നോമ്പ്​ തുറക്കാൻ ഭക്ഷണപ്പൊതിയുമായി കോർണിഷിൽ  ‘ഉരീദു’ പ്രവർത്തകർ

ദോഹ: ഇഫ്താർ സമയം കോർണിഷിലുള്ളവർക്ക് ഉരീദുവി​​െൻറ കുടിവെള്ളവും ഈത്തപ്പഴവുമടങ്ങിയ കിറ്റ് വാളണ്ടിയർമാർ വിതരണം ചെയ്തു. ഉരീദുവി​​െൻറ ഈ വർഷത്തെ റമദാൻ സി.എസ്​.ആർ പ്രവർത്തനങ്ങളുടെ ഭാഗമായാണ് ഇഫ്താർ കിറ്റുകൾ വിതരണം ചെയ്യുന്നത്. 
ഉരീദുവി​​െൻറ വിവിധ ബിസിനസ്​ യൂണിറ്റുകളിലെ പ്രതിനിധികളാണ് വളണ്ടിയർമാരായി രംഗത്തെത്തിയിരിക്കുന്നത്. കോർണിഷി​​െൻറ അവസാന ഭാഗമായ വെസ്​റ്റ് ബേയിലാണ് നോമ്പ് തുറക്കുന്നതിനാവശ്യമായ കിറ്റുകൾ വിതരണം ചെയ്യുന്നത്. കമ്പനിയുടെ സി.എസ്​.ആർ പ്രവർത്തനങ്ങളുടെ ഔദ്യോഗിക ഉദ്ഘാടനമാണിതെന്ന് ഉരീദു വൃത്തങ്ങൾ വ്യക്തമാക്കുന്നു. ഹാൻഡ് ഇൻ ഹാൻഡ് എന്ന് പേരിട്ടിരിക്കുന്ന കാമ്പയിനടക്കം നിരവധി കമ്മ്യൂണിറ്റി സംരംഭങ്ങളാണ് ഈ വർഷം റമദാനിലുടനീളം ഉരീദു നടത്തുന്നത്. നന്മകൾ ചെയ്യുന്നതിന് ഉപഭോക്താക്കളെ ഇത് പ്രചോദിപ്പിക്കുമെന്ന് ഉരീദു പ്രതീക്ഷിക്കുന്നു. വിശുദ്ധറമദാ​​െൻറ ആത്മീയതയിൽ ലയിച്ചു ചേരാൻ  മുഴുവൻ ആളുകളെയും ഇത്തരത്തിലുള്ള പ്രവർത്തനങ്ങൾക്ക് പ്രചോദിപ്പിക്കുകയാണ് കമ്പനിയുടെ ഒരു മാസം നീണ്ടു നിൽക്കുന്ന സി.എസ്​.ആർ പ്രവർത്തനങ്ങളിലൂടെ ലക്ഷ്യമിടുന്നതെന്ന് ഉരീദു കമ്മ്യൂണിറ്റി, പബ്ലിക് റിലേഷൻസ്​ ഡയറക്ടർ മനാർ ഖലീഫ അൽ മുറൈഖി പറഞ്ഞു. 
കമ്പനിയുടെ ഹാൻഡ് ഇൻ ഹാൻഡ് കാമ്പയിനിൽ ഉപഭോക്താക്കൾക്ക് ഉരീദുവി​​െൻറ ഫേസ്​ബുക്ക്, ട്വിറ്റർ, ഇൻസ്​റ്റഗ്രാം അക്കൗണ്ടുകൾ വഴി ചേരാൻ സാധിക്കും. കൂടാതെ ഷെയർഎമൗണ്ട് എന്ന ഹാഷ്​ടാഗ് വഴിയും ഇതിൽ പങ്കാളികാൻ സാധിക്കും.