Begin typing your search above and press return to search.
proflie-avatar
Login
exit_to_app
exit_to_app
ആരോഗ്യത്തിന്​ കരുതലയാവർ
cancel
camera_alt

റീന ഫിലിപ് - ഡോ.ബിന്ദു സലീം -ഷൈനി സന്തോഷ്

റീന ഫിലിപ്പ്

മാലാ​ഖ​മാ​ർ എ​ന്ന വി​ളി​പ്പേ​രി​നെ അ​ന്വ​ർ​ഥ​മാ​ക്കു​ന്ന​താ​യി​രു​ന്നു ന​ഴ്​​സു​മാ​രു​ടെ കോ​വി​ഡ്​ കാ​ലം. മ​ഹാ​മാ​രി​യെ ഭ​യ​ന്ന്​ എ​ല്ലാ​വ​രും വീ​ട​ക​ങ്ങ​ളി​ലേ​ക്ക്​ ഉ​ൾ​വ​ലി​ഞ്ഞ​പ്പോ​ൾ, സ്വ​ജീ​വ​നും കു​ടും​ബ​വും മ​റ​ന്ന്​ ദൗ​ത്യ​നി​ർ​വ​ഹ​ണ​ത്തി​നി​റ​ങ്ങാ​ൻ നി​യോ​ഗി​ക്ക​പ്പെ​ട്ട​വ​ർ. ലോ​ക​ത്ത്​ കോ​വി​ഡി​നെ ഏ​റ്റ​വും ഫ​ല​പ്ര​ദ​മാ​യി ചെ​റു​ത്ത രാ​ജ്യ​ങ്ങ​ളി​ലൊ​ന്നാ​യി ഖ​ത്ത​ർ മാ​റി​യ​ത്​ മ​ല​യാ​ളി​ക​ളാ​യ ആ​യി​ര​ക്ക​ണ​ക്കി​ന്​ ന​ഴ്​​സു​മാ​രു​ടെ കൂ​ടി ക​രു​ത്തോ​ടെ​യാ​യി​രു​ന്നു. അ​വ​രു​ടെ പ്ര​തി​നി​ധി​യാ​ണ്​ റീ​ന ഫി​ലി​പ്​ എ​ന്ന കൊ​ല്ലം അ​ടൂ​ർ സ്വ​ദേ​ശി. 2003ൽ ​മും​ബൈ​യി​ൽ തു​ട​ങ്ങി​യ​താ​യി​രു​ന്നു ന​ഴ്​​സി​ങ്​ ക​രി​യ​ർ. 2011ൽ ​ഹ​മ​ദ്​ മെ​ഡി​ക്ക​ൽ കോ​ർ​പ​റേ​ഷ​നു കീ​ഴി​ൽ സ​ർ​ജി​ക്ക​ൽ ഐ.​സി.​യു ഇ​ൻ​ചാ​ർ​ജാ​യി എ​ത്തി പ്ര​വാ​സ മേ​ഖ​ല​യി​ൽ സ​ജീ​വ​മാ​യി.

