മുഴുവൻ വിമാനങ്ങളിലും യഥാസമയ ട്രാക്കിങ്​ സൗകര്യം ഏർ​പ്പെടുത്തി ഖത്തർ എയർവേസ്​

ദോഹ: യാത്രക്കാരുടെ സുരക്ഷ കൂടുതൽ ശക്​തമാക്കുന്നതിന്​ മുഴുവൻ വിമാനങ്ങളിലും യഥാസമയ ട്രാക്കിങ്​ സൗകര്യം ഏർപ്പെടുത്തി ഖത്തർ എയർവേസ്​. ഗ്ലോബൽ ബീക്കൺ എന്ന സൗകര്യമാണ്​ എല്ലാ ദിവസവും നടത്തുന്ന 500 ലധികം സർവിസുകളിലും ഏർപ്പെടുത്തിയത്​. ലോകത്ത്​ ആദ്യമായാണ്​ ഒരു വിമാന കമ്പനി ഇൗ സൗകര്യം ഏർപ്പെടുത്തുന്നത്​. രണ്ട്​ വർഷം മുമ്പ്​ തന്നെ 2018ൽ ഇൗ സൗകര്യം ഏർപ്പെടുത്തുമെന്ന്​ ഖത്തർ എയർവേസ്​ പ്രഖ്യാപിച്ചിരുന്നു. ഫ്ലൈറ്റ്​അവയർ, ഏയറിയോൺ എന്നിവയുമായി സഹകരിച്ചാണ്​ ഗ്ലോബൽബീക്കൺ എന്ന അത്യാധുനിക സാ​േങ്കതിക വിദ്യ നടപ്പാക്കിയത്​.

അന്താരാഷ്​ട്ര സിവിൽ ഏവിയേഷൻ ഒാർഗനൈസേഷ​​​​െൻറയും ഗ്ലോബൽ ഏയ്​റോനോട്ടിക്കൽ ഡിസ്​ട്രെസ്​ സേഫ്​റ്റി സിസ്​റ്റത്തി​​​​െൻറയും സമയപരിധിക്ക്​ മു​േമ്പ തന്നെ ഇൗ സംവിധാനം ഖത്തർ എയർവേസ്​ ഒരുക്കുകയായിരുന്നു.
ഇൗ സംവിധാനത്തിലൂടെ ലോകത്ത്​ എവിടെയും ഒാരോ വിമാനത്തി​​​​െൻറയും വിവരങ്ങൾ ഒാരോ മിനിറ്റിലും ലഭ്യമാക​ും.
ഇൗ സാ​േങ്കതിക വിദ്യ ഏർപ്പെടുത്തുന്ന ആദ്യ കമ്പനി എന്ന ബഹുമതിക്ക്​ അർഹരായതിൽ ഏറെ അഭിമാനമുണ്ടെന്ന്​ ഖത്തർ എയർവേസ്​ ഗ്രൂപ്പ്​ ചീഫ്​ എക്​സിക്യൂട്ടീവ്​ അക്​ബർ അൽ ബാക്കിർ പറഞ്ഞു.