കോവിഡ്​: ഖത്തറിൽ രണ്ടുപേർ കൂടി മരിച്ചു

ദോഹ: ഖത്തറിൽ കോവിഡ്​ രോഗം ബാധിച്ച രണ്ടുപേർ കൂടി മരിച്ചു. ഇ​േതാടെ ആകെ മരണം ആറായി. 74കാരനാണ്​ ചൊവ്വാഴ്​ച മരിച ്ച ഒരാൾ. ഇദ്ദേഹത്തിന്​ കിഡ്​നി സംബന്ധമായ അസുഖവും ഉണ്ടായിരുന്നു. കഴിഞ്ഞ ഞായറാഴ്​ചയാണ്​ ആശുപത്രിയിൽ പ്രവേശിക്ക​പ്പെട്ടത്​.

59 വയസ്സുള്ള മറ്റൊരാളും ചൊവ്വാഴ്​ച മരണപ്പെട്ടു. ദീർഘകാലമായി മറ്റ്​ അസുഖങ്ങളുള്ള വ്യക്​തിയുമായിരുന്നു ഇദ്ദേഹം. ചൊവ്വാഴ്​ച 225 പേർക്കുകൂടി പുതുതായി രോഗം സ്​ഥിരീകരിച്ചു. 19 പേർ രോഗമുക്​തി നേടി. ഇതോടെ ആകെ 150 പേർക്ക്​ ​രോഗം ഭേദമായി. നിലവിലുള്ള ആകെ 1901 രോഗികളാണുള്ളത്​. ഇതുവരെ ആകെ രോഗംപിടി​െപട്ടത്​ 2057 പേർക്കാണ്​. ഭേദമായവരും മരിച്ചവരും അടക്കമാണിത്​.

പുതുതായി രോഗം ബാധിച്ചവർ ഇൗയടുത്ത്​ ഖത്തറിലേക്ക്​ തിരിച്ചെത്തിയവരും നേരത്തെ രോഗം ബാധിച്ചവരുമായി സമ്പർക്കം പുലർത്തിയവരുമാണ്​. ഇതിൽ സ്വദേശികളും പ്രവാസികളും ഉൾ​െപ്പടും. ചൊവ്വാഴ്​ച മാത്രം 3710പേർക്ക്​ രോഗപരിശോധന നടത്തി​. ഇതുവരെ 41,818 പേർക്കാണ്​ ആകെ പരിശോധന നടത്തിയത്​.