Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightQatarchevron_rightകാൽപന്തി​െൻറ...

കാൽപന്തി​െൻറ വിശ്വപോര്​ രണ്ട്​ കൊല്ലം അരികെ

text_fields
bookmark_border
കാൽപന്തി​െൻറ വിശ്വപോര്​ രണ്ട്​ കൊല്ലം അരികെ
cancel

ദോഹ: ലോകം ഖത്തറിലേക്ക്​ ചുരുങ്ങുന്ന കാൽപന്തി​െൻറ വിശ്വപോരിന്​ ഇനി കൃത്യം രണ്ടുവർഷം മാത്രം. 2022 നവംബർ 21ന്​ ദോഹ സമയം ഉച്ചക്ക്​ ഒന്നിന്​ അൽബെയ്​ത്​ സ്​റ്റേഡിയത്തിൽ ഫിഫ ലോകകപ്പിന്​ ആദ്യവിസിൽ മുഴങ്ങും. കണ്ണും കാതും കൂർപ്പിച്ചുള്ള കാത്തിരിപ്പാണ് ഇനിയുള്ള രണ്ടുവർഷം. കോവിഡ്​ തീർത്ത പ്രതിസന്ധികൾക്കിടയിലും ഒരുക്കം തടസ്സമില്ലാതെ നീങ്ങുന്നു. ആകെ എട്ട്​ സ്​റ്റേഡിയങ്ങൾ. ഖലീഫ, അൽ ജനൂബ്, എജുക്കേഷൻ സിറ്റി സ്​റ്റേഡിയങ്ങൾ ഉദ്​ഘാടനം ചെയ്​തുകഴിഞ്ഞു. അൽ ​െബയ്ത്, റയ്യാൻ സ്​റ്റേഡിയങ്ങൾ ഉടൻ തുറക്കും.

60,000 പേർക്കിരിക്കാവുന്ന അൽബെയ്​ത്​ സ്​റ്റേഡിയത്തിെൻറ വിസ്​മയക്കാഴ്​ചകളിലേക്ക്​ കൂടിയാണ്​ ഉദ്​ഘാടനമത്സരം മിഴിതുറക്കുക​. ലോകത്തിലെ ഏറ്റവും വലിയ ടെൻറിെൻറ മാതൃകയിലാണ്​ സ്​റ്റേഡിയം. നിർമാണപ്രവൃത്തികൾ അവസാനഘട്ടത്തിൽ.

ഉച്ച തിരിഞ്ഞ് 1.00, 4.00 വൈകീട്ട് 7.00, രാത്രി 10.00 എന്നിങ്ങനെയാണ് ഗ്രൂപ്പ്​ മത്സരങ്ങളുടെ കിക്കോഫ്​ സമയം. ടീമുകൾക്ക്​ വിശ്രമിക്കാൻ ആവശ്യമായ സമയം കിട്ടുന്ന തരത്തിൽ 12 ദിവസമായാണ്​ ഗ്രൂപ്പ്​ ഘട്ടം. ദിവസം നാല്​ മത്സരങ്ങൾ. നോക്കൗട്ട് റൗണ്ട് മത്സരങ്ങൾ വൈകീട്ട് 6.00നും 10.00നും നടക്കും. മൂന്നാം സ്​ഥാനക്കാരെ കണ്ടെത്തുന്നതിനായുള്ള പ്ലേ ഓഫ് മത്സരത്തിന് ഖലീഫ രാജ്യാന്തര സ്​റ്റേഡിയം ഡിസംബർ 17ന്​ വേദിയാകും. ഖത്തർ ദേശീയദിനമായ ഡിസംബർ 18ന് വൈകീട്ട് ആറിന് ലുസൈൽ സ്​റ്റേഡിയത്തിലാണ്​ ഫൈനൽ പോരാട്ടം. 80,000 കാണികൾക്കിരിക്കാൻ ശേഷിയുള്ളതാണ്​ ഈ സ്​റ്റേഡിയം. ഇന്ത്യക്കാർക്ക്​ ഏറെ അനുയോജ്യമായ സമയത്താണ്​ മത്സരങ്ങൾ എന്നതിനാൽ ടെലിവിഷനിൽ ഏറ്റവും കൂടുതൽ ഇന്ത്യക്കാർ കാണുന്ന ലോകകപ്പായിരിക്കും ഇത്​. മലയാളികളടക്കമുള്ള റെക്കോഡ്​ ഇന്ത്യക്കാർ നേരിട്ടും കളി കാണാൻ എത്തും.

എല്ലാ ലോകകപ്പ്​ സ്​​റ്റേഡിയങ്ങളും അടുത്തടുത്തായാണുള്ളത്​. അതിനാൽ റോഡുമാർഗവും ദോഹ മെട്രോ വഴിയും സ്​റ്റേഡിയങ്ങളിലേക്ക്​ എളുപ്പത്തിലെത്താം.ലോകകപ്പ് ഫൈനൽ റൗണ്ടിലേക്കുള്ള യോഗ്യതാ റൗണ്ട് അവസാനിക്കുന്ന 2022 മാർച്ച് അവസാനത്തോടെ പങ്കെടുക്കുന്ന ടീമുകളുടെ അവസാന ചിത്രം തെളിയും. മാർച്ചിന് ശേഷമായിരിക്കും ടീമുകളുടെ ഗ്രൂപ്പ് നറുക്കെടുപ്പ്.ലോകകപ്പ് ടിക്കറ്റുകൾ FIFA.com/tickets എന്ന വെബ്സൈറ്റ് വഴി മാത്രമായിരിക്കും വിൽപന നടത്തുക. മത്സരങ്ങളുടെ സമയം, ടിക്കറ്റ് നിരക്ക് തുടങ്ങിയ വിവരങ്ങൾ പിന്നീട് പുറത്തുവിടും.

Show Full Article
TAGS:FIFA WORLD CUP 
Next Story