Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightലക്ഷദ്വീപിനു​ നേരെ...

ലക്ഷദ്വീപിനു​ നേരെ നടക്കുന്നത് ത്രിമുഖ ആക്രമണം –നിയമസഭ സ്​പീക്കർ

text_fields
bookmark_border
ലക്ഷദ്വീപിനു​ നേരെ നടക്കുന്നത് ത്രിമുഖ ആക്രമണം –നിയമസഭ സ്​പീക്കർ
cancel
camera_alt

പ്രവാസി കോഒാഡിനേഷൻ കമ്മിറ്റി സംഘടിപ്പിച്ച ‘ലക്ഷദ്വീപ്, സമാധാനത്തിലൂടെ സമഗ്ര വികസനം’ ഓൺലൈൻ ചർച്ചയിൽനിന്ന്​

ദോഹ: ലക്ഷദ്വീപിനു നേരെ നടക്കുന്നത് ത്രിമുഖ ആക്രമണമാണെന്ന്​ കേരള നിയമസഭ സ്​പീക്കർ എം.ബി. രാജേഷ് പറഞ്ഞു. സാമ്പത്തികവും സാംസ്​കാരികവും രാഷ്​ട്രീയവുമായി ദ്വീപ് ജനതയെ കീഴ്പെടുത്തി ദ്വീപ് വൻകിട കുത്തകകൾക്ക് കൈമാറാനുള്ള ശ്രമങ്ങളാണ് പുതിയ പരിഷ്ക്കാരങ്ങൾക്കു പിന്നി​ലെന്നും അദ്ദേഹം പറഞ്ഞു. 'ലക്ഷദ്വീപ്, സമാധാനത്തിലൂടെ സമഗ്ര വികസനം' എന്ന വിഷയത്തിൽ ഖത്തറിലെ പ്രവാസി സംഘടനകളുടെ കൂട്ടായ്​മയായ പ്രവാസി കോഒാഡിനേഷൻ കമ്മിറ്റി സംഘടിപ്പിച്ച ഓൺലൈൻ ചർച്ച ഉദ്​ഘാടനം ചെയ്യുകയായിരുന്നു അദ്ദേഹം.

ഒാരോ ജനതക്കും വേണ്ട വികസനവും പുരോഗതിയും അവർക്കു കൂടി ബോധ്യപ്പെടുന്നതും തീരുമാനത്തിൽ അവർക്കു കൂടി പങ്കാളിത്തം ഉള്ളതുമായിരിക്കണം. എന്നാൽ ഉപജീവന മാർഗങ്ങളും ജനാധിപത്യ അവകാശങ്ങളും കവർന്നെടുത്ത്​ ജനങ്ങളെ നിരായുധീകരിച്ച്​ ദ്വീപിൽ കോർപറേറ്റ് താൽപര്യം നടപ്പാക്കാനുള്ള ശ്രമങ്ങളാണ് നടക്കുന്നതെന്നും സ്​പീക്കർ പറഞ്ഞു.

ഒരു ഭരണകൂടത്തി​െൻറ ജനാധിപത്യവിരുദ്ധ നിലപാടാണ് ഇന്ന് ലക്ഷദ്വീപ് ജനത അനുഭവിക്കുന്നതെന്ന് മുഖ്യാതിഥിയായി സംസാരിച്ച കേരള നിയമസഭ പ്രതിപക്ഷ നേതാവ് വി.ഡി. സതീശൻ പറഞ്ഞു. ദ്വീപിൽ നടക്കുന്നത് സാംസ്​കാരിക അധിനിവേശം തന്നെയാണ്. സാധാരണക്കാരുടെ ജീവിതത്തിന് ഭരണകൂടം തടസ്സമുണ്ടാക്കിയും ഭരണഘടനപരമായ അവകാശങ്ങൾ കവർന്നെടുക്കുകയും ചെയ്യുന്നു.

ലക്ഷദ്വീപിൽ നടക്കുന്നത് ഒരു പരീക്ഷണമാണെന്നും നാളെ ഇത് മറ്റു സംസ്ഥാനങ്ങളിലും വ്യാപിപ്പിക്കുമെന്നും അദ്ദേഹം പറഞ്ഞു. ലക്ഷദ്വീപ് മുൻ അഡ്​മിനിസ്ട്രേറ്റർ ഒമേഷ് സൈഗാൾ മുഖ്യപ്രഭാഷണം നടത്തി. ഭൂമിശാസ്​ത്രവും പരിസ്ഥിതിയും പരിഗണിച്ചുകൊണ്ടുള്ള വികസനം മാത്രമേ ലക്ഷദ്വീപിൽ നടപ്പാക്കാവൂ എന്ന് അദ്ദേഹം പറഞ്ഞു. പ്രാദേശിക ജനതയുടെ അഭിരുചിയും കഴിവും പരിഗണിച്ച്​ വികസനത്തി​െൻറ മുഖ്യഗുണഭോക്താക്കൾ ദ്വീപു ജനതയാകുന്ന വികസന നയമാണ് ആവശ്യമെന്നും അദ്ദേഹം വ്യക്തമാക്കി.

ലക്ഷദ്വീപ് എം.പി മുഹമ്മദ് ഫൈസൽ, അഡ്വ. ഫസീല ഇബ്രാഹിം, ലക്ഷദ്വീപ് വെൽഫെയർ അസോസിയേഷൻ ഖത്തർ പ്രസിഡൻറ്​ ഡോ. ലിയാഖത്തലി എന്നിവർ സംസാരിച്ചു. അഫ്ത്താഫ് ബഷീർ, ആയിഷ ഫാത്തിമ എന്നിവർ ദേശീയഗാനമാലപിച്ചു. പ്രവാസി കോഒാഡിനേഷൻ ചെയർമാൻ അഡ്വ. നിസാർ കൊച്ചേരി ആമുഖപ്രഭാഷണം നടത്തി.

മഞ്ജു മനോജായിരുന്നു പരിപാടിയുടെ അവതാരക. വി.സി. മശ്​ഹൂദ്, എസ്.എ.എം. ബഷീർ, കെ.സി. അബ്​ദുല്ലത്തീഫ്, എ. സുനിൽ കുമാർ, സമീൽ അബ്​ദുൽ വാഹിദ് ചാലിയം, റഊഫ് കൊണ്ടോട്ടി, സാദിഖ് ചെന്നാടൻ, മുഹമ്മദ് ഫൈസൽ, അഡ്വ. ജാഫർ ഖാൻ, ഉമ്മർ ശരീഫ് ലക്ഷദ്വീപ് തുടങ്ങിയവർ നേതൃത്വം നൽകി.കൺവീനർ ജോപ്പച്ചൻ തെക്കേക്കൂറ്റ് നന്ദി പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:SaveLakshadweep
News Summary - Three-way attack on Lakshadweep - Assembly Speaker
Next Story