‘സമാധാനം പട​ുത്തുയർത്തുന്നതിനും സംഘർഷം തടയുന്നതിനുമുള്ള ഏറ്റവും പ്രധാനപ്പെട്ട മാർഗം വിദ്യാഭ്യാസം’

ദോഹ: സമാധാനം പട​ുത്തുയർത്തുന്നതിനും ലോകത്ത്​ സംഘർഷം തടയുന്നതിനുമുള്ള ഏറ്റവും പ്രധാനപ്പെട്ട മാർഗം വിദ്യാഭ്യാസമാണെന്ന് യു.എൻ സസ്​റ്റയ്നബ്ൾ ഡെവലപ്മെൻ്റ് അഡ്വക്കേറ്റും എജുക്കേഷൻ എബവ് ഓൾ (ഇ.എ.എ) സ്​ഥാപകയുമായ ശൈഖ മൗസ പറഞ്ഞു.

ഹേഗ് ഇൻസ്​റ്റിറ്റ്യൂട്ട് ഫോർ ഗ്ലോബൽ ജസ്റ്റിസി​​െൻറ സെമിനാർ പരമ്പരയിൽ പെട്ട നിയമം, വിദ്യാഭ്യാസം എന്നിവയും ഗ്രൂപ്പ് ഓഫ് സസ്​റ്റയ്നബ്ൾ ഡെവലപ്മ​​െൻറ്​ ഗോൾസും (എസ്​ ഡി ജി) എന്ന സെമിനാറിൽ പ​െങ്കടുത്ത്​ സംസാരിക്കുകയായിരുന്നു അവർ. സംഘർഷം നിലനിൽക്കുന്നിടത്ത്​​ കുട്ടികൾക്ക്​  വിദ്യാഭ്യാസം നൽകേണ്ടതുണ്ട്.  വിദ്യാഭ്യാസത്തിന് നേരെ ആക്രമണമുണ്ടാകുമ്പോൾ യുദ്ധത്തി​​​െൻറ പേരിൽ സ്​കൂളുകൾ തകർക്കപ്പെടുമ്പോഴും ദശലക്ഷക്കണക്കിന് കുട്ടികൾക്കുണ്ടാകുന്ന പ്രശ്​നങ്ങൾ ദയനീയമാണ്​. കുട്ടികൾക്ക്​ നേരെ ഉണ്ടാകുന്ന ആ​ക്രമണംമൂലം ജീവിതകാലം നീണ്ടുനിൽക്കുന്ന വേദന ലോകം തിരിച്ചറിയേണ്ടതുണ്ട് എന്നും ശൈഖ മൗസ പറഞ്ഞു.സാധാരണ ഒരു കുട്ടിയുടെ ഭാവി രൂപപ്പെടാൻ വർഷങ്ങളെടുക്കും. 

എന്നാൽ സ്​കൂളുകൾ ബോംബ് വെച്ച് തകർത്ത്​ തരിപ്പണമാക്കു​േമ്പാൾ, അവിടെ  ഇഷ്​ടിക കൂമ്പാരങ്ങൾ മാത്രമല്ല ബാക്കിയാകുന്നത്. ഇഷ്​ടിക​െള  എടുത്തുമാറ്റാമെങ്കിലും, അതിന്​ സാക്ഷികളാകുന്ന കുട്ടികളുടെ മനസ്സും ഭാവിയും പകരം വെക്കാൻ സാധിക്കില്ല. ടി.വി സ്​ക്രീനിൽ യുദ്ധദൃശ്യങ്ങൾ കാണുമ്പോൾ ഇഷ്​ടിക കൂമ്പാരത്തിനപ്പുറം നമ്മുടെ ചിന്ത പോകേണ്ടതുണ്ട്. 

ക്ലാസ്​ മുറികളിൽ തിരിച്ചെത്താൻ സാധിക്കാത്ത കുട്ടികളെ ഓർക്കു​േമ്പാൾ വേദന തോന്നും.  തെരുവിൽ ഉപേക്ഷിക്കപ്പെട്ട കുട്ടികളെ ഒാർക്കുകയും വേണം. അവരുടെ വേദനയും ദേഷ്യവും അനീതിയുമെല്ലാം ഭാവനയിൽ കാണുക ശൈഖ മൗസ ചൂണ്ടിക്കാട്ടി.