ക​ഴി​ഞ്ഞ മൂ​ന്നു​വ​ർ​ഷ​മാ​യി ഹ​മ​ദി​നു കീ​ഴി​ൽ ഡ​യ​റ​ക്ട​ർ ഓ​ഫ്​ ന​ഴ്​​സി​ങ്​ ചു​മ​ത​ല വ​ഹി​ക്കു​ന്നു. ഇ​തി​നി​ട​യി​ലെ​ത്തി​യ കോ​വി​ഡ്​ മ​ഹാ​മാ​രി​ക്കാ​ല​ത്ത്​ ആ​രോ​ഗ്യ​പ്ര​വ​ർ​ത്ത​ക എ​ന്ന നി​ല​യി​ൽ ഖ​ത്ത​ർ ആ​രോ​ഗ്യ​മേ​ഖ​ല​യു​ടെ പോ​രാ​ട്ട​ങ്ങ​ൾ​ക്കു​ മു​ന്നി​ൽ​നി​ന്ന്​ ന​യി​ക്കാ​ൻ റീ​ന​യും സ​ഹ​പ്ര​വ​ർ​ത്ത​ക​രും ഉ​ണ്ടാ​യി​രു​ന്നു. കോ​വി​ഡ്​ എ​ന്താ​ണ്, എ​ത്ര​മാ​ത്രം പ്ര​ത്യാ​ഘാ​ത​മു​ണ്ട്​ എ​ന്നൊ​ന്നും മ​ന​സ്സി​ലാ​വാ​ത്ത ആ​ദ്യ​ഘ​ട്ട​ത്തി​ൽ ക്വാ​റ​ന്‍റീ​ൻ സെ​ന്‍റ​റു​ക​ളു​ടെ കോ​ഓ​ഡി​നേ​റ്റ​ർ ചു​മ​ത​ല​യി​ലാ​യി​രു​ന്നു പ്ര​വ​ർ​ത്തി​ച്ച​ത്. രോ​ഗാ​വ​സ്ഥ തീ​വ്ര​മാ​യ ര​ണ്ടാം​ഘ​ട്ട​ത്തി​ൽ ഐ.​സി.​യു കോ​ഓ​ഡി​​​നേ​റ്റ​ർ ചു​മ​ത​ല വ​ഹി​ച്ചു. മൂ​ന്നാം ത​രം​ഗ സ​മ​യ​ത്ത്​ വാ​ക്സി​നേ​ഷ​ൻ സെ​ന്‍റ​റു​ക​ളു​ടെ പ്ര​വ​ർ​ത്ത​ന മേ​ൽ​നോ​ട്ട​വും വ​ഹി​ച്ചു. മു​ൻ​കാ​ല​ങ്ങ​ളി​ലൊ​ന്നു​മി​ല്ലാ​ത്ത വി​ധം ആ​രോ​ഗ്യ​മേ​ഖ​ല വെ​ല്ലു​വി​ളി നേ​രി​ട്ട കാ​ല​യ​ള​വി​ൽ ആ​രോ​ഗ്യ​പ്ര​വ​ർ​ത്ത​ക എ​ന്ന​തി​ന​പ്പു​റം രോ​ഗി​ക​ൾ​ക്ക്​ സ​ഹോ​ദ​രി​യും പ്രി​യ​പ്പെ​ട്ട​വ​രു​മെ​ല്ലാ​മാ​യി മാ​റു​ക​യാ​യി​രു​ന്നു ഇ​വ​ർ.

ഖ​ത്ത​റി​ലെ ഇ​ന്ത്യ​ൻ ന​ഴ്​​സു​മാ​രു​ടെ കൂ​ട്ടാ​യ്മ​യാ​യ 'ഫി​ൻ​ക്യു' പ്ര​സി​ഡ​ന്‍റ്​ എ​ന്ന​നി​ല​യി​ൽ സ​ഹ​പ്ര​വ​ർ​ത്ത​ക​രു​ടെ ക്ഷേ​മ​പ്ര​വ​ർ​ത്ത​ന​ങ്ങ​ൾ​ക്കും ജോ​ലി സു​ര​ക്ഷി​ത​ത്വ​ത്തി​നു​മാ​യും സ​ജീ​വ​മാ​ണ്. സ്വ​കാ​ര്യ ആ​ശു​പ​ത്രി​ക​ളി​ലും ഇ​ൻ​ഡ​സ്​​ട്രി​യ​ൽ മേ​ഖ​ല​ക​ളി​ലും പ്ര​വ​ർ​ത്തി​ക്കു​ന്ന ന​ഴ്​​സു​മാ​രു​ടെ സു​ര​ക്ഷ, മ​റ്റ്​ വി​നോ​ദ പ​രി​പാ​ടി​ക​ൾ, ലേ​ബേ​ഴ്​​സ്​ ഉ​ൾ​പ്പെ​ടെ പ്ര​വാ​സി തൊ​ഴി​ലാ​ളി​ക​ളു​ടെ ആ​രോ​ഗ്യ സു​ര​ക്ഷി​ത​ത്വ​ത്തി​ലെ ഇ​ട​പെ​ട​ൽ, അ​ഫ്​​ഗാ​നി​ൽ നി​ന്ന് യു​ദ്ധം മൂ​ലം അ​ഭ​യാ​ർ​ഥി​ക​ളാ​യി ഖ​ത്ത​റി​ലെ​ത്തി​യ​വ​ർ​ക്കു​ള്ള ആ​രോ​ഗ്യ സം​ര​ക്ഷ​ണം തു​ട​ങ്ങി വി​വി​ധ മേ​ഖ​ല​ക​ളി​ലും ഇ​ട​പെ​ടു​ന്നു. ഇ​തി​നു​പു​റ​മെ ര​ക്​​ത​ദാ​ന ക്യാ​മ്പ്, ഫി​ൻ​ക്യു കു​ടും​ബാം​ഗ​ങ്ങ​ളു​ടെ ക്ഷേ​മ-​വി​നോ​ദ പ്ര​വ​ർ​ത്ത​ന​ങ്ങ​ൾ എ​ന്നി​വ​യി​ലും സ​ജീ​വ​മാ​ണ്. ക്യൂ.​ഐ.​സി​യി​ൽ ജോ​ലി​ചെ​യ്യു​ന്ന അ​ജി​ത്​ മാ​ത്യു​വാ​ണ്​ ഭ​ർ​ത്താ​വ്. വി​ദ്യാ​ർ​ഥി​ക​ളാ​യ ജെ​യ്​​ഡ​ൻ, ജു​വാ​ൻ എ​ന്നി​വ​ർ മ​ക്ക​ളു​മാ​ണ്.

