വ​ല്യു​പ്പ​യു​ടെ സി​ദാ​ൻ, എ​ന്‍റെ​യും

അ​ബൂ​താ​ഹി​ർ മു​ഹ​മ്മ​ദ്​ താ​ഹ

ഖ​ത്ത​ർ ലോ​ക​ക​പ്പി​ന്‍റെ ആ​ര​വ​ങ്ങ​ളെ സ്വാ​ഗ​തം​ചെ​യ്ത്​ കാ​ത്തി​രി​ക്കു​മ്പോ​ൾ എ​ന്‍റെ ഓ​ർ​മ​യി​ലെ​ത്തു​ന്ന​ത്​ 2006 ജ​ർ​മ​നി ലോ​ക​ക​പ്പാ​ണ്. ലോ​ക രാ​ജാ​ക്ക​ന്മാ​രെ നി​ർ​ണ​യി​ക്കു​ന്ന ക​ലാ​ശ​പ്പോ​രാ​ട്ട​ത്തി​ൽ വ​യ​സ്സ​ൻ​പ​ട എ​ന്നു​ പേ​രു​കേ​ട്ട മ​ർ​സെ​ല്ലോ ലി​പ്പി​യു​ടെ ഇ​റ്റ​ലി​യും സാ​ക്ഷാ​ൽ സി​ന​ദി​ൻ സി​ദാ​ൻ ഉ​ൾ​പ്പെ​ടെ​യു​ള്ള വി​ര​മി​ച്ച താ​ര​ങ്ങ​ളെ തി​രി​ച്ചു​വി​ളി​ച്ച റെ​യ്‌​മ​ൻ​ഡ് ഡൊ​മെ​ഷി​ന്റെ ഫ്രാ​ൻ​സും ത​മ്മി​ലെ മ​ത്സ​രം. ഫു​ട്ബാ​ളി​നെ ഏ​റെ സ്നേ​ഹി​ച്ച വ​ല്യു​പ്പ​യി​ലൂ​ടെ​യാ​ണ്​ പ​ന്തു​ക​ളി​യെ അ​റി​ഞ്ഞു​തു​ട​ങ്ങി​യ​ത്. ഞ​ങ്ങ​ളു​ടെ നാ​ടാ​യ തൃ​ശൂ​രി​ൽ ന​ട​ക്കു​ന്ന വി​വി​ധ ടൂ​ർ​ണ​മെ​ന്റു​ക​ളി​ലും ഫു​ട്ബാ​ൾ ക്യാ​മ്പു​ക​ളി​ലും പോ​യി കാ​ൽ​പ​ന്തി​ന്റെ മ​നോ​ഹ​ര​മാ​യ ലോ​കം തൊ​ട്ട​റി​ഞ്ഞു. അ​ദ്ദേ​ഹ​ത്തി​ന്റെ ഏ​റ്റ​വും പ്രി​യ​പ്പെ​ട്ട ക​ളി​ക്കാ​ര​ൻ ആ​യി​രു​ന്നു സി​ദാ​ൻ. അ​തു​കൊ​ണ്ടു​ത​ന്നെ മ​ധ്യ​നി​ര​യി​ൽ വി​സ്മ​യം തീ​ർ​ക്കു​ന്ന ആ ​മാ​ന്ത്രി​ക​ൻ ഒ​രി​ക്ക​ൽ കൂ​ടി ഫ്രാ​ൻ​സി​ന് വി​ശ്വ​കി​രീ​ടം ചൂ​ടി​ക്കൊ​ടു​ക്കു​ന്ന​ത് കാ​ണാ​ൻ ആ ​രാ​ത്രി​യി​ൽ ഞ​ങ്ങ​ളും കാ​ത്തി​രു​ന്നു.

ഗ്രൂ​പ് ചാ​മ്പ്യ​ന്മാ​രാ​യാ​ണ് ഇ​റ്റ​ലി മു​ന്നേ​റി​യ​ത്. എ​ന്നാ​ൽ ഫ്രാ​ൻ​സി​ന്റെ സ്ഥി​തി കു​റ​ച്ച് പ​രു​ങ്ങ​ലി​ലാ​യി​രു​ന്നു. ആ​ദ്യ ര​ണ്ട് മ​ത്സ​ര​ങ്ങ​ളി​ലും സ്വി​റ്റ്​​സ​ർ​ല​ൻ​ഡി​നോ​ടും കൊ​റി​യ​യോ​ടും സ​മ​നി​ല വ​ഴ​ങ്ങി​യ ഫ്രാ​ൻ​സ് ആ​ഫ്രി​ക്ക​ൻ വ​ൻ​ക​ര​യി​ൽ​നി​ന്നു​ള്ള ടോ​ഗോ​യെ തോ​ൽ​പി​ച്ച് ഗ്രൂ​പ്പി​ലെ ര​ണ്ടാം സ്ഥാ​ന​വും കൊ​ണ്ടാ​ണ് അ​ടു​ത്ത ഘ​ട്ട​ത്തി​ലേ​ക്ക് വ​ന്ന​ത്. അ​തു​കൊ​ണ്ടു​ത​ന്നെ ഫ്രാ​ൻ​സി​ന്റെ മേ​ൽ ഒ​രു ഫൈ​ന​ൽ പ്ര​തീ​ക്ഷ​യൊ​ന്നു​മി​ല്ലാ​യി​രു​ന്നു.

