അൽ മഹാ ദ്വീപിൽ അതിഥികൾക്കിനി കാർ പ്രവേശന ഫീസില്ല

ദോ​ഹ: ലു​സൈ​ൽ വി​ന്റ​ർ വ​ണ്ട​ർ​ലാ​ൻ​ഡി​ലെ​യും അ​ൽ മ​ഹാ ദ്വീ​പി​ലെ റ​സ്റ്റാ​റ​ന്റു​ക​ളി​ലെ​യും അ​തി​ഥി​ക​ൾ​ക്കു​ള്ള കാ​ർ പ്ര​വേ​ശ​ന ഫീ​സ് ഒ​ഴി​വാ​ക്കി. അ​ൽ മ​ഹാ ദ്വീ​പി​ന്റെ ഔ​ദ്യോ​ഗി​ക സോ​ഷ്യ​ൽ മീ​ഡി​യ പ്ലാ​റ്റ്‌​ഫോ​മി​ലാ​ണ് ഇ​തു​സം​ബ​ന്ധി​ച്ച അ​റി​യി​പ്പ് പ്ര​സി​ദ്ധീ​ക​രി​ച്ച​ത്. ‘ലു​സൈ​ൽ വി​ന്റ​ർ വ​ണ്ട​ർ​ലാ​ൻ​ഡി​ലെ​യും അ​ൽ മ​ഹാ ഐ​ല​ൻ​ഡ് റ​സ്റ്റാ​റ​ന്റു​ക​ളി​ലെ​യും അ​തി​ഥി​ക​ൾ​ക്ക് ഇ​നി എ​ല്ലാ സീ​സ​ണി​ലും കാ​ർ പ്ര​വേ​ശ​നം സൗ​ജ​ന്യ​മാ​ണ്’ -അ​ൽ മ​ഹാ ദ്വീ​പ് ഇ​ൻ​സ്റ്റ​ഗ്രാ​മി​ൽ കു​റി​ച്ചു. പ്ര​വേ​ശ​ന ഫീ​സ് അ​ട​ക്കു​ന്ന​ത് ഒ​ഴി​വാ​ക്കാ​ൻ റ​സ്റ്റാ​റ​ന്റു​ക​ളി​ലോ ലു​സൈ​ൽ വി​ന്റ​ർ വ​ണ്ട​ർ​ലാ​ൻ​ഡി​ലോ പാ​ർ​ക്കി​ങ് ടി​ക്ക​റ്റു​ക​ൾ സ്റ്റാ​മ്പ് ചെ​യ്യ​ണ​മെ​ന്നും കു​റി​പ്പി​ൽ സ​ന്ദ​ർ​ശ​ക​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്.

ലു​സൈ​ൽ മ​റീ​ന പ്രൊ​മെ​നേ​ഡി​ന് കു​റു​കെ സ്ഥി​തി​ചെ​യ്യു​ന്ന​തും ഒ​രു കോ​സ്‌​വേ​യി​ലൂ​ടെ മെ​യി​ൻ ലാ​ൻ​ഡു​മാ​യി ബ​ന്ധി​പ്പി​ച്ചി​രി​ക്കു​ന്ന​തു​മാ​യ രാ​ജ്യ​ത്തെ ഏ​റ്റ​വും പു​തി​യ വി​നോ​ദ-​വി​ശ്ര​മ സ്ഥ​ല​മാ​ണ് അ​ൽ മ​ഹാ ദ്വീ​പ്. ക​ഴി​ഞ്ഞ വ​ർ​ഷ​മാ​ണ് ഇ​ത് ഉ​ദ്ഘാ​ട​നം ചെ​യ്ത​ത്. 100,000 ച​തു​ര​ശ്ര മീ​റ്റ​ർ അ​ത്യാ​ധു​നി​ക തീം ​പാ​ർ​ക്ക്, ലു​സൈ​ൽ വി​ന്റ​ർ വ​ണ്ട​ർ​ലാ​ൻ​ഡ്, ന​മ്മോ​സ് ബീ​ച്ച് ക്ല​ബ്, ഹൈ-​എ​ൻ​ഡ് ഡൈ​നി​ങ് സ്പോ​ട്ടു​ക​ൾ തു​ട​ങ്ങി ആ​ളു​ക​ളെ ആ​ക​ർ​ഷി​ക്കു​ന്ന പ​ല​തും ഇ​വി​ടെ​യു​ണ്ട്.