ഡോ. ബിന്ദു സലിം

മരു​ന്നും ചി​കി​ത്സ​യും പോ​ലെ​ത​ന്നെ പ്ര​ധാ​ന​മാ​ണ്​ മാ​ന​സി​കാ​രോ​ഗ്യ​വും. പ്ര​വാ​സ​ലോ​ക​ത്തെ ഒ​റ്റ​പ്പെ​ട​ലി​നി​ട​യി​ലാ​കു​മ്പോ​ൾ ഈ ​ക​രു​ത​ലി​ന്​ ചി​ല​പ്പോ​ൾ മ​രു​ന്നി​നേ​ക്കാ​ൾ പ്ര​സ​ക്​​തി​യു​ണ്ടാ​വും. ​നി​ർ​ണാ​യ​ക ഘ​ട്ട​ത്തി​ൽ ഒ​രു മി​ക​ച്ച കൗ​ൺ​സി​ല​റു​ടെ ഇ​ട​പെ​ട​ലും ന​ല്ല വാ​ക്കു​ക​ളും ഒ​രു ജീ​വ​ൻ ര​ക്ഷി​ക്കാ​നോ വീ​ണു​പോ​യേ​ക്കാ​വു​ന്ന ഒ​രു കു​ടും​ബ​ത്തി​ന്​ താ​ങ്ങാ​വാ​നോ വ​ഴി​യൊ​രു​ക്കി​യേ​ക്കും. അ​ത്ത​ര​ത്തി​ൽ, ഖ​ത്ത​റി​ലെ ഇ​ന്ത്യ​ൻ പ്ര​വാ​സി​ക​ൾ​ക്കി​ട​യി​ൽ മാ​ന​സി​കാ​രോ​ഗ്യ മേ​ഖ​ല​യി​ൽ നി​റ​ഞ്ഞു​നി​ൽ​ക്കു​ന്ന വ്യ​ക്​​തി​ത്വ​മാ​ണ്​ ഡോ. ​ബി​ന്ദു സ​ലീം. ​എ​റ​ണാ​കു​ളം സ്വ​ദേ​ശി. ഹ​മ​ദ്​ മെ​ഡി​ക്ക​ൽ കോ​ർ​പ​റേ​ഷ​നു കീ​ഴി​ൽ സൈ​ക്കോ​ള​ജി​സ്റ്റാ​യി പ്ര​വ​ർ​ത്തി​ക്കു​ന്നു. 23 വ​ർ​ഷ​മാ​യി ഖ​ത്ത​റി​ലു​ള്ള ബി​ന്ദു സ​ലീം മാ​ന​സി​ക പി​ന്തു​ണ നേ​ടു​ന്ന​വ​ർ​ക്ക്​ ​താ​ങ്ങാ​വു​ക​യാ​ണ്​ ത​ന്‍റെ ദൗ​ത്യ​മെ​ന്ന്​ തി​രി​ച്ച​റി​ഞ്ഞ്​ ഈ ​മേ​ഖ​ല​യി​ൽ പ്ര​വേ​ശി​ച്ച വ്യ​ക്​​തി​യാ​ണ്. മാ​ന​സി​കാ​രോ​ഗ്യ വി​ദ​ഗ്​​ധ എ​ന്ന​നി​ല​യി​ൽ ഗ​വേ​ഷ​ണ ബി​രു​ദം സ്വ​ന്ത​മാ​ക്കി. ക​ഴി​ഞ്ഞ കോ​വി​ഡ്​ കാ​ല​ത്ത്​ രോ​ഗി​ക​ളും അ​വ​രു​ടെ ബ​ന്ധു​ക്ക​ളും ഉ​ൾ​പ്പെ​ടെ സ​മൂ​ഹ​ത്തി​ന്‍റെ വി​വി​ധ മേ​ഖ​ല​ക​ളി​ൽ പ്ര​വ​ർ​ത്തി​ക്കു​ന്ന​വ​രി​ലേ​ക്ക്​ ഇ​റ​ങ്ങി​യാ​ണ്​ മാ​ന​സി​ക ക​രു​ത്ത്​ പ​ക​ർ​ന്ന​ത്.