പ​ക്ഷേ, നോ​ക്കൗ​ട്ട്​ റൗ​ണ്ടു​ക​ളി​ലെ പ്ര​ക​ട​ന​ങ്ങ​ൾ ആ​​രാ​ധ​ക​ർ​ക്കും ആ​വേ​ശം ന​ൽ​കി. സെ​മി​യി​ൽ ശ​ക്ത​രാ​യ ജ​ർ​മ​ൻ പ​ട​യെ വീ​ഴ്ത്തി​യ ഇ​റ്റ​ലി​യും മി​ക​ച്ച ടീ​മു​മാ​യി വ​ന്ന ലൂ​യി​സ് ഫി​ഗോ​യു​ടെ പ​റ​ങ്കി​പ്പ​ട​യെ വീ​ഴ്ത്തി ഫ്രാ​ൻ​സും ക​ലാ​ശ​പ്പോ​രാ​ട്ട​ത്തി​ലേ​ക്ക് എ​ത്തി​യ​പ്പോ​ൾ ഞ​ങ്ങ​ൾ ആ​​രാ​ധ​ക​ർ​ക്കും അ​വി​സ്മ​ര​ണീ​യ​മാ​യി.

ഫൈ​ന​ലി​ൽ സി​ദാ​ന്‍റെ മാ​ജി​ക്കി​ൽ ഫ്രാ​ൻ​സ്​ ക​പ്പ​ടി​ക്കു​മെ​ന്നു​ത​ന്നെ ഞ​ങ്ങ​ൾ ഉ​റ​പ്പി​ച്ചു. ഏ​ഴാം മി​നി​റ്റി​ൽ ല​ഭി​ച്ച പെ​നാ​ൽ​റ്റി എ​ക്കാ​ല​ത്തെ​യും മി​ക​ച്ച ഗോ​ൾ​കീ​പ്പ​ർ​മാ​രി​ൽ ഒ​രാ​ളാ​യ ബു​ഫ​ണി​നെ ക​ബ​ളി​പ്പി​ച്ച്​ സി​ദാ​ൻ ചി​പ്പ്​ ചെ​യ്ത്​ ഗോ​ൾ​വ​ര ക​ട​ത്തി​യ​പ്പോ​ൾ ഞ​ങ്ങ​ളും തു​ള്ളി​ച്ചാ​ടി. സ​മ്മ​ർ​ദ​ഘ​ട്ട​ത്തി​ലും സി​ദാ​ൻ കാ​ണി​ച്ച മ​ന​ക്ക​രു​ത്ത് അ​തു​ല്യ​മാ​യി​രു​ന്നു. ആ ​രാ​ത്രി​യി​ൽ എ​ന്റെ വ​ല്യു​പ്പ​യു​ടെ മു​ഖ​ത്ത് ക​ണ്ട ആ​വേ​ശ​വും ആ​ഹ്ലാ​ദ​വും മ​റ്റൊ​രു ഫു​ട്ബാ​ൾ പ്രേ​മി​യു​ടെ മു​ഖ​ത്തും ഞാ​ൻ ഇ​ന്നേ​വ​രെ ക​ണ്ടി​ട്ടി​ല്ല.

പ​ക്ഷേ ആ ​സ​ന്തോ​ഷ​ത്തി​നും ആ​ഹ്ലാ​ദ​ത്തി​നും വെ​റും 12 നി​മി​ഷ​ത്തി​ന്റെ ആ​യു​സ്സ് മാ​ത്ര​മാ​ണു​ണ്ടാ​യി​രു​ന്ന​ത്. അ​സൂ​റി​പ്പ​ട​യി​ലെ മി​ഡ് ഫീ​ൽ​ഡ് ജ​ന​റ​ൽ പി​ർ​ലോ​യി​ൽ​നി​ന്ന് കി​ട്ടി​യ ബാ​ൾ മ​റ്റ​രാ​സി ഫ്ര​ഞ്ച് ഗോ​ൾ മു​ഖ​ത്തേ​ക്ക് തി​രി​ച്ചു​വി​ട്ടു. സ​മ​നി​ല​യി​ലാ​യ ക​ളി അ​ധി​ക​സ​മ​യ​ത്തേ​ക്ക്.

