ഗൾഫ്​ പ്രതിസന്ധി പരിഹാരം: അ​മേ​രി​ക്ക​ന്‍ ഉ​ച്ച​കോ​ടി സെ​പ്റ്റം​ബ​റി​ലേ​ക്ക് നീ​ട്ടി​ 

ദോ​ഹ: ഖത്തറിനെതിരെ അയൽരാജ്യങ്ങൾ 2017 ജൂൺ അഞ്ചിന്​ പ്രഖ്യാപിച്ച ഉപരോധത്തിന്​ പരിഹാരമുണ്ടായേക്കുമെന്ന്​ പ്രതീക്ഷിച്ച ഗ​ള്‍ഫ് അ​മേ​രി​ക്ക​ന്‍ ഉ​ച്ച​കോ​ടി സെ​പ്റ്റം​ബ​റി​ലേ​ക്ക് നീ​ട്ടി​. ഇതോടെ മുന്നൂറ്​ ദിവസങ്ങൾ പിന്നിട്ട ഗൾഫ്​ പ്രതിസന്ധി ഇനിയും നീളുമെന്ന്​ സൂചന. അമേരിക്കൻ പ്രസിഡൻറ്​ ഡൊണാൾഡ്​ ട്രംപ്​ മുൻകൈയെടുത്ത്​​ ക്യാമ്പ്​ ഡേവിഡിൽ മേയ്​ മാസത്തിൽ ഉച്ചകോടി വിളിക്കുമെന്നാണ്​ നേരത്തേ പ്രഖ്യാപിച്ചിരുന്നത്​. ഗൾഫ്​ രാജ്യങ്ങളുമായി ട്രംപ്​ ചർച്ചകൾ നടത്തിവരികയായിരുന്നു. എന്നാൽ ഉ​ച്ച​കോ​ടി നീ​ട്ടി​യ​താ​യി അ​മേ​രി​ക്ക​ന്‍ ഉ​ദ്യോ​ഗ​സ്ഥ​രെ ഉ​ദ്ധ​രി​ച്ച് റോ​യി​ട്ടേ​ഴ്സ് ന്യൂ​സ് ഏ​ജ​ന്‍സിയും അൽജസീറയുമാണ്​ റിപ്പോർട്ട്​ ചെയ്​തത്​. ഇതി​​​െൻറ യ​ഥാ​ര്‍ഥ കാ​ര​ണം പു​റ​ത്ത് വ​ന്നി​ട്ടി​ല്ല. പ്രതിസന്ധി പരിഹാരത്തിന്​ നിരവധി തവണ ഗൾഫ്​ രാജ്യങ്ങൾ സന്ദർശിച്ച അ​മേ​രി​ക്ക​ന്‍ വി​ദേ​ശ​കാ​ര്യ സെ​ക്ര​ട്ട​റി​യായിരുന്ന റെ​ക്സ് ടി​ല്ലേഴ്​സനെ ട്രംപ്​ ഇൗയിടെ പുറത്താക്കിയിരുന്നു. പു​തു​താ​യി നി​യ​മി​ക്കപ്പെട്ട മൈ​ക്ക് പോം​പി​യോ​യു​ടെ നി​യ​മ​നം സെ​ന​റ്റ് അം​ഗീ​ക​രി​ക്കു​ന്ന​ത് വ​രെ ട്രംപി​ന് ഒ​രു വി​ദേ​ശ​കാ​ര്യ മ​ന്ത്രി​യി​ല്ലാ​ത്ത​ സ്​ഥിതിയാണ്​. ഇതാണ്​ ഉച്ച​േകാടി നീട്ടാനുള്ള ഒരു കാരണം. എന്നാൽ പ്ര​തി​സ​ന്ധി പ​രി​ഹ​രി​ക്കാ​ന്‍ അ​മേ​രി​ക്ക ന​ട​ത്തു​ന്ന ശ്ര​മ​ങ്ങ​ള്‍ക്ക് പ്ര​തീ​ക്ഷി​ച്ച പു​രോ​ഗ​തി​യി​ല്ലാ​ത്ത​തു​ം കാ​ര​ണ​മാ​യി പ​റ​യു​ന്ന​ുണ്ട്​. വ​രു​ന്ന മാ​സ​ങ്ങ​ളി​ൽ പ്ര​സി​ഡ​ൻറ്​ ന​യ​ത​ന്ത്ര യോ​ഗ​ങ്ങ​ളു​മാ​യി തി​ര​ക്കി​ലാ​ണെന്ന്​ അ​മേ​രി​ക്ക​ന്‍ വ​ക്താ​വ് പ​റ​ഞ്ഞു. 

