ് 23 വി​ഭ​വ​ങ്ങ​ള​ട​ങ്ങി​യ സ​ദ്യ 27 റി​യാ​ലി​നും ബു​ക്കി​ങ്ങി​ന്റെ അ​ടി​സ്ഥാ​ന​ത്തി​ൽ ഉ​പ​ഭോ​ക്താ​ക്ക​ൾ​ക്ക് ല​ഭ്യ​മാ​ക്കു​ന്നു. ഏ​പ്രി​ൽ ആ​ദ്യ​വാ​രം ആ​രം​ഭി​ച്ച ബു​ക്കി​ങ്ങി​ന് നേ​ര​ത്തെ ത​ന്നെ തി​ര​ക്കേ​റി​യ​താ​യി വി​വി​ധ ഹൈ​പ്പ​ർ​മാ​ർ​ക്ക​റ്റ് ​അ​ധി​കൃ​ത​ർ അ​റി​യി​ച്ചു. പ്ര​മു​ഖ ഹോ​ട്ട​ലു​ക​ളും റ​സ്റ്റാ​റ​ന്റു​ക​ളും രു​ചി​വൈ​വി​ധ്യ​ങ്ങ​ളു​ടെ സ​ദ്യ​വ​ട്ട​വും അ​വ​ത​രി​പ്പി​ക്കു​ന്നു​ണ്ട്. പ്ര​വാ​സ​ത്തി​ലാ​ണെ​ങ്കി​ലും നാ​ടി​ന്റെ രു​ചി ന​ഷ്ട​മാ​വി​ല്ലെ​ന്ന വാ​ഗ്ദാ​ന​വു​മാ​യി ‘സാ​ത​ർ റെ​സ്റ്റാ​റ​ന്റ്’ 30ലേ​റെ വി​ഭ​വ​ങ്ങ​ളു​മാ​യി ഒ​രു​ക്കു​ന്ന സ​ദ്യ​ക്ക് 39 റി​യാ​ലാ​ണ് നി​ര​ക്ക്. കാ​ലി​ക്ക​റ്റ് ഷെ​ഫ് സ്പെ​ഷ​ൽ വി​ഷു സ​ദ്യ 35 റി​യാ​ലി​നും വാ​ഗ്ദാ​നം ചെ​യ്യു​ന്നു.

കൊ​ന്ന​പ്പൂ​വ്, വെ​ള്ള​രി, ച​ക്ക, തേ​ങ്ങ ഉ​ൾ​പ്പെ​ടെ വി​ഷു​ക്ക​ണി കി​റ്റു​ക​ൾ, പ​ച്ച​ക്ക​റി കി​റ്റു​ക​ൾ എ​ന്നി​വ​യും വി​ഷു വി​പ​ണി​യു​ടെ ഭാ​ഗ​മാ​യി ഹൈ​പ്പ​ർ​മാ​ർ​ക്ക​റ്റു​ക​ളി​ൽ സ​ജ്ജീ​ക​രി​ച്ചി​ട്ടു​ണ്ട്. ക​സ​വ്​ മു​ണ്ടു​ക​ൾ, സാ​രി, കു​ർ​ത്ത തു​ട​ങ്ങി​യ പ​ര​മ്പ​രാ​ഗ​ത വ​സ്ത്ര​ങ്ങ​ളു​ടെ​യും വി​പ​ണി വി​ഷു​വി​ന്​ മു​ന്നോ​ടി​യാ​യി സ​ജീ​വ​മാ​യി.