ടാങ്കറുകൾക്ക് ട്രാക്കിങ്; ആഗസ്റ്റ് ഒന്ന് മുതൽ നിർബന്ധം

ദോ​ഹ: മ​ലി​ന​ജ​ലം കൊ​ണ്ടു​പോ​വു​ന്ന ടാ​ങ്ക​റു​ക​​ളി​ൽ ട്രാ​ക്കി​ങ്​ ഉ​പ​ക​ര​ണം ആ​ഗ​സ്റ്റ്​ ഒ​ന്നി​ന്​ മു​മ്പാ​യി സ്ഥാ​പി​ക്കാ​ൻ ഓ​ർ​മ​പ്പെ​ടു​ത്തി പൊ​തു​മ​രാ​മ​ത്ത്​ വി​ഭാ​ഗ​മാ​യ അ​ശ്​​ഗാ​ൽ. ക​ഴി​ഞ്ഞ ഫെ​ബ്രു​വ​രി​യി​ൽ പ്ര​ഖ്യാ​പി​ച്ച പു​തി​യ ന​ട​പ​ടി​ക​ളു​ടെ അ​ടി​സ്ഥാ​ന​ത്തി​ൽ മാ​ർ​ച്ച്​ ഒ​ന്ന്​ മു​ത​ൽ ട്രാ​ക്കി​ങ്​ ഉ​പ​ക​ര​ണം ഘ​ടി​പ്പി​ക്കാ​നു​ള്ള അ​പേ​ക്ഷ സ്വീ​ക​രി​ച്ചു​ തു​ട​ങ്ങി​യി​രു​ന്നു. ആ​ഗ​സ്റ്റ്​ ഒ​ന്ന്​ മു​ത​ൽ ട്രാ​ക്കി​ങ്​ ഉ​പ​ക​ര​ണം ഘ​ടി​പ്പി​ക്കാ​ത്ത ടാ​ങ്ക​റു​ക​ൾ​ക്ക്​ പ്ലാ​ന്‍റു​ക​ളി​ലേ​ക്ക്​ പ്ര​വേ​ശ​നം അ​നു​വ​ദി​ക്കി​ല്ല. അ​തി​നു​മു​മ്പാ​യി ത​ങ്ങ​ളു​ടെ ടാ​ങ്ക​റു​ക​ളി​ൽ ട്രാ​ക്കി​ങ്​ സം​വി​ധാ​നം ഘ​ടി​പ്പി​ച്ച​താ​യി ഉ​റ​പ്പാ​ക്ക​ണ​മെ​ന്ന്​ അ​ശ്​​ഗാ​ൽ ക​ഴി​ഞ്ഞ ദി​വ​സം പു​റ​ത്തു​വി​ട്ട വാ​ർ​ത്ത​ക്കു​റി​പ്പി​ൽ വ്യ​ക്​​ത​മാ​ക്കി.

ശു​ദ്ധീ​ക​ര​ണ പ്ലാ​ൻ​റി​ലേ​ക്കും തി​രി​ച്ചു​മു​ള്ള ​ടാ​ങ്ക​റു​ക​ളു​ടെ യാ​ത്ര​യും പ്ര​വ​ർ​ത്ത​ന​വും അ​റി​യാ​നു​ള്ള ട്രാ​ക്കി​ങ്​ സം​വി​ധാ​ന​മാ​ണ്​ ഇ​ത്. എ​ല്ലാ ടാ​ങ്ക​റു​ക​ൾ​ക്കും അ​ടു​ത്ത മാ​സം മു​ത​ൽ ട്രാ​ക്കി​ങ്​ ഉ​പ​ക​ര​ണം നി​ർ​ബ​ന്ധ​മാ​യി​രി​ക്കും. ശു​ദ്ധീ​ക​ര​ണ പ്ലാ​ന്‍റു​ക​ളി​ലേ​ക്കും മ​റ്റും മ​ലി​ന ജ​ലം എ​ത്തി​ക്കു​ന്ന ​ടാ​ങ്ക​റു​ക​ൾ ശ​രി​യാ​യ സ്ഥ​ല​ങ്ങ​ളി​ൽ ത​ന്നെ​യാ​ണോ വെ​ള്ളം എ​ത്തി​ക്കു​ന്ന​ത്​ എ​ന്നും നി​ർ​ദി​ഷ്ട പ്ലാ​ന്‍റി​ൽ ത​ന്നെ​യാ​ണോ പ്ര​വ​ർ​ത്തി​ക്കു​ന്ന​ത്​ എ​ന്നും നി​രീ​ക്ഷി​ക്കു​ന്ന​തി​നു​വേ​ണ്ടി​യാ​ണ്​ ട്രാ​ക്കി​ങ്​ ഉ​പ​ക​ര​ണം ഘ​ടി​പ്പി​ക്കു​ന്ന​ത്.