ഈ​യി​ടെ സൗ​ദി കി​രീ​ടാ​വ​കാ​ശി മു​ഹ​മ്മ​ദ് ബി​ൻ സ​ൽ​മാ​ൻ രാ​ജ​കു​മാ​ര​ൻ അമേരിക്ക സന്ദർശിച്ചിരുന്നു. അ​മേ​രി​ക്ക​ൻ വൃ​ത്ത​ങ്ങ​ളു​മാ​യി ന​ട​ത്തി​യ ച​ർ​ച്ച​യി​ൽ ഉ​ച്ച​കോ​ടി നീ​ട്ടിവെ​ക്കു​ന്ന​താ​ണ് ന​ല്ല​തെ​ന്ന നി​ർ​ദേ​ശം അദ്ദേഹം മു​​േനാ​ട്ട് വെ​ച്ചി​രു​ന്ന​താ​യി ‘റോ​യി​ട്ട​ർ’ വ്യക്ത​മാ​ക്കി. ഉ​ച്ച​കോ​ടി​ക്ക് മു​മ്പ്​ ച​ർ​ച്ച​ക​ൾ ന​ട​ക്കു​ക​യാ​ണെ​ങ്കി​ൽ അ​താ​യി​രി​ക്കും പ്ര​തി​സ​ന്ധി പ​രി​ഹ​രി​ക്കു​ന്ന​തി​ന് എ​ളു​പ്പ​മാ​ക്കു​ക​യെ​ന്ന അ​ഭി​പ്രാ​യ​മാ​ണ് അ​മേ​രി​ക്ക​ൻ സു​ര​ക്ഷാ കൗ​ൺ​സി​ൽ മു​ന്നോ​ട്ട് വെ​ച്ച നി​ർ​ദേ​ശം. നിലവിലെ സാഹചര്യത്തിൽ പ്ര​തി​സ​ന്ധി​ക്ക് പ​രി​ഹാ​രം ഉ​ട​നെ​യു​ണ്ടാ​വുമെ​ന്ന് പ്ര​തീ​ക്ഷി​ക്കാ​ന്‍ ക​ഴി​യി​ല്ലെ​ന്നു മ​റ്റൊ​രു ഉ​ദ്യോ​ഗ​സ്ഥ​ന്‍ പ​റ​ഞ്ഞു.

ഖ​ത്ത​ര്‍ അ​മീ​ര്‍ ശൈ​ഖ് ത​മീം ബി​ന്‍ ഹ​മ​ദ് ആൽഥാ​നി​യു​മാ​യും സ​ൗദി ഭ​ര​ണാ​ധി​കാ​രി സ​ല്‍മാ​ന്‍ രാ​ജാ​വു​മാ​യും ട്രം​പ് ടെ​ലി​ഫോ​ണ്‍ സം​ഭാ​ഷ​ണം ന​ട​ത്തി​യി​രു​ന്നു. പ്ര​തി​സ​ന്ധി പെ​ട്ടെ​ന്ന് പ​രി​ഹ​രി​ക്കേ​ണ്ട​തി​​​​െൻറ ആ​വ​ശ്യ​ക​ത​ഇ​രുനേ​താ​ക്ക​ളു​മാ​യും സം​സാ​രി​ച്ച​താ​യാ​ണ് റി​പ്പോ​ര്‍ട്ടു​ക​ള്‍. അ​ടു​ത്ത​യാ​ഴ്ച ഖ​ത്ത​ര്‍ അ​മീ​ര്‍ അ​മേ​രി​ക്ക സ​ന്ദ​ര്‍ശി​ക്കു​ന്നു​മുണ്ട്. ഇ​റാ​നെ​തി​രി​ൽ ഐ​ക്യമു​ന്ന​ണി രൂ​പീ​ക​രി​ക്കാ​നു​ള്ള അ​മേ​രി​ക്ക​ൻ ശ്ര​മ​ത്തി​ന് ഗൾഫ്​ പ്രതിസന്ധി ഭീ​ഷ​ണി​യാ​​െണ​ന്ന കാ​ഴ്ച​പ്പാ​ടും അമേരിക്കക്കുണ്ട്​. പ്രതിസന്ധി മുതലെടുത്ത്​ തങ്ങളുടെ താൽപര്യങ്ങൾ ശക്​തിപ്പെടുത്താൻ തുർക്കി ശ്രമിക്കുന്നു​ണ്ടെന്ന ആശങ്കയും അമേരിക്കൻ നീക്കത്തിന്​ പിന്നിലുണ്ട്​.