ഇ​ന്ത്യ​ൻ അം​ബാ​സ​ഡ​റാ​യി വി​പു​ൽ ഉ​ട​ൻ ചു​മ​ത​ല​യേ​ൽ​ക്കും

ദോ​ഹ: മു​ൻ ഇ​ന്ത്യ​ൻ അം​ബാ​സ​ഡ​ർ ദീ​പ​ക് മി​ത്ത​ൽ നാ​ട്ടി​ലേ​ക്ക് മ​ട​ങ്ങി മാ​സ​ങ്ങ​ളു​ടെ കാ​ത്തി​രി​പ്പി​നൊ​ടു​വി​ൽ ഖ​ത്ത​റി​ലെ പു​തി​യ അം​ബാ​സ​ഡ​റെ പ്ര​ഖ്യാ​പി​ച്ച് വി​ദേ​ശ​കാ​ര്യ മ​ന്ത്രാ​ല​യം. ഗ​ൾ​ഫ് ഡി​വി​ഷ​ൻ ജോ​യ​ന്റ് സെ​ക്ര​ട്ട​റി​ച്ചു​മ​ത​ല വ​ഹി​ച്ചി​രു​ന്നു വി​പു​ൽ പു​തി​യ അം​ബാ​സ​ഡ​റാ​യി ഉ​ട​ൻ ചു​മ​ത​ല​യേ​ൽ​ക്കു​മെ​ന്ന് വി​ദേ​ശ​കാ​ര്യ മ​ന്ത്രാ​ല​യം വാ​ർ​ത്ത​ക്കു​റി​പ്പി​ൽ വ്യ​ക്ത​മാ​ക്കി. മൂ​ന്നു​വ​ർ​ഷ കാ​ലാ​വ​ധി പൂ​ർ​ത്തി​യാ​ക്കി​യ ഡോ. ​ദീ​പ​ക് മി​ത്ത​ൽ ക​ഴി​ഞ്ഞ മാ​ർ​ച്ച് അ​വ​സാ​നം നാ​ട്ടി​ലേ​ക്ക് മ​ട​ങ്ങു​ക​യും പ്ര​ധാ​ന​മ​ന്ത്രി​യു​ടെ ഓ​ഫി​സ​ർ ഓ​ൺ സ്‍പെ​ഷ​ൽ ഡ്യൂ​ട്ടി​യി​ൽ ചു​മ​ത​ല​യേ​ൽ​ക്കു​ക​യും ചെ​യ്തി​ട്ടും ഖ​ത്ത​റി​ലേ​ക്ക് ഇ​ന്ത്യ​ക്ക് പു​തി​യ അം​ബാ​സ​ഡ​ർ ഇ​ല്ലാ​യി​രു​ന്നു. മു​ൻ യു.​എ.​ഇ അം​ബാ​സ​ഡ​റും ഗ​ൾ​ഫ് മേ​ഖ​ല​യി​ൽ സു​പ​രി​ചി​ത​നു​മാ​യ വി​പു​ൽ ഖ​ത്ത​റി​ലെ പു​തി​യ അം​ബാ​സ​ഡ​റാ​യി സ്ഥാ​ന​മേ​ൽ​ക്കു​മെ​ന്ന് ഇ​ന്ത്യ​ൻ ദേ​ശീ​യ​മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തെ​ങ്കി​ലും ഞാ​യ​റാ​ഴ്ച​യാ​ണ് ഔ​ദ്യോ​ഗി​ക പ്ര​ഖ്യാ​പ​ന​മു​ണ്ടാ​യ​ത്. കോ​ൺ​സു​ലാ​ർ പ​ദ​വി​യി​ലാ​യി​രു​ന്ന ആ​ഞ്ജ​ലീ​ന പ്രേ​മ​ല​ത അം​ബാ​സ​ഡ​റു​ടെ അ​സാ​ന്നി​ധ്യ​ത്തി​ൽ ഇ​ന്ത്യ​ൻ എം​ബ​സി​യു​ടെ ചു​മ​ത​ല​യു​ള്ള ഷെ​ർ​ഷെ ദ ​അ​ഫ​യേ​ഴ്സ് ആ​യി തു​ട​രു​ക​യാ​യി​രു​ന്നു.

ഇ​ന്ത്യ​യും ഖ​ത്ത​റും ത​മ്മി​ലെ ന​യ​ത​ന്ത്ര ബ​ന്ധം 50 വ​ർ​ഷം തി​ക​യു​ന്ന വേ​ള​യി​ലാ​ണ് വി​പു​ൽ ദോ​ഹ​യി​ൽ അം​ബാ​സ​ഡ​ർ പ​ദ​വി​യി​ലെ​ത്തു​ന്ന​ത്. നി​ല​വി​ൽ കേ​ന്ദ്ര വി​ദേ​ശ​കാ​ര്യ മ​ന്ത്രാ​ല​യ​ത്തി​ലെ ഗ​ള്‍ഫ് ഡി​വി​ഷ​ന്‍ ജോ​യ​ന്റ് സെ​ക്ര​ട്ട​റി​യാ​യ ഇ​ദ്ദേ​ഹം, 2017 മേ​യ് മു​ത​ല്‍ 2020 ജൂ​ലൈ വ​രെ ദു​ബൈ ഇ​ന്ത്യ​ന്‍ കോ​ണ്‍സു​ല്‍ ജ​ന​റ​ലാ​യി​രു​ന്നു. ഇ​ക്ക​ഴി​ഞ്ഞ ഏ​പ്രി​ൽ, മേ​യ് മാ​സ​ങ്ങ​ളി​ൽ സു​ഡാ​നി​ൽ ആ​ഭ്യ​ന്ത​ര സം​ഘ​ർ​ഷം രൂ​ക്ഷ​മാ​യ​പ്പോ​ൾ കു​ടു​ങ്ങി​യ ഇ​ന്ത്യ​ക്കാ​രെ സു​ര​ക്ഷി​ത​മാ​യി നാ​ട്ടി​ലെ​ത്തി​ക്കു​ന്ന​തി​നു​ള്ള ന​ട​പ​ടി​ക​ൾ​ക്ക് നേ​തൃ​ത്വ​വു​മാ​യി സൗ​ദി​യി​ലും വി​പു​ലി​ന്റെ സാ​ന്നി​ധ്യ​മു​ണ്ടാ​യി​രു​ന്നു.

1998ലെ ​ഇ​ന്ത്യ​ന്‍ ഫോ​റി​ന്‍ സ​ർ​വി​സ് ഉ​ദ്യോ​ഗ​സ്ഥ​നാ​ണ് ഇ​ദ്ദേ​ഹം. ഇ​ന്ത്യ​ന്‍ ഇ​ന്‍സ്റ്റി​റ്റ്യൂ​ട്ട് ഓ​ഫ് ടെ​ക്‌​നോ​ള​ജി​യി​ല്‍നി​ന്ന് മെ​ക്കാ​നി​ക്ക​ല്‍ എ​ന്‍ജി​നീ​യ​റി​ങ്ങി​ലാ​ണ് ബി​രു​ദം നേ​ടി​യ​ത്. ഹൈ​ദ​രാ​ബാ​ദി​ലെ ഇ​ന്ത്യ​ന്‍ സ്‌​കൂ​ള്‍ ഓ​ഫ് ബി​സി​ന​സി​ല്‍നി​ന്ന് എം.​ബി.​എ​യും ക​ര​സ്ഥ​മാ​ക്കി. കീ​ര്‍ത്തി​യാ​ണ് പ​ത്നി.