ഇ​ന്ത്യ​ൻ എം​ബ​സി, ഐ.​സി.​ബി.​എ​ഫ്, വി​വി​ധ സ​ന്ന​ദ്ധ സം​ഘ​ട​ന​ക​ൾ എ​ന്നി​വ​യു​മാ​യി സ​ഹ​ക​രി​ച്ചും തൊ​ഴി​ലാ​ളി​ക​ൾ ഉ​ൾ​പ്പെ​ടെ​യു​ള്ള വി​വി​ധ വി​ഭാ​ഗ​ങ്ങ​ളി​ലും ത​ങ്ങ​ളു​ടെ സേ​വ​ന​മെ​ത്തി​ച്ചു. അ​മേ​രി​ക്ക​യി​ലെ മ​ന​ശ്ശാ​സ്ത്ര​ജ്ഞ​ൻ​മാ​രു​ടെ സം​ഘ​ട​ന​യി​ൽ ആ​ജീ​വ​നാ​ന്ത അം​ഗ​മാ​യ ബി​ന്ദു സ​ലീം നി​ര​വ​ധി അ​ന്താ​രാ​ഷ്ട്ര മ​ന​ശ്ശാ​സ്ത്ര സം​ഘ​ട​ന​ക​ളി​ലും പ്ര​വ​ർ​ത്തി​ക്കു​ന്നു.

നി​ര​വ​ധി സെ​മി​നാ​റു​ക​ളും വ​ർ​ക്ക്ഷോ​പ്പു​ക​ളും കൗ​ൺ​സ​ലി​ങ് സെ​ഷ​നു​ക​ളും പ​രി​ശീ​ല​ന ക്ലാ​സു​ക​ളും നി​യ​ന്ത്രി​ച്ചു. ഇ​പ്പോ​ൾ ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​നി​ലെ ക്ലി​നി​ക്ക​ൽ സൈ​ക്കോ​ള​ജി​സ്റ്റാ​യി പ്ര​വ​ർ​ത്തി​ക്കു​ന്നു. മുഹമ്മദ്​ സലീമാണ്​ ഭർത്താവ്​. ഹാഷിം സലിം, ഐഷ സലിം എന്നിവർ മക്കളാണ്​.

