ബർഷിം

ദോഹ: അക്കൗണ്ട്​ തുറക്കാനേ വർഷങ്ങളുടെ കാത്തിരിപ്പ്​ വേണ്ടിയുള്ളൂ. ഒളിമ്പിക്​സിന്​ ടീമിനെ അയച്ചുതുടങ്ങി, 36 വർഷത്തിനുശേഷം ആദ്യ ഒളിമ്പിക്​സ്​ സ്വർണം ശനിയാഴ്​ച അക്കൗണ്ടിൽ വീണ്​ 24 മണിക്കൂറിനകം ഖത്തർ രണ്ടാം സ്വർണവും അണിഞ്ഞു. അതാവ​ട്ടെ, രാജ്യത്തി​െൻറ കായിക പ്രതീകമായിമാറിയ ഹൈജംപുകാരൻ മുഅതസ്​ ഈസ ബർഷിമിലൂടെയും. രണ്ടു തവണ വീതം ലോക ചാമ്പ്യനും ഏഷ്യൻ ചാമ്പ്യനുമായ ബർഷിമിലൂടെ സ്വർണനേട്ടം ഉറപ്പിച്ചാണ്​ ഖത്തർ ടോക്യോയിലേക്ക്​ പറന്നത്​. 2012ൽ ലണ്ടനിൽ നേടിയ വെങ്കലവും 2016ലെ റിയോ വെള്ളിയും ടോക്യോയിൽ അവൻ സ്വർണമാക്കിമാറ്റുമെന്ന്​ ഉറപ്പായിരുന്നു. ആ വിശ്വാസമാണ്​ ഞായറാഴ്​ച ടോക്യോയിലെ രാത്രിയിൽ ശരിവെക്കപ്പെട്ടത്​.

ഒരു മെഡലിനപ്പുറം സ്​പോർട്​സ്​മാൻ സ്​പിരിറ്റിലൂടെയും ബർഷിം ഒളിമ്പിക്​ മണ്ണിലും ലോകമെങ്ങുമുള്ള ആരാധക മനസ്സിലും ചാമ്പ്യനായി. 2.37 വരെ ആദ്യ ശ്രമത്തിൽതന്നെ ചാടിയശേഷം, 2.39 മീറ്റർ ദൂരത്തിലായിരുന്നു ബർഷിമും ഇറ്റലിയുടെ ജിയാൻമാർകോ ടാംബെറിയും വീണത്​. മൂന്നു​ ശ്രമത്തിലും ​ഉയരം കടക്കാനാവാതെ പോയതോടെ ഒന്നാം സ്​ഥാനത്ത്​ ഇരുവരും ഒപ്പത്തിനൊപ്പമായി. തുടർന്ന്​ ജ​ംപ്​ ഓഫിലൂടെ ടേക്ക്ഓഫിനായി റഫറി വിളിച്ചപ്പോഴാണ്​ സ്വർണം പങ്കുവെച്ച്​ പിൻവാങ്ങാമോയെന്ന്​ ബർഷിം ചോദിച്ചത്​. ഒഫീഷ്യൽസ്​ അനുവദിച്ചതോടെ, കളിക്കളത്തിലെ മനുഷ്യത്വത്തി​െൻറ അപാര മാതൃകകൂടി രചിച്ചുകൊണ്ട്​ ബർഷിം താരമായി.

മൂന്നു ദിവസം മുമ്പ്​ നടന്ന യോഗ്യതാറൗണ്ടിൽ 2.28 ചാടിയാണ്​ ബർഷിം ഫൈനലിൽ ഇടംപിടിച്ചത്​. ഖത്തർ സമയം ഉച്ചകഴിഞ്ഞ്​ ഒരു മണിക്ക്​ ഫൈനൽ തുടങ്ങിയതോടെ അനായാസ കുതിപ്പും തുടങ്ങി. 2.19 മീറ്ററിൽ പാസ്​ വാങ്ങിയ ശേഷം, 2.24 മീറ്ററിലാണ്​ ജംപ്​ തുടങ്ങിയത്​. 2.37 വരെ ആദ്യ ശ്രമത്തിൽതന്നെ കടന്നു. 2.39 മീറ്ററിൽ മത്സരിച്ച അഞ്ചു പേർക്കും ക്ലിയർ ചെയ്യാൻ കഴിഞ്ഞില്ല. ഒടുവിലായിരുന്നു ഒപ്പത്തിനൊപ്പമായ ബർഷിമും ജിയാൻമാർകോയും ജംപ്​ ഓഫിൽനിന്നു പിൻവാങ്ങി മെഡൽ പങ്കുവെക്കാൻ തീരുമാനിച്ചത്​.സീസണിലെ ഏറ്റവും മികച്ച പ്രകടനവുമായാണ്​ ബർഷിം ​ടോക്യോയിൽ പൊന്നായി മാറിയത്​.

