ട്വൻറി 20 യോഗ്യത: ജയിച്ചിട്ടും ഖത്തർ പുറത്ത്​

ദോഹ: 2022 ട്വൻറി 20 ലോകകപ്പ്​ ക്രിക്കറ്റ്​ ഏഷ്യൻ 'എ' യോഗ്യതാ റൗണ്ടിലെ അവസാന മത്സരത്തിൽ കുവൈത്തിനെ തോൽപിച്ചിട്ടും ഖത്തറിന്​ ​​േഗ്ലാബൽ ക്വാളിഫയർ നഷ്​ടമായി. നിർണായക മത്സരത്തിൽ രണ്ട്​ വിക്കറ്റിനായിരുന്നു ഖത്തർ കുവൈത്തിനെ കീഴടക്കിയത്​. ഇതോടെ ആറ്​ പോയൻറുമായി ബഹ്​റൈനും ഖത്തറും ഒന്നാമതെത്തി. എന്നാൽ, റൺറേറ്റിലെ നേരിയ മുൻതൂക്കം ബഹ്​റൈന് ഗ്രൂപ്പ്​ ചാമ്പ്യന്മാരായി​ ​േഗ്ലാബൽ ക്വാളിഫയറിൽ മത്സരിക്കാനുള്ള അവസരം നൽകി.

ഏഷ്യൻ ടൗൺ സ്​റ്റേഡിയത്തിൽ നടന്ന മത്സരത്തിൽ ആദ്യം ബാറ്റുചെയ്​ത കുവൈത്ത്​ നിശ്ചിത 20 ഒാവറിൽ ഒമ്പത്​ വിക്കറ്റിന്​ 126 റൺസ്​ നേടി. മറുപടി ബാറ്റിങ്ങിൽ 11.5 ഒാവറിൽ എട്ടുവിക്കറ്റ്​ നഷ്​ടത്തിൽ ഖത്തർ വിജയതീരം കണ്ടു.

കുവൈത്തിനായി മീത്​ ഭാസ്​കർ 17 പന്തിൽ 25 റൺസും മലയാളി താരം ഷിറാസ്​ ഖാൻ 27 പന്തിൽ 25 റൺസും അദ്​നാൻ ഇദ്​രീസ്​ 17 പന്തിൽ 21 റൺസും നേടി. ഖത്തർ ബൗളിങ്​ നിരയിൽ 18 റൺസിന്​ മൂന്ന്​ വിക്കറ്റ്​ നേടിയ മുസാവർ ഷാ, 24 റൺസിന്​ മൂന്ന്​ വിക്കറ്റ്​ നേടിയ മുഹമ്മദ്​ മുറാദ്​ എന്നിവർ തിളങ്ങി.

16 പന്തിൽ 37 റൺസ്​ നേടിയ ആൻഡ്രി ബെറിൻജർ, 19 പന്തിൽ 31 റൺസ്​ നേടിയ കമ്രാൻ ഖാൻ, എട്ട്​ പന്തിൽ 19 റൺസ്​ നേടിയ മുഹമ്മദ്​ തൻവീർ എന്നിവരുടെ തകർപ്പൻ ബാറ്റിങ്ങാണ്​ ഖത്തറിന്​ നിർണായക ജയം സമ്മാനിച്ചത്​. മലയാളി താരം ഷിറാസ്​ ഖാൻ 33 റൺസിന്​ മൂന്ന്​ വിക്കറ്റ്​ നേടി ബൗളിങ്ങിലും തിളങ്ങി. മറ്റൊരു മലയാളി താരം എഡിസൻ സിൽവയും നേടി ഒരു വിക്കറ്റ്​.