തുർക്കിയിൽ നിന്നുള്ള ഭക്ഷണ സാധനങ്ങളുമായി കപ്പൽ ഹമദ് പോർട്ടിലെത്തി

ദോഹ: തുർക്കിയിലെഏ എസ്​മേർ പോർട്ടിൽ നിന്നുള്ള ഭക്ഷണ സാധനങ്ങളുമായുളള കപ്പൽ ദോഹ ഹമദ് തുറമുഖത്തെത്തി. 3000 ടൺ ഭക്ഷണ സാധനങ്ങളാണ് ഈ കപ്പലിൽ ഉള്ളതെന്ന് തുറമുഖ വൃത്തങ്ങൾ വ്യക്തമാക്കി. തുർക്കിയിൽ നിന്ന് വരെ വിമാന മാർഗ്ഗമാണ് ഭക്ഷണ സാധനങ്ങൾ എത്തിയിരുന്നത്. ആദ്യമായാണ് കടൽ മാർഗ്ഗം സാധനങ്ങൾ എത്തിച്ചേരുന്നത്. കടൽ മാർഗം അവശ്യ സാധനങ്ങൾ എത്തി തുടങ്ങുന്നതോടെ ഈ മേഖലയിലെ പ്രതിസന്ധി ഏറെക്കുറെ പരിഹരിക്കാൻ കഴിയുമെന്നാണ് പ്രതീക്ഷിക്കപ്പെടുന്നത്.