സ്വ​ദേ​ശി ഉ​ൽ​പ​ന്ന​ങ്ങ​ൾ സ​ജീ​വം;  പ​ച്ച​ക്ക​റി വില കുറയുന്നു

ദോ​ഹ: ക​ഴി​ഞ്ഞ ഏ​താ​നും മാ​സ​ങ്ങ​ളാ​യി കൂ​ടി​യ വി​ല​ക്ക് വി​ൽ​പ്പ​ന ന​ട​ത്തി​യി​രു​ന്ന പ​ച്ച​ക്ക​റികൾക്ക്​ വില കുറഞ്ഞുതുടങ്ങി. സൗ​ദി അ​റേ​ബ്യ​യി​ൽ നി​ന്ന് ഇ​റ​ക്കു​മ​തി ചെ​യ്തി​രു​ന്ന പ​ച്ച​ക്ക​റി​ക​ളു​ടെ വ​ര​​വ് നി​ല​ച്ച​തോ​ടെ മ​റ്റ് വി​ദേ​ശ രാ​ജ്യ​ങ്ങ​ളി​ൽ നി​ന്നു​ള്ള ഇ​റ​ക്കു​മ​തി​യാ​ണ് വി​പ​ണി​യെ നി​യ​ന്ത്രി​ച്ചി​രു​ന്ന​ത്. ഇ​ങ്ങ​നെ ഇ​റ​ക്കു​മ​തി ചെ​യ്യു​ന്ന ച​ര​ക്കു​ക​ൾ​ക്കാ​ക​ട്ടെ മി​ക​ച്ച വി​ല​യാ​ണ് ഉ​പ​ഭോ​ക്താ​വ് ന​ൽ​കേ​ണ്ടി വ​രു​ന്ന​ത്. എ​ന്നാ​ൽ ഏ​താ​നും ദി​വ​സ​ങ്ങ​ളാ​യി പ്ര​ാദേ​ശി​ക​മാ​യി കൃ​ഷി ചെ​യ്ത പ​ച്ച​ക്ക​റി​ക​ൾ വി​പ​ണി​യി​ൽ എ​ത്തി​. ഇതോടെ വ​ലി​യ തോ​തി​ൽ വി​ല​ക്കു​റ​വ് അ​നു​ഭ​വ​പ്പെ​ട്ട് തു​ട​ങ്ങി​യ​താ​യാ​ണ് വി​ല​യി​രി​ത്ത​പ്പെ​ടു​ന്ന​ത്. 

ക​ക്കി​രി, കൂ​സ, ശ​മ്മാം, വ​ഴു​തി​ന​ങ്ങ, ചെ​റു​നാ​ര​ങ്ങ, മ​ത്ത​ൻ, ത​ണ്ണി​മ​ത്ത​ൻ, ഖ​സ്സ്, മ​ല്ലി​യി​ല, ചീ​ര, പൊ​തീ​ന തു​ട​ങ്ങി വി​വി​ധ​യി​നം പ​ച്ച​ക്ക​റി​ക​ളാ​ണ് പ്രാ​ദേ​ശി​ക​മാ​യി കൃ​ഷി ചെ​യ്ത് വി​പ​ണി​യി​ൽ എ​ത്തി​യി​രി​ക്കു​ന്ന​ത്. ക​ഴി​ഞ്ഞ ദി​വ​സം ആ​റ് കി​ലോ ഉണ്ടായിരുന്ന ക​ക്കി​രി​ക്ക്  ഇ​രു​പ​ത് റി​യാ​ലാ​ണ് മൊത്ത മാ​ർ​ക്ക​റ്റി​ലെ വി​ല. ആ​റ് കി​ലോ വ​രു​ന്ന ത​ക്കാ​ളി​യും ഇ​രു​പ​ത് റി​യാ​ലി​ന് ത​ന്നെ ല​ഭ്യ​മാ​യി തു​ട​ങ്ങി. അ​ഞ്ച് കി​ലോ വ​​രു​ന്ന വ​ഴു​തി​ന​ങ്ങക്ക്​ പ​തി​ന​ഞ്ച് റി​യാ​ലാ​ണ് വി​ല.

വി​വി​ധ രാജ്യങ്ങളിൽ നിന്ന്​ ക​ര​മാ​ർ​ഗം പ​ച്ച​ക്ക​റി​ക​ൾ എ​ത്തി​യി​രു​ന്ന​ത് ഉ​പ​രോ​ധ​ത്തെ തു​ട​ർ​ന്ന് പൂ​ർ​ണ​മാ​യി നി​ല​ച്ചി​രു​ന്നു. ഇ​ത് മ​റി​ക​ട​ക്കാ​ൻ തു​ർ​ക്കി​യ​ട​ക്ക​മു​ള്ള രാ​ജ്യ​ങ്ങ​ളി​ൽ നി​ന്ന് വി​മാ​ന മാ​ർ​ഗ​മാ​ണ് പ​ച്ച​ക്ക​റി​ക​ൾ എ​ത്തി​യി​രു​ന്ന​ത്. സ്വ​ദേ​ശി ക​ർ​ഷ​ക​ർ കാ​ർ​ഷിക രം​ഗ​ത്ത് സ​ജീ​വ​മാ​യ​തോ​ടെ ആ​വ​ശ്യ​ത്തി​നു​ള്ള പ​ച്ച​ക്ക​റി​ക​ൾ ഇ​വി​ടെ ത​ന്നെ ല​ഭ്യ​മാ​കുന്ന അ​വ​സ്​​ഥ​യി​ലേ​ക്ക് കാര്യങ്ങളെത്തി. വ​രും ദി​ന​ങ്ങ​ളി​ൽ കൂ​ടു​ത​ൽ സ്വ​ദേ​ശി ഉ​ൽ​പ​ന്ന​ങ്ങ​ൾ വി​പ​ണി​യി​ൽ എ​ത്തു​മെ​ന്നാ​ണ് പ്ര​തീ​ക്ഷി​ക്ക​ുന്ന​ത്.