തൃശൂർ സ്വദേശിനി ഖത്തറിൽ നിര്യാതയായി

ദോഹ: തൃശൂർ വെങ്കിടങ്ങ് സ്വദേശിനിയായ വീട്ടമ്മ ഖത്തറിൽ നിര്യാതയായി. പ്രമുഖ ഈവന്‍റ് മാനേജ്‌മെന്‍റ് സ്ഥാപനമായ സ്റ്റാർ വേൾഡ് ഗ്രൂപ്പ് ഉടമ ആർ.എസ്. മൊയ്തീന്‍റെ ഭാര്യ റസിയയാണ് (61) ചൊവ്വാഴ്ച പുലർച്ചെ മരിച്ചത്. തൃശൂരിൽ വെങ്കിടങ്ങ് പഞ്ചായത്ത് ഏനാമാക്കൽ കെട്ടുങ്ങൽ രായമ്മരക്കാറാണ് വീട്.

മക്കൾ: പരേതനായ ഷമീൻ, ഷബ്‌നം സെമീൽ (എച്ച്.എം.സി), മുഹമ്മദ് ഷമീം. മരുമക്കൾ: സെമീൽ ഉമ്മർ (എച്ച്.എം.സി), നഷ ഷമീം. നടപടികൾ പൂർത്തിയാക്കിയ ശേഷം, ചൊവ്വഴ്ച രാത്രി 7.30ഓടെ അബൂഹമൂറിൽ ഖബറടക്കുമെന്ന് ബന്ധുക്കൾ അറിയിച്ചു.