നി​രോ​ധി​ത പ്ര​ദേ​ശ​ങ്ങ​ളി​ല്‍ വെ​ള്ളം ഒ​ഴി​വാ​ക്കു​ന്ന​ത്​ ത​ട​യു​ക​യും പു​തി​യ പ​ദ്ധ​തി​യു​ടെ ല​ക്ഷ്യ​മാ​ണ്. ​വ​ർ​ഷാ​വ​സാ​നം ന​ട​ക്കു​ന്ന ഫി​ഫ ലോ​ക​ക​പ്പി​ന്‍റെ കൂ​ടി പ​ശ്ചാ​ത്ത​ല​ത്തി​ൽ മ​ലി​ന​ജ​ല​വാ​ഹ​ക​രാ​യ ടാ​ങ്ക​റു​ക​ളു​ടെ പ്ര​വ​ർ​ത്ത​നം കൂ​ടു​ത​ൽ സൂ​ക്ഷ്മ​മാ​യി നി​രീ​ക്ഷി​ക്കു​ക​യാ​ണ്​ പ്ര​ധാ​നം. ട്രാ​ക്കി​ങ്​ സി​സ്റ്റം ഘ​ടി​പ്പി​ക്കു​ന്ന​തോ​ടെ ക​ൺ​ട്രോ​ൾ സെ​ന്‍റ​റി​ൽ ഇ​രു​ന്നാ​ൽ വാ​ഹ​ന​ത്തി​ന്‍റെ യാ​ത്ര​യും വെ​ള്ളം എ​ത്തി​ക്കു​ന്ന സ്ഥ​ല​വും കൃ​ത്യ​മാ​യി അ​റി​യാ​ൻ സാ​ധി​ക്കും.

കൂ​ടാ​തെ ഖ​ത്ത​റി​ലു​ട​നീ​ളം ടാ​ങ്ക​റു​ക​ള്‍ സ​ഞ്ച​രി​ക്കു​ന്ന സ്ഥ​ല​ങ്ങ​ളും ശു​ദ്ധീ​ക​ര​ണ പ്ലാ​ന്‍റു​ക​ളു​ടെ സാ​മീ​പ്യ​വും നി​ര്‍ണ​യി​ക്കു​ന്ന​തി​ലൂ​ടെ യാ​ത്രാ ദൂ​രം കു​റ​യ്ക്കാ​നും ഈ ​സം​വി​ധാ​നം സ​ഹാ​യ​ക​മാ​കും. ആ​ഗ​സ്റ്റി​നു​​ശേ​ഷം അ​പേ​ക്ഷ ന​ൽ​കാ​നോ ടാ​ങ്ക​ർ പെ​ർ​മി​റ്റ്​ പു​തു​ക്കാ​നോ ക​ഴി​യി​ല്ല. തു​ട​ർ​ന്ന്​ ഈ ​ഉ​പ​ക​ര​ണം ഘ​ടി​പ്പി​ച്ച ടാ​ങ്ക​റു​ക​ൾ​ക്ക്​ മാ​ത്ര​മാ​യി​രി​ക്കും ശു​ചീ​ക​ര​ണ പ്ലാ​ന്‍റു​ക​ളി​ൽ നി​ന്നും വെ​ള്ളം നി​റ​ക്കാ​നും പു​റ​ത്തേ​ക്ക്​ പോ​കാ​നും ക​ഴി​യു​ക. അ​പേ​ക്ഷ സ​മ​ർ​പ്പി​ക്കു​ന്ന​വ​ർ​ക്ക്​ സ​ൽ​വ റോ​ഡ്​ ബ്രാ​ഞ്ചി​ലെ അ​ശ്​​ഗാ​ൽ ഉ​പ​ഭോ​ക്​​തൃ സേ​വ​ന കേ​ന്ദ്രം വ​ഴി​ സിം ​കാ​ർ​ഡ്​ ന​ൽ​കും. സിം ​ല​ഭി​ക്കു​മ്പോ​ൾ, ടാ​ങ്ക​ർ ഉ​ട​മ ഫോം ​പൂ​രി​പ്പി​ച്ച്, ആ​വ​ശ്യ​മാ​യ രേ​ഖ​ക​ൾ സ​ഹി​തം avltankersupport@ashghal.gov.qa. എ​ന്ന വി​ലാ​സ​ത്തി​ലേ​ക്ക്​ ഇ​മെ​യി​ൽ ചെ​യ്യേ​ണ്ട​താ​ണ്. കൂ​ടു​ത​ല്‍ വി​വ​ര​ങ്ങ​ള്‍ക്ക്, അ​ശ്​​ഗാ​ലി​ന്‍റെ ഔ​ദ്യോ​ഗി​ക വെ​ബ്‌​സൈ​റ്റ് സ​ന്ദ​ര്‍ശി​ക്കു​ക​യോ അ​ല്ലെ​ങ്കി​ല്‍ 188 എ​ന്ന ന​മ്പ​റി​ല്‍ വി​ളി​ക്കു​ക​യോ ചെ​യ്യ​ണ​മെ​ന്ന് അ​ധി​കൃ​ത​ര്‍ നി​ര്‍ദേ​ശി​ച്ചു. ക​മ്പ​നി​യു​ടെ പേ​ര്, ടാ​ങ്ക​ർ ന​മ്പ​ർ, ​വാ​ഹ​ന ന​മ്പ​ർ, മൊ​ബൈ​ൽ-​ഇ​മെ​യി​ൽ വി​ശ​ദാം​ശ​ങ്ങ​ൾ, ഇ​ൻ​സ്റ്റാ​ൾ ചെ​യ്ത ഉ​പ​ക​ര​ണ​ത്തി​ന്‍റെ വി​ശ​ദാം​ശ​ങ്ങ​ൾ, സിം​കാ​ർ​ഡ്​ ന​മ്പ​ർ, സ​ർ​വീ​സ്​ റി​ക്വ​സ്റ്റ്​ ന​മ്പ​ർ എ​ന്നി​വ അ​പേ​ക്ഷ​ക്കൊ​പ്പം ന​ൽ​ക​ണം.

അം​ഗീ​കൃ​ത ട്രാ​ക്കി​ങ്​ ഉ​പ​ക​ര​ണ​ങ്ങ​ളു​ടെ പേ​രു വി​വ​ര​ങ്ങ​ളും അ​ശ്​​ഗാ​ൽ പ്ര​സി​ദ്ധീ​ക​രി​ച്ചി​ട്ടു​ണ്ട്.