ഷൈനി സന്തോഷ്

കോ​വി​ഡ്​ തീ​വ്ര​ത​യു​ടെ നാ​ളു​ക​ളി​ൽ ഒ​രി​ക്ക​ൽ പു​ല​ർ​ച്ച ഒ​രു​മ​ണി​ക്കാ​ണ്​ ഷൈ​നി സ​ന്തോ​ഷി​നെ തേ​ടി ഒ​രു ഫോ​ൺ​വി​ളി​യെ​ത്തു​ന്ന​ത്. മ​റു​ത​ല​ക്ക​ൽ ഒ​രു മ​ല​യാ​ളി യു​വ​തി​യു​ടെ പ​ത​റി​യ ശ​ബ്​​ദ​മാ​യി​രു​ന്നു. 'മാ​ഡം, എ​നി​ക്ക്​ ജീ​വി​ക്കാ​ൻ ഏ​റെ ആ​ഗ്ര​ഹ​മു​ണ്ട്. പ​ക്ഷേ, ക​ഴി​യു​ന്നി​ല്ല. ഇ​പ്പോ​ൾ മ​ര​ണ​മാ​ണ്​ എ​ന്‍റെ വ​ഴി' -​വീ​ട്ടി​ലെ കു​ളി​മു​റി​യി​ൽ കൈ​ഞ​ര​മ്പ്​ മു​റി​ക്കാ​നൊ​രു​ങ്ങി​യാ​യി​രു​ന്നു അ​വ​രു​ടെ ഫോ​ൺ വി​ളി. ഉ​റ​ക്കം വി​ട്ടെ​ഴു​ന്നേ​റ്റ്​ ഷൈ​നി ആ ​യു​വ​തി​യു​മാ​യി സം​സാ​രി​ച്ചു​കൊ​ണ്ടി​രു​ന്നു. കാ​ര്യ​ങ്ങ​ൾ അ​ന്വേ​ഷി​ച്ചും അ​വ​ർ​ക്കൊ​പ്പ​മു​ണ്ടെ​ന്ന്​ മാ​ന​സി​ക ധൈ​ര്യം പ​ക​ർ​ന്നും പോ​സി​റ്റി​വ്​ ചി​ന്ത​ക​ൾ ന​ൽ​കി​യും ​ഷൈ​നി ക​ർ​മ​നി​ര​ത​യാ​യി. ഏ​റെ സ​മ​യം അ​വ​രു​മാ​യി സം​സാ​രം തു​ട​ർ​ന്നു. അ​തേ​സ​മ​യം ത​ന്നെ മ​​റ്റൊ​രു ഫോ​ണി​ൽ പൊ​ലീ​സി​ന്‍റെ സ​ഹാ​യം തേ​ടി അ​വ​രെ​യും യു​വ​തി താ​മ​സി​ക്കു​ന്ന വീ​ട്ടി​ലെ​ത്തി​ച്ച്​ അ​വ​രെ സു​ര​ക്ഷി​ത​യാ​ക്കി ആ​ശു​പ​ത്രി​യി​ലെ​ത്തി​ച്ചു.

മാ​ന​സി​കാ​രോ​ഗ്യ വി​ദ​ഗ്​​ധ എ​ന്ന​നി​ല​യി​ൽ ഷൈ​നി സ​ന്തോ​ഷി​ന്‍റെ ദൈ​നം​ദി​ന പ്ര​വൃ​ത്തി​ക​ളി​ൽ ഒ​ന്നു മാ​ത്ര​മാ​യി​രു​ന്നു ഇ​ത്. ജോ​ലി​സ​മ്മ​ർ​ദ​ങ്ങ​ളും കു​ടും​ബ​ത്തി​ൽ നി​ന്നു​ള്ള ഒ​റ്റ​പ്പെ​ട​ലു​മെ​ല്ലാം പ്ര​തി​സ​ന്ധി​തീ​ർ​ക്കു​ന്ന പ്ര​വാ​സ​ജീ​വി​ത​ത്തി​ൽ ഷൈ​നി സ​ന്തോ​ഷി​നെ​പോ​ലെ മാ​ന​സി​കാ​രോ​ഗ്യ വി​ദ​ഗ്​​ധ​രു​ടെ ഇ​ട​പെ​ട​ലു​ക​ൾ​ക്ക്​ ഏ​റെ പ്ര​സ​ക്​​തി​യു​ണ്ട്. കൊ​ല്ലം കൊ​ട്ടി​യം സ്വ​ദേ​ശി​യാ​യ ഇ​വ​ർ 2013ലാ​ണ്​ ഖ​ത്ത​റി​ലെ​ത്തു​ന്ന​ത്. ഹ​മ​ദ്​ മെ​ഡി​ക്ക​ൽ കോ​ർ​പ​റേ​ഷ​ന്‍റെ മെ​ന്‍റ​ൽ ഹെ​ൽ​ത്ത്​ സ​ർ​വി​സി​നു കീ​ഴി​ൽ ആ​ക്ടി​ങ്​ ഡ​യ​റ​ക്ട​ർ ഓ​ഫ്​ ന​ഴ്​​സി​ങ്​ എ​ജു​ക്കേ​ഷ​ൻ പ​ദ​വി​യി​ൽ ജോ​ലി​ചെ​യ്യു​ന്നു.

