ഖ​ത്ത​റി​ൽ​നി​ന്നൊ​രു സ്വ​പ്നം ബി​ഗ് സ്ക്രീ​ൻ നി​റ​യു​മ്പോ​ൾ

ദോ​ഹ: ‘തി​ര​ക്ക​ഥ: ഉ​സ്മാ​ൻ മാ​രാ​ത്ത്...’ ഖ​ത്ത​റി​ലെ നാ​ട​ക വേ​ദി​ക​ളി​ലും പൊ​തു​പ​രി​പാ​ടി​ക​ളി​ലും നി​റ​ഞ്ഞു​നി​ന്ന കാ​ല​ത്ത് ഉ​സ്മാ​ൻ ഏ​റെ ക​ണ്ട​താ​യി​രു​ന്നു ഈ ​സ്വ​പ്നം. വ​ലി​യ സ്ക്രീ​നി​ൽ ത​ന്റെ പേ​രെ​ഴു​തി കാ​ണി​ച്ച് ‘ജാ​ക്സ​ൺ ബ​സാ​ർ യൂ​ത്ത്’ തി​യ​റ്റ​റു​ക​ളി​ൽ പ്ര​ദ​ർ​ശി​പ്പി​ക്കു​മ്പോ​ൾ നാ​ട്ടി​ൽ അ​നു​മോ​ദ​ന​ങ്ങ​ളു​ടെ​യും സ​ന്തോ​ഷ​പ്ര​ക​ട​ന​ങ്ങ​ളു​ടെ​യും തി​ര​ക്കി​ലാ​ണ് ഖ​ത്ത​ർ പ്ര​വാ​സി​യാ​യ ഉ​സ്മാ​ൻ മാ​രാ​ത്ത്. ദീ​ർ​ഘ​കാ​ലം ഖ​ത്ത​റി​ൽ ജോ​ലി ചെ​യ്ത്, ഇ​ട​ക്കാ​ല​ത്ത് ചി​ല നി​യ​മ​പ്ര​ശ്ന​ങ്ങ​ളി​ൽ കു​രു​ങ്ങി നാ​ട്ടി​ലേ​ക്കു​ള്ള മ​ട​ക്കം മു​ട​ങ്ങി​യ ഉ​സ്മാ​ൻ മാ​രാ​ത്ത് എ​ന്ന ക​ലാ​കാ​ര​ന്റെ ര​ണ്ടാം ജ​ന്മ​മെ​ന്ന് ഈ ​സി​നി​മ​യെ വി​ശേ​ഷി​പ്പി​ക്കാം. ഷ​മ​ൽ സു​ലൈ​മാ​ൻ സം​വി​ധാ​നം ചെ​യ്ത്, ഡ​യ​റ​ക്ട​ർ കൂ​ടി​യാ​യ സ​ക​രി​യ നി​ർ​മാ​താ​വാ​യ ചി​ത്രം വ്യാ​ഴാ​ഴ്ച​യാ​ണ് ഖ​ത്ത​ർ ഉ​ൾ​പ്പെ​ടെ ജി.​സി.​സി രാ​ജ്യ​ങ്ങ​ളി​ൽ പ്ര​ദ​ർ​ശ​നം ആ​രം​ഭി​ച്ച​ത്. അ​തി​നും ഒ​രാ​ഴ്ച മു​മ്പ് കേ​ര​ള​ത്തി​ൽ പു​റ​ത്തി​റ​ങ്ങി​യ ചി​ത്രം മി​ക​ച്ച പ്രേ​ക്ഷ​ക അം​ഗീ​കാ​ര​ത്തോ​ടെ പ്ര​ദ​ർ​ശ​നം പു​രോ​ഗ​മി​ക്കു​മ്പോ​ൾ ഇ​ര​ട്ടി സ​ന്തോ​ഷം പ​ക​രു​ന്ന​ത് ഉ​സ്മാ​ന്റെ ഖ​ത്ത​റി​ലെ സു​ഹൃ​ത്തു​ക്ക​ൾ​ക്കാ​ണ്.

ക​ഴി​ഞ്ഞ ദി​വ​സം ദോ​ഹ​യി​ലെ വി​വി​ധ തി​യ​റ്റ​റു​ക​ളി​ൽ പ്ര​ദ​ർ​ശ​നം ആ​രം​ഭി​ച്ച​തി​നു പി​ന്നാ​ലെ സു​ഹൃ​ത്തു​ക്ക​ളും പ​രി​ച​യ​ക്കാ​രും സി​നി​മ ക​ണ്ട് സ​ന്തോ​ഷ​വും അ​ഭി​ന​ന്ദ​ന​വും പ​ങ്കു​വെ​ച്ച് വി​ളി​ക്കു​മ്പോ​ൾ എ​ല്ലാ​റ്റി​നും തൃ​ശൂ​ർ-​മ​ല​പ്പു​റം അ​തി​ർ​ത്തി​യി​ലെ അ​ണ്ട​ത്തോ​ട് വീ​ട്ടി​ലി​രു​ന്ന് ന​ന്ദി പ​റ​യു​ക​യാ​ണ് ഉ​സ്മാ​ൻ.

