രണ്ട് ലോകകപ്പ് സ്റ്റേഡിയങ്ങൾ ആഗോള മത്സരത്തിൽ
text_fieldsഅഹ്മദ് ബിന് അലി, എജുക്കേഷന് സിറ്റി സ്റ്റേഡിയങ്ങൾ 'ആഗോള
സ്റ്റേഡിയം ഓഫ് ദി ഇയര്' മത്സരത്തിന്
ദോഹ: ഫിഫ 2022 ലോകകപ്പ് മത്സരത്തിനുള്ള രണ്ട് സ്റ്റേഡിയങ്ങള് ആഗോള സ്റ്റേഡിയം ഓഫ് ദി ഇയര് മത്സരത്തിലേക്ക് നാമനിർദേശം ചെയ്യപ്പെട്ടു. അൽറയ്യാനിലെ അഹ്മദ് ബിന് അലി സ്റ്റേഡിയവും എജുക്കേഷന് സിറ്റി സ്റ്റേഡിയവുമാണിവ. പോളിഷ് വെബ്സൈറ്റായ സ്റ്റേഡിയം ഡിബി ഡോട്ട് കോമാണ് ആഗോള സ്റ്റേഡിയം ഓഫ് ദി ഇയര് മത്സരം സംഘടിപ്പിക്കുന്നത്. എല്ലാ വര്ഷവും പൊതുജനങ്ങളുടെ വോട്ടിങ് ഉള്പ്പെടെ നേടിയാണ് മികച്ച സ്റ്റേഡിയങ്ങളെ തിരഞ്ഞെടുക്കുന്നത്.
പോപുലര് വോട്ടിലൂടെ 20 സ്റ്റേഡിയങ്ങളുടെ പട്ടികയില്നിന്ന് മികച്ച അഞ്ചെണ്ണം തെരഞ്ഞെടുക്കും. മികച്ച സ്റ്റേഡിയത്തിന് പഞ്ചനക്ഷത്ര റേറ്റിങ്ങും രണ്ടാമത്തേതിന് ചതുര് നക്ഷത്രവും തുടര്ന്ന് മൂന്ന്, രണ്ട്, ഒന്ന് നക്ഷത്രങ്ങളും ലഭിക്കും. വോട്ടര്മാര്ക്ക് അഞ്ച് സ്റ്റേഡിയങ്ങള് മാത്രമാണ് തെരഞ്ഞെടുക്കാനാവുക. മാര്ച്ച് ഏഴിന് അര്ധരാത്രി വരെ വോട്ടിങ് ഉണ്ടാകും.
യു.എസിലെ അലിജിയൻറ് സ്റ്റേഡിയം, ഇൻറര് മിയാമി സി.എഫ് സ്റ്റേഡിയം, ലിന് ഫാമിലി സ്റ്റേഡിയം, സംഗ സ്റ്റേഡിയം, ജോര്ജിയയിലെ ബറ്റുമി സ്റ്റേഡിയം, ഇസ്രായേലിലെ ബ്ലൂംഫീല്ഡ് സ്റ്റേഡിയം, യു.കെയിലെ ബ്രെൻറ്ഫോര്ഡ് കമ്യൂണിറ്റി സ്റ്റേഡിയം, തുര്ക്കിയിലെ കോറം സെഹിര് സ്റ്റേഡിയം, ഗോര്സല് അക്സല് സ്റ്റേഡിയം, ചിലിയിലെ എസ്റ്റാഡിയോ ടിയറ ഡി കാമ്പിയോണ്സ്, ജപ്പാനിലെ കന്സെക്കി സ്റ്റേഡിയം ടോച്ചിഗി, ആസ്ട്രേലിയയിലെ ക്വീന്സ്ലാൻറ് കണ്ട്രി ബാങ്ക് സ്റ്റേഡിയം, സ്വിറ്റ്സര്ലൻഡിലെ സ്റ്റേഡ് ഡി ലാ ടുയിലിയര്, ഐവറികോസ്റ്റിലെ സ്റ്റേഡ് നാഷനല് ഡി ലാ കോട്ട് ഡി ഐവയര്, റൊമാനിയയിലെ സ്റ്റേഡിയോനുല് ഫ്രാന്സിസ്ക് വോണ് ന്യൂമാന്, മലേഷ്യയിലെ സുല്ത്താന് ഇബ്രാഹിം സ്റ്റേഡിയം, ചൈനയിലെ സിയാന് ഒ.എസ്.സി സ്റ്റേഡിയം എന്നിവയാണ് പട്ടികയിലുള്ള മറ്റു സ്റ്റേഡിയങ്ങള്.
2020 ഡിസംബര് 18നാണ് അഹ്മദ് ബിന് അലി സ്റ്റേഡിയം തുറന്നത്. 2020ലെ അമീര് കപ്പ് ഫൈനലും ഇതില് ഉള്പ്പെടുന്നുണ്ട്. ഫിഫ 2022 ലോകകപ്പ് മത്സങ്ങളില് 40,000 കാണികളെ ഇവിടെ ഉള്ക്കൊള്ളാന് സാധിക്കും. ഖത്തരി സംസ്കാരത്തിെൻറ ചിഹ്നങ്ങള് ഉള്ക്കൊള്ളുന്ന ഈ സ്റ്റേഡിയം മനോഹരമായാണ് പണിതിരിക്കുന്നത്. പോപുലര് വോട്ടിനോടൊപ്പം വാസ്തുവിദ്യാ വിദഗ്ധരുടെ ജൂറി തെരഞ്ഞെടുക്കുന്ന സ്റ്റേഡിയത്തിനും സ്റ്റേഡിയം ഓഫ് ദി ഇയര് കിരീടം ലഭിക്കും. 2020 ജൂണിലാണ് എജുക്കേഷന് സിറ്റി സ്റ്റേഡിയം ഉദ്ഘാടനം നിര്വഹിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.