'ശാ​രീ​രി​ക ആ​രോ​ഗ്യം​പോ​ലെ​ത​ന്നെ വി​ല​പ്പെ​ട്ട​താ​ണ്​ മാ​ന​സി​ക ആ​രോ​ഗ്യ​വു​മെ​ന്ന്​' സ​ന്ദേ​ശ​മാ​ണ്​ ഇ​വ​ർ മു​ന്നോ​ട്ടു​വെ​ക്കു​ന്ന​ത്. മ​രു​ന്നും ചി​കി​ത്സ​യു​മാ​യി രോ​ഗം ഭേ​ദ​മാ​ക്കു​ന്ന​തു​പോ​ലെ ത​ന്നെ മാ​ന​സി​ക ആ​രോ​ഗ്യം നി​ല​നി​ർ​ത്താ​നും വ്യ​ക്​​തി​ക​ൾ ശ്ര​ദ്ധി​ക്കു​ന്ന​തി​ലൂ​ടെ​യാ​ണ്​ ന​ല്ല ആ​രോ​ഗ്യ​വും കു​ടും​ബാ​ന്ത​രീ​ക്ഷ​വും നി​ല​നി​ർ​ത്താ​നാ​വൂ എ​ന്ന്​ ഇ​വ​ർ അ​നു​ഭ​വ​ങ്ങ​ളി​ലൂ​ടെ പ​ങ്കു​വെ​ക്കു​ന്നു.

കോ​വി​ഡ്​ കാ​ല​ത്താ​യി​രു​ന്നു ഇ​വ​രു​ടെ സേ​വ​ന​ങ്ങ​ൾ​ക്ക്​ ലോ​കം വ​ലി​യ മൂ​ല്യം ന​ൽ​കി​യ​ത്. രോ​ഗ​പീ​ഡ​യേ​ക്കാ​ൾ സ​മൂ​ഹം ഒ​റ്റ​പ്പെ​ട്ട​കാ​ല​ത്ത്​ രോ​ഗി​ക​ൾ​ക്കും ബ​ന്ധു​ക്ക​ൾ​ക്കും കു​ട്ടി​ക​ൾ​ക്കും പ്ര​ഫ​ഷ​ന​ലു​ക​ൾ​ക്കു​മെ​ല്ലാം കൗ​ൺ​സ​ലി​ങ്ങും ആ​ശ​യ​വി​നി​മ​യ​ങ്ങ​ളു​മാ​യി മാ​ന​സി​ക ക​രു​ത്ത്​ ന​ൽ​കി സ​മൂ​ഹ​ത്തി​ന്​ കാ​വ​ലാ​യി. ന​ഴ്​​സി​ങ്​ അ​സി​സ്റ്റ​ന്‍റാ​യി ജോ​ലി​ചെ​യ്യു​ന്ന സ​ന്തോ​ഷ്​ കു​മാ​റാ​ണ്​ ഭ​ർ​ത്താ​വ്. വൈ​ഗ എ​സ്.​ സ​ന്തോ​ഷ്, സൂ​ര്യ എ​സ്. സ​ന്തോ​ഷ്​ എ​ന്നി​വ​ർ മ​ക്ക​ളാ​ണ്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:healthcare
News Summary - They care about health
Next Story