സഹലിയയിൽ  തീപിടുത്തം നിയന്ത്രണ വിധേയമാക്കി

ദോഹ: സഹലിയയിൽ കഴിഞ്ഞ ദിവസമുണ്ടായ തീപിടുത്തത്തിൽ  കടകളും താമസ കേന്ദ്രങ്ങളും കത്തി നശിച്ചതായും എന്നാൽ സംഭവത്തിൽ ആർക്കും പരിക്കേറ്റിട്ടില്ലെന്ന് ഖത്തർ ട്രിബ്യൂൺ റിപ്പോർട്ട് ചെയ്തു.

രാവിലെ 11 മണിക്ക് ആരംഭിച്ച തീപിടുത്തം മൂന്ന് മണിക്കൂർ നീണ്ടു നിന്നതായി ദൃക്സാക്ഷികൾ പറഞ്ഞു. 
ഒരു ഗാരേജിൽ ആദ്യം പടർന്ന തീ പിന്നീട് അടുത്തുള്ള താമസ കേന്ദ്രത്തിലേക്ക് പടർന്ന് പിടിക്കുകയായിരുന്നു. സംഭവം നടന്നയുടനെ തന്നെ പൊലീസും  സിവിൽ ഡിഫൻസ്​ ഉദ്യോഗസ്​ഥരും എത്തി സ്​ഥലത്തെ തീ നിയന്ത്രണ വിധേയമാക്കി.