അച്ഛനും മകനുമായ സ്​റ്റാൻലിയും ബർഷിമും

ദോഹയിലെ ഒരു സുഡാനി കുടുംബത്തിൽ 1991 ജൂൺ 24നായിരുന്നു ബർഷിമി​െൻറ ജനനം​. അഞ്ച്​ ആൺകുട്ടികളും ഒരു പെൺകുട്ടിയുമടങ്ങുന്ന കുടുംബം. പിതാവ്​ നല്ലൊരു അത്​ലറ്റായിരുന്നു. ഒാട്ടത്തിലും ലോങ്​ജംപിലുമായിരുന്നു ബർഷിമി​െൻറ ആദ്യകാല മികവ്​. ദോഹയിലെ പ്രാദേശിക ക്ലബിൽ പരിശീലകനായ പിതാവി​െൻറ ൈകപിടിച്ച്​ കുട്ടിക്കാലത്തുതന്നെ ബർഷിം ത​െൻറ മേഖലയും കണ്ടെത്തി.

ദോഹയിലെ അറബിക്​ സ്​കൂളിലാണ്​ പഠിച്ചത്​. അവി​െടനിന്ന്​ ഇംഗ്ലീഷിൽ പ്രാവീണ്യം നേടി. ഹൈജംപ്​​ കൂടുതൽ രസകരമായിതോന്നിയതിനാൽ 15ാം വയസ്സിൽ ഉയരങ്ങളിലേക്ക്​ കണ്ണയക്കാൻ തുടങ്ങി. ഖത്തറി​െൻറ ദേശീയ കായിക പരിശീലന കേന്ദ്രമായ ആസ്​പെയർ സോണിൽ ചേർന്നതോടെയാണ്​ വിജയകഥ തുടങ്ങുന്നത്​. 2009ൽ ആസ്​പെയറിലെ പരിശീലനം പൂർത്തിയാക്കി, അപ്പോൾ മികച്ച ഉയരം 2.14 മീറ്റർ ആയിരുന്നു. ഇതിനിടെയാണ്​ നിലവിലെ കോച്ച്​ ​സ്​റ്റാൻറലിയെ കണ്ടുമുട്ടുന്നത്​. പതിറ്റാണ്ടിലേറെ കാലമായി പിതാവിനെയും മകനെയുംപോലെയാണ്​ പോളണ്ടുകാരനായ സ്​റ്റാൻലിയും 30കാരനായ ബർഷിമും. 2009ൽ തുടങ്ങിയ കൂട്ട്​ ഇന്ന്​ ടോ​ക്യോയിൽ ബർഷിമിനെ ഒളിമ്പിക്​ സ്വർണത്തിലെത്തിച്ചും തുടരുന്നു.

'ഞങ്ങൾ തമ്മിലെ ബന്ധം വളരെ വിശേഷപ്പെട്ടതാണ്​. തുടക്കത്തിൽ കോച്ചൊരു കഠിനമായ വെല്ലുവിളിയായിരുന്നു. പ്രത്യേകിച്ച്​ ഒരു പ്രഫഷനൽ കോച്ചും ഒരു കൗമാരക്കാരനുമാകു​േമ്പാൾ. എന്നാൽ, ഇപ്പോൾ ഞങ്ങൾ 12 വർഷമായി ഒന്നിച്ചുണ്ട്​. അദ്ദേഹം എനിക്ക്​ പിതൃതുല്യനാണ്​' -ടോക്യോയിലേക്ക്​ പുറപ്പെടും മുമ്പ്​ കോച്ചിനെക്കുറിച്ച്​ ബർഷിമി​െൻറ വാക്കുകൾ ഇങ്ങനെയായിരുന്നു.