എ​ക്സ്ട്രാ ടൈം ​തീ​രാ​ൻ നി​മി​ഷ​ങ്ങ​ൾ ശേ​ഷി​ക്കെ​യാ​ണ് സി​ദാ​നി​ൽ​നി​ന്നും മു​മ്പോ അ​തി​നു ശേ​ഷ​മോ ന​ട​ന്നി​ട്ടി​ല്ലാ​ത്ത ആ ​ദു​ർ​നി​മി​ഷം പി​റ​ന്ന​ത്. മു​ന്നി​ലേ​ക്ക് ന​ട​ന്നു​നീ​ങ്ങി​യ സി​ദാ​ൻ പെ​ട്ടെ​ന്നു​ത​ന്നെ തി​രി​ഞ്ഞ് മ​റ്റ​രാ​സി​യു​ടെ നെ​ഞ്ചി​ലേ​ക്ക് ത​ന്റെ ത​ല കൊ​ണ്ട് കു​ത്തി​യ രം​ഗം ക​ണ്ട് ഞ​ങ്ങ​ളും ഞെ​ട്ടി. അ​വി​ടെ തീ​രു​ക​യാ​യി​രു​ന്നു ഫ്രാ​ൻ​സി​ന്റെ വി​ശ്വ കി​രീ​ട​പ്ര​തീ​ക്ഷ. പി​ന്നെ ന​ട​ന്ന ഷൂ​ട്ടൗ​ട്ടി​ൽ ഒ​രു​പ​ക്ഷേ സി​ദാ​ൻ എ​ടു​ക്കേ​ണ്ടി​യി​രു​ന്ന ഒ​രു കി​ക്ക്‌, ട്രെ​സ​ഗേ പാ​ഴാ​ക്കി​യ​തോ​ടെ ഇ​റ്റ​ലി​യു​ടെ ആ​ത്മ​വീ​ര്യം വ​ർ​ധി​ച്ചു. അ​വ​സാ​ന കി​ക്കും ഗോ​ൾ വ​ര ക​ട​ത്തി ഇ​റ്റ​ലി ത​ങ്ങ​ളു​ടെ നാ​ലാം കി​രീ​ടം സ്വ​ന്ത​മാ​ക്കി​യ​പ്പോ​ൾ സി​ദാ​നും ഞ​ങ്ങ​ൾ ആ​രാ​ധ​ക​ർ​ക്കും ക​ണ്ണീ​രാ​യി.

വ്യ​ക്തി​പ​ര​മാ​യി എ​നി​ക്ക് നീ​റു​ന്ന ഒ​രു ഓ​ർ​മ​കൂ​ടി​യാ​ണ് 2006 ലോ​ക​ക​പ്പ്. എ​ന്റെ വ​ല്യു​പ്പ​യു​ടെ കൂ​ടെ ക​ണ്ട അ​വ​സാ​ന ലോ​ക​ക​പ്പാ​യി​രു​ന്നു അ​ത്. ഈ ​വ​ർ​ഷം ഖ​ത്ത​റി​ൽ ലോ​ക​ക​പ്പ് ന​ട​ക്കു​മ്പോ​ൾ നേ​രി​ൽ കാ​ണാ​നു​ള്ള ഭാ​ഗ്യം ല​ഭി​ച്ച അ​നേ​കാ​യി​രം മ​ല​യാ​ളി​ക​ളി​ൽ ഒ​രാ​ളാ​ണ് ഞാ​ൻ. ലോ​ക​ക​പ്പി​ന് ഇ​വി​ടെ കി​ക്ക്‌ ഓ​ഫ് കു​റി​ക്കു​മ്പോ​ൾ നാ​ട്ടി​ൽ എ​ന്റെ വീ​ട്ടി​ലെ ടെ​ലി​വി​ഷ​ൻ സ്ക്രീ​നി​ലേ​ക്ക് നോ​ക്കി​നി​ൽ​ക്കു​ന്ന ര​ണ്ടു വ​യ​സ്സു​കാ​ര​നാ​യ മ​ക​നെ ഞാ​ൻ വി​ളി​ച്ച പേ​രും ഇ​തി​ഹാ​സ​താ​രം സി​ദാ​ന്‍റേ​തു​ത​ന്നെ​യെ​ന്ന സ​ന്തോ​ഷ​വു​മു​ണ്ട്.