ഒ​രു ബാ​ൻ​ഡ് സം​ഘ​ത്തി​ന്റെ ജീ​വി​ത​ത്തി​ലൂ​ടെ ഭൂ​മി പ്ര​ശ്ന​വും കു​ടി​യി​റ​ക്ക​വും ഉ​ൾ​പ്പെ​ടെ സാ​മൂ​ഹി​ക വി​ഷ​യ​ങ്ങ​ൾ ച​ർ​ച്ച ചെ​യ്യു​ന്ന സി​നി​മ എ​ന്ന നി​ല​യി​ൽ സ​മൂ​ഹ​ത്തി​ന്റെ വി​വി​ധ മേ​ഖ​ല​ക​ളി​ലു​ള്ള​വ​രു​ടെ ന​ല്ല​വാ​ക്കു​ക​ൾ ഇ​തി​ന​കം സി​നി​മ​യെ തേ​ടി​യെ​ത്തി​യി​ട്ടു​ണ്ട്. നാ​ട്ടി​ലെ സു​ഹൃ​ത്തു​ക്ക​ളും സാ​ധാ​ര​ണ​ക്കാ​രും വ​രെ സി​നി​മ ക​ണ്ട് വി​ല​യി​രു​ത്തി അ​ഭി​പ്രാ​യം പ​റ​യു​മ്പോ​ഴും, സ​മൂ​ഹ മാ​ധ്യ​മ​ങ്ങ​ളി​ലും മ​റ്റും വി​ശ​ക​ല​ന​ങ്ങ​ൾ പ​ങ്കു​വെ​ക്കു​മ്പോ​ഴും ചി​ത്ര​ത്തി​ന്റെ ക​ഥാ​കാ​ര​ൻ എ​ന്ന നി​ല​യി​ൽ ഉ​സ്മാ​ന് ഇ​ര​ട്ടി​മ​ധു​രം.

നാ​ട്ടി​ൽ നാ​ട​ക​ക്കാ​ര​നാ​യും സ്റ്റേ​ജ് പ​രി​പാ​ടി​ക​ളു​മാ​യും ന​ട​ന്ന കാ​ല​ത്തി​നൊ​ടു​വി​ൽ 2006ൽ ​ദു​ബൈ​ക്കാ​ര​നാ​യി പ്ര​വാ​സ ജീ​വി​തം തു​ട​ങ്ങി​യ ഉ​സ്മാ​ൻ 2011ലാ​ണ് ഖ​ത്ത​റി​ലെ​ത്തു​ന്ന​ത്. പ​ര​സ്യ​ക്ക​മ്പ​നി​ക​ളി​ലും മ​റ്റു​മാ​യി ഖ​ത്ത​റി​ലെ പ്ര​വാ​സ ജീ​വി​തം പു​രോ​ഗ​മി​ക്കു​ന്ന​തി​നി​ടെ നാ​ട​ക​വും ഷോ​ട്ട് ഫി​ലി​മും സ്റ്റേ​ജ് പ​രി​പാ​ടി​ക​ളു​മാ​യി ഇ​വി​ടെ​യും ക​ലാ​മേ​ഖ​ല​യി​ൽ തി​ള​ങ്ങി. പ്ര​വാ​ച​ക അ​നു​ച​ര​ൻ ബി​ലാ​ലി​ന്റെ ക​ഥ പ​റ​യു​ന്ന ‘ന​ക്ഷ​ത്ര​ങ്ങ​ൾ ക​ര​യാ​റി​ല്ല’ എ​ന്ന സം​ഗീ​ത നാ​ട​ക ആ​വി​ഷ്കാ​രം ദോ​ഹ​യി​ലെ പ്ര​വാ​സി​ക​ൾ​ക്കി​ട​യി​ൽ ത​രം​ഗ​മാ​​യ​പ്പോ​ൾ ഉ​സ്മാ​ൻ ഹീ​റോ​യാ​യി. അ​തി​നി​ട​യി​ലാ​യി​രു​ന്നു ബി​സി​ന​സി​ലെ തി​രി​ച്ച​ടി​ക​ളും നി​യ​മ​പ്ര​ശ്ന​ങ്ങ​ളും ദു​രി​ത​ങ്ങ​ളാ​യി ഊ​രാ​ക്കു​ടു​ക്കാ​വു​ന്ന​ത്. ര​ണ്ടു മാ​സ​ത്തോ​ളം ജ​യി​ലാ​യി, പി​ന്നെ നീ​ണ്ട നാ​ലു വ​ർ​ഷ​ത്തി​ലേ​റെ യാ​ത്രാ​വി​ല​ക്കും.

