ഹൃദയാഘാതം: തൃശൂർ സ്വദേശി ഖത്തറിൽ നിര്യാതനായി

ദോഹ: തൃശൂർ കിഴുപ്പിള്ളിക്കര സ്വദേശി ഖത്തറിൽ ഹൃദയാഘാതം മൂലം നിര്യാതനായി. ഞൊണ്ടത്ത് പറമ്പിൽ വാഹിദാണ് (55) താമസസ്ഥലത്ത് മരണപ്പെട്ടത്. രണ്ടരപ്പതിറ്റാണ്ടായി ഖത്തറിൽ ഡ്രൈവറായി ജോലി ചെയ്യുകയായിരുന്നു.

കല്ലുംകടവ് ഞൊണ്ടത്തുപറമ്പിൽ പരേതനായ അബൂബക്കറിന്റെ മകനാണ്. മാതാവ്: സുലൈഖ. ഭാര്യ: വാഹിദ. മക്കൾ: നിയാസ് (എയറോ നേട്ടിക്കൽ വിദ്യാർഥി), താജുദീൻ, ഫഹദ്. നടപടി ക്രമങ്ങൾ പൂർത്തിയാക്കി മൃതദേഹം നാട്ടിൽ കൊണ്ടുപോയി. ഖബറടക്കം വ്യാഴാഴ്ച കിഴുപ്പിള്ളിക്കര ജുമാമസ്ജിദ് ഖബർസ്ഥാനിൽ.

കിഴുപ്പിള്ളിക്കര പ്രവാസി സൗഹൃദ കൂട്ടായ്മ - ഖത്തർ സജീവ പ്രവർത്തകനും തൃശൂർ ജില്ല സൗഹൃദ വേദി ആരംഭകാല അംഗവുമാണ്. മൃതദേഹം നാട്ടിൽ കൊണ്ടുപോകാൻ ഖത്തർ കെ.എം.സി.സി അൽ ഇഹ്‌സാൻ മയ്യിത്ത് പരിപാലന കമ്മിറ്റി ചെയർമാൻ മെഹബൂബ് നാലകത്ത്, അഷറഫ് അമ്പലത്തു, മൻസൂർ പുതിയവീട്ടിൽ എന്നിവർ നേതൃത്വം നൽകി.