ശമാലിൽ വാഹനങ്ങൾ നീക്കം ചെയ്ത് തുടങ്ങി

ദോഹ: പൊതു ശുചിത്വ നിയമപ്രകാരം ശമാൽ മുനിസിപ്പാലിറ്റി പരിധിക്കുള്ളിലെ ഉപേക്ഷിക്കപ്പെട്ട വാഹനങ്ങൾ നീക്കം ചെയ്യുന്ന സംയുക്ത കാമ്പയിന് തുടക്കമായി.ശമാൽ മുനിസിപ്പാലിറ്റിയുമായി സഹകരിച്ച് ഉപേക്ഷിക്കപ്പെട്ട വാഹനങ്ങൾ നീക്കം ചെയ്യുന്നതിനുള്ള പ്രത്യേക സമിതി, മെക്കാനിക്കൽ എക്യുപ്മെൻറ് ഡിപ്പാർട്​മെൻറ്, പൊതു ശുചിത്വ വിഭാഗം എന്നിവർ സംയുക്തമായാണ് വാഹനങ്ങൾ നീക്കം ചെയ്യുന്നത്.

ഉപേക്ഷിക്കപ്പെട്ട വാഹനങ്ങൾ നീക്കം ചെയ്യുന്നതിെൻറ രണ്ടാം ഘട്ട കാമ്പയിനാണ് മുനിസിപ്പാലിറ്റി പരിസ്​ഥിതി മന്ത്രാലയം ആരംഭിച്ചിരിക്കുന്നത്.കാമ്പയിൻ ഉദ്ഘാടന ചടങ്ങിൽ ദോഹ മുനിസിപ്പാലിറ്റി ജനറൽ കൺേട്രാൾ സെക്​ഷൻ മേധാവിയും സമിതി അംഗവുമായ ഹമദ് സുൽത്താൻ അൽ ഷഹ്​വാനി, അൽ ശമാൽ മുനിസിപ്പാലിറ്റി ഹെൽത്ത് കൺേട്രാൾ സെക്​ഷൻ മേധാവി ഹസൻ അൽ നുഐമി, ലഖ്​വിയ സുരക്ഷാ ഉദ്യോഗസ്​ഥർ, വിവിധ വകുപ്പുകളിൽ നിന്നുള്ള പ്രതിനിധികൾ, ഉദ്യോഗസ്​ഥർ എന്നിവർ പങ്കെടുത്തു.

കാമ്പയിൻ രണ്ടാഴ്ച നീളുമെന്ന് അൽ ഷഹ്​വാനി പറഞ്ഞു.രാജ്യത്തെ വിവിധ മുനിസിപ്പാലിറ്റികളിൽനിന്ന്​ ഈ വർഷം 7484 വാഹനങ്ങൾ നീക്കം ചെയ്തതായി മുനിസിപ്പാലിറ്റി പരിസ്​ഥിതി മന്ത്രാലയം അറിയിച്ചു.ശമാൽ മുനിസിപ്പാലിറ്റിയിലെ പ്രവർത്തനങ്ങൾക്ക് ശേഷം അധികൃതർ അൽഖോർ-ദഖീറ മുനിസിപ്പാലിറ്റിയിലെ ഉപേക്ഷിക്കപ്പെട്ട വാഹനങ്ങൾ നീക്കം ചെയ്യും. അതേസമയം, ശമാൽ മുനിസിപ്പാലിറ്റി പരിധിയിൽനിന്നായി കാമ്പയിൻ ആരംഭിച്ചതിനു ശേഷം 140 വാഹനങ്ങൾ കണ്ടെടുത്തതായും ഉടൻ തന്നെ ഇവ നീക്കം ചെയ്യുമെന്നും ഹസൻ അൽ നുഐമി വ്യക്തമാക്കി.

ഉപേക്ഷിക്കപ്പെട്ട വാഹനങ്ങൾ ഉടമസ്​ഥർ എടുത്തുമാറ്റണമെന്നും അല്ലെങ്കിൽ പൊതുശുചിത്വ നിയമപ്രകാരം നിയമനടപടികൾ നേരിടേണ്ടി വരുമെന്നും അധികൃതർ മുന്നറിയിപ്പ് നൽകി.