സ്വ​പ്ന​ങ്ങ​ളെ​ല്ലാം കെ​ട്ട​ട​ങ്ങി​യെ​ന്നു​റ​പ്പി​ച്ച ഘ​ട്ട​ത്തി​ൽ ഉ​ള്ളി​ലെ ക​ല​യും എ​ഴു​ത്തും ക​ന​ലാ​യി ജ്വ​ലി​ക്കു​ക​യാ​യി​രു​ന്നു. സു​ഹൃ​ത്തു​ക്ക​ളു​ടെ പ്രേ​ര​ണ കൂ​ടി​യാ​യ​പ്പോ​ൾ, സി​നി​മ​യു​ടെ സ്വ​പ്ന​ങ്ങ​ൾ വീ​ണ്ടും സ​ജീ​വ​മാ​ക്കി. അ​ങ്ങ​നെ ദോ​ഹ​യി​ൽ വെ​ച്ച് എ​ഴു​തി പൂ​ർ​ത്തി​യാ​ക്കി​യ ക​ഥ​യാ​ണ് ഇ​പ്പോ​ൾ ബി​ഗ് സ്ക്രീ​നി​ൽ ഉ​സ്മാ​ന്റെ​യും സു​ഹൃ​ത്തു​ക്ക​ളു​ടെ​യും മ​നം നി​റ​ച്ച് അ​ര​ങ്ങു​ത​ക​ർ​ക്കു​ന്ന​ത്.

സാ​മ്പ​ത്തി​ക ബാ​ധ്യ​ത​കാ​ര​ണം യാ​ത്രാ​വി​ല​ക്കു​ണ്ടാ​യി​രു​ന്ന ഉ​സ്മാ​ന് നി​യ​മ​ക്കു​രു​ക്ക​ഴി​ച്ച് നാ​ട്ടി​ലേ​ക്കു​ള്ള മ​ട​ക്ക​യാ​ത്ര​യു​ടെ വ​ഴി​കൂ​ടി​യാ​യി​രു​ന്നു സി​നി​മ. ‘‘ഈ ​നി​മി​ഷം ഖ​ത്ത​റി​ലു​ണ്ടാ​യി​രു​ന്നെ​ങ്കി​ലെ​ന്ന് ആ​ഗ്ര​ഹി​ച്ചു. സു​ഹൃ​ത്തു​ക്ക​ളും മ​റ്റു​മാ​യി നി​ര​വ​ധി പേ​രാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ സ​ന്തോ​ഷം പ​ങ്കി​ട്ടു വി​ളി​ച്ച​ത്. അ​വ​ർ ന​ൽ​കി​യ സ്നേ​ഹ​ത്തി​ന്റെ കൂ​ടി വി​ജ​യ​മാ​ണി​ത്’’ -ഉ​സ്മാ​ൻ പ​റ​യു​ന്നു.

ഖ​ത്ത​റി​ലെ വേ​ദി​ക​ളി​ൽ തി​ള​ങ്ങി​യ ന​ജീ​ബ് കീ​ഴ​രി​യൂ​രും ഈ ​ചി​ത്ര​ത്തി​ൽ അ​ഭി​നേ​താ​വാ​യി വേ​ഷ​മി​ടു​ന്നു​ണ്ട്. നി​ർ​മാ​ണ​ത്തി​ൽ പ​ങ്കാ​ളി​യാ​യ​തും ഖ​ത്ത​റി​ൽ​നി​ന്നു​ള്ള പ്ര​വാ​സി​ക​ൾ ത​ന്നെ.

അ​ഹ​മ്മ​ദ് ഷാ​ഫി, ഡോ. ​സ​ൽ​മാ​ൻ എ​ന്നി​വ​ർ​ക്കൊ​പ്പം പി​ന്തു​ണ​യു​മാ​യും ഒ​രു​പി​ടി ഖ​ത്ത​റു​കാ​രു​ണ്ട്. ജാ​ഫ​ർ ഇ​ടു​ക്കി, ലു​ഖ്മാ​ൻ, ഇ​ന്ദ്ര​ൻ​സ് എ​ന്നി​വ​രാ​ണ് ചി​ത്ര​ത്തി​ൽ ​പ്ര​ധാ​ന വേ​ഷ​ങ്ങ​ളി​ലെ​ത്തു​ന്ന​ത്.