തെർമൽ സ്​ക്രീനിങ്​ ചിലയിടങ്ങളിൽ മാത്രം

ദോഹ: രാജ്യത്തെ കോവിഡ്​ നിയന്ത്രണങ്ങളിലെ ഇളവുകൾ തുടർന്ന്​ ആരോഗ്യ മന്ത്രാലയം. രോഗ​ ലക്ഷണങ്ങൾ തിരിച്ചറിയുന്നതിന്​ ഏർപ്പെടുത്തിയ ശരീരതാപം അളക്കുന്ന തെർമൽ സ്​ക്രീനിങ്​ സംവിധാനം ഇനി വ്യാപകമായി ഉപയോഗിക്കേണ്ടെന്ന്​ അറിയിപ്പ്​. പൊതുസ്​ഥലങ്ങളിൽ മെട്രോ സ്​റ്റേഷനുകൾ, വിമാനത്താവളം, സീപോർട്ട്​, രാജ്യാതിർത്തി എന്നിവിടങ്ങളിൽ മാത്രമായിരിക്കും ഇനി തെർമൽ സ്​ക്രീനിങ്​ നിർബന്ധം. ഇതോടെ, ഷോപ്പിങ്​ മാളുകൾ, പള്ളികൾ തുടങ്ങിയ കേന്ദ്രങ്ങളിലേക്ക്​ ആളുകളെ പ്രവേശിപ്പിക്കു​േമ്പാൾ ശരീര താപം അ​ളക്കണമെന്ന നിബന്ധന ഒഴിവാകും. തെർമൽ സ്​ക്രീനിങ്​ ചിലയിടങ്ങളിൽ മാത്രംരാജ്യത്ത് കോവിഡ് നിയന്ത്രണങ്ങള്‍ നീക്കൽ നാലാം ഘട്ടത്തി​െൻറ ഭാഗമായാണ്​ പുതിയ ഇളവ്​. പ്രതിദിന കോവിഡ്​ കേസുകൾ കുറയുന്നതും ആക്​ടിവ്​ രോഗികളുടെ എണ്ണം 900ത്തിനും താഴെയെത്തിയതുമെല്ലാം കൂടുതൽ ഇളവുകൾ നൽകാൻ അധികൃതർക്ക്​ പ്രേരണയായി. പൊതു സ്ഥലങ്ങളില്‍ ഇഹ്തിറാസ് ആപ്പില്‍ ഗ്രീന്‍ സ്​റ്റാറ്റസ് വേണമെന്ന നിബന്ധന തുടരുമെന്ന്​ മന്ത്രാലയം വ്യക്തമാക്കി.

ഒക്​ടോബർ മൂന്ന്​ മുതലാണ്​ കോവിഡ്​ നിയന്ത്രണ ലഘൂകരണത്തി​െൻറ നാലാം ഘട്ടം പ്രാബല്യത്തിൽ വന്നു തുടങ്ങിയത്​്. പൊതുസ്​ഥലങ്ങളിൽ നിയന്ത്രണങ്ങളോടെ മാസ്​ക്​ ഒഴിവാക്കാൻ അനുവാദം നൽകുകയും സ്​കൂളുകളിലും ഓഫിസുകളിലും മുഴുവൻ വിദ്യാർഥികൾക്ക്​ പ്രവേശനവും നൽകിയും രാജ്യം സാധാരണ ഗതിയിൽ തിരികെയെത്തുകയാണ്​. പള്ളികളിലെ അഞ്ചുനേര നമസ്​കാരങ്ങളിൽ സാമൂഹിക അകലം ഒഴിവാക്കാനുള്ള തീരുമാനവും നടപ്പായിക്കഴിഞ്ഞു.