വന്ദേഭാരത്​ മിഷൻ: ഖത്തറിൽ നിന്ന്​ ഇനി വിമാനടിക്കറ്റ്​ നേരിട്ട്​ ബുക്ക്​ ചെയ്യാം

ദോഹ: കോവിഡ്​ പശ്​ചാത്തലത്തിൽ നാട്ടിലേക്ക്​ മടങ്ങാനാഗ്രഹിക്കുന്നവർക്കുള്ള വന്ദേഭാരത്​ മിഷൻ വിമാനങ്ങളിലെ  യാത്രക്ക്​ ഇനിമുതൽ ഇന്ത്യൻ എംബസിയിൽ നിന്നുള്ള വിളിക്ക്​ കാത്തുനിൽക്കേണ്ട. ഇന്ത്യൻ എംബസിയിൽ രജിസ്​റ്റർ  ചെയ്​ത ആർക്കും ഇനിമുതൽ അതത്​ വിമാനകമ്പനികളിൽ നിന്ന്​ നേരിട്ട്​ ഓൺലൈൻ വഴി വിമാനടിക്കറ്റ്​ ബുക്ക്​ ചെയ്യാം.  നിലവിൽ ഇന്ത്യൻ എംബസി വഴിയാണ്​ ടിക്കറ്റ്​ നൽകിയിരുന്നത്​. ഇനിയും രജിസ്​റ്റർ ചെയ്​തിട്ടില്ലാത്തവർ  https://www.indianembassyqatar.gov.in/indian_nationals_repatriation_reg_form എന്ന ലിങ്ക്​ വഴി രജിസ്​റ്റർ  ചെയ്യണമെന്ന്​ ഇന്ത്യൻ എംബസി അറിയിച്ചു.

അടുത്ത ഘട്ടത്തിൽ ഖത്തറിൽ നിന്ന്​ ഇന്ത്യയിലേക്ക്​ 193 വിമാന  സർവീസുകളാണ്​ വന്ദേഭാരത്​ മിഷനിൽ ഉള്ളത്​. ഇവ നടത്തുന്നത്​ ഇൻഡിഗോ ആണ്​. കേരളത്തിലേക്ക് 151  വിമാനങ്ങളുമുണ്ട്​. ടിക്കറ്റ്​ ബുക്കിങ്​ വെള്ളിയാഴ്​ച വൈകുന്നേരത്തോടെ തന്നെ ആരംഭിക്കുമെന്നാണ്​ ഇൻഡിഗോ  അറിയിച്ചിരിക്കുന്നത്​. വന്ദേ ഭാരത് മിഷ​െൻറ നാലാം ഘട്ടത്തിൽ ഖത്തറിൽ നിന്നും ജൂലൈ, ആഗസ്​റ്റ് മാസങ്ങളിലായാണ്​ കേരളമടക്കം  ഇന്ത്യയിലെ ആറ് സംസ്​ഥാനങ്ങളിലേക്കുള്ള വിമാന സർവീസ്​ ഇൻഡിഗോ നടത്തുന്നത്​.

ജൂലൈ 3 മുതൽ ആഗസ്​റ്റ് 15 വരെയാണിത്​. ഖത്തറിൽ നിന്നുള്ള മുഴുവൻ സർവീസുകളും ബജറ്റ് എയർലൈൻസായ  ഇൻഡിഗോയാണ്​ നടത്തുകയെന്ന് കമ്പനി നേരത്തെ തന്നെ പ്രഖ്യാപിച്ചിരുന്നു.വിദേശകാര്യ മന്ത്രാലയം നൽകുന്ന വിവരങ്ങളനുസരിച്ച് ഉത്തർ പ്രദേശിലേക്കും മഹാരാഷ്ട്രയിലേക്കും ഏഴ് വീതം  വിമാനങ്ങളാണുണ്ടായിരിക്കുക. തെലങ്കാനയിലേക്കും കർണാടകയിലേക്കും എട്ട് വിമാനങ്ങളും തമിഴ്നാട്ടിലേക്ക് 12 വിമാനങ്ങളും ഖത്തറിൽ നിന്നും പറക്കും. കേരളത്തിലേക്ക് 151 വിമാനങ്ങളുണ്ട്​. 

ലഖ്നോ, മുംബൈ, ഹൈദരാബാദ്, ചെന്നൈ, ബംഗലുരു, തിരുവനന്തപുരം, കോഴിക്കോട്, കണ്ണൂർ, കൊച്ചി എന്നീ  നഗരങ്ങളിലേക്കായിരിക്കും സർവീസുകൾ. തിരുവനന്തപുരത്തേക്ക് 34 വിമാനങ്ങളും കോഴിക്കോട്ടേക്ക് 35 വിമാനങ്ങളും  കണ്ണൂരിലേക്ക് 35ഉം കൊച്ചിയിലേക്ക് 47ഉം വിമാനങ്ങളുമാണ് ഈ ഘട്ടത്തിലുണ്ടാകുക.വന്ദേ ഭാരത് മിഷ​​െൻറ നാലം ഘട്ടത്തിൽ ലോകത്തി​െൻറ വിവിധ ഭാഗങ്ങളിൽ നിന്നായി ഇന്ത്യയിലേക്ക് 566 വിമാനങ്ങളാണ്  കേന്ദ്ര സർക്കാർ പ്രഖ്യാപിച്ചിരിക്കുന്നത്.