സൗ​ദി​ക്ക് ക്വാ​ർ​ട്ട​ർ ബെ​ർ​ത്ത്

ദോ​ഹ: തു​ട​ർ​ച്ച​യാ​യ ര​ണ്ടാം ജ​യ​വു​മാ​യി നി​ല​വി​ലെ ചാ​മ്പ്യ​ന്മാ​രാ​യ സൗ​ദി അ​റേ​ബ്യ, ക​രു​ത്ത​രാ​യ ദ​ക്ഷി​ണ കൊ​റി​യ, ജ​പ്പാ​ൻ ടീ​മു​ക​ൾ അ​ണ്ട​ർ 23 ഏ​ഷ്യ​ൻ ക​പ്പ് ഫു​ട്ബാ​ൾ ക്വാ​ർ​ട്ട​ർ ഫൈ​ന​ൽ ടി​ക്ക​റ്റു​റ​പ്പി​ച്ചു. ഗ്രൂ​പ് ‘സി’​യി​ലെ ത​ങ്ങ​ളു​ടെ ര​ണ്ടാം മ​ത്സ​ര​ത്തി​ൽ സൗ​ദി അ​റേ​ബ്യ അ​ഞ്ച് ഗോ​ളി​ന്റെ ത​ക​ർ​പ്പ​ൻ ജ​യ​വു​മാ​യി താ​യ്‍ല​ൻ​ഡി​നെ ത​രി​പ്പ​ണ​മാ​ക്കി​യാ​ണ് ഗ്രൂ​പ്പി​ലെ ആ​റാം പോ​യ​ന്റും ​സ്വ​ന്ത​മാ​ക്കി​യ​ത്. ഖ​ലീ​ഫ ഇ​ന്റ​ർ​നാ​ഷ​ന​ൽ സ്റ്റേ​ഡി​യ​ത്തി​ൽ, നാ​ട്ടു​കാ​രു​ടെ ആ​വേ​ശ​ത്തി​നി​ടെ ന​ട​ന്ന മ​ത്സ​ര​ത്തി​ൽ സൗ​ദി ക​ളി പൂ​ർ​ണ​മാ​യും ത​ങ്ങ​ളു​ടേ​താ​ക്കി. നാ​ലാം മി​നി​റ്റി​ൽ അ​യ്മ​ൻ അ​ഹ്മ​ദി​ലൂ​ടെ​യാ​യി​രു​ന്നു ഗോ​ൾ വേ​ട്ട​യു​ടെ തു​ട​ക്കം. ആ​ദ്യ പ​കു​തി​യു​ടെ ഇ​ഞ്ചു​റി ടൈ​മി​ൽ അ​യ്മ​ന്റെ അ​സി​സ്റ്റി​ൽ അ​ഹ്മ​ദ് അ​ൽ ഗ​ഹ്മ​ദി, അ​ബ്ദു​ല്ല റാ​ദി​ഫ് എ​ന്നി​വ​ർ ലീ​ഡ് ഇ​ര​ട്ടി​യാ​ക്കി. ര​ണ്ടാം പ​കു​തി​യി​ൽ വീ​ണ്ടും സ്കോ​ർ ചെ​യ്ത റാ​ദി​ഫ് 52,78 മി​നി​റ്റു​ക​ളി​ലാ​യി പ​ന്ത് ല​ക്ഷ്യ​ത്തി​ലെ​ത്തി​ച്ച് ഹാ​ട്രി​ക് തി​ക​ച്ചു. ഗ്രൂ​പ്പി​ലെ ആ​ദ്യ മ​ത്സ​ര​ത്തി​ൽ സൗ​ദി അ​റേ​ബ്യ 4-2ന് ​ത​ജി​കി​സ്താ​നെ തോ​ൽ​പി​ച്ചി​രു​ന്നു. ഗ്രൂ​പ് ‘ബി’​യി​ൽ ചൈ​ന​യെ 2-0ത്തി​ന് തോ​ൽ​പി​ച്ചാ​ണ് ദ​ക്ഷി​ണ കൊ​റി​യ ര​ണ്ടാം ജ​യ​വു​മാ​യി ക്വാ​ർ​ട്ട​ർ ഫൈ​ന​ലി​ൽ പ്ര​വേ​ശി​ച്ച​ത്. അ​ബ്ദു​ല്ല ബി​ൻ ഖ​ലീ​ഫ സ്റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ൽ ലീ ​യു​ങ് ജു​ൻ ഇ​ര​ട്ട ഗോ​ൾ നേ​ടി. മ​റ്റൊ​രു മ​ത്സ​ര​ത്തി​ൽ ജ​പ്പാ​ൻ യു.​എ.​ഇ​യെ തോ​ൽ​പി​ച്ച് ര​ണ്ടാം ജ​യ​വു​മാ​യി മു​ന്നേ​റി.