വൈറസ്​ നിലവിലുണ്ട്​, ജാഗ്രത പാലിക്കണം

ദോഹ: ഇന്നുമുതൽ കോവിഡ്​ നിയന്ത്രണങ്ങൾ നീക്കിത്തുടങ്ങും. എന്നാൽ കൊറോണ വൈറസിൻെറ സാന്നിധ്യം രാജ്യത്ത്​ നിലനിൽക്കുകയാണ്​. ഇതിനാൽ ജാഗ്രതയിൽ വീഴ്​ച വരുത്തരുതെന്ന്​ അധികൃതർ മുന്നറിയിപ്പ്​ നൽകുന്നു. സാമൂഹിക അകലം പാലിക്കൽ, കൈകൾ സോപ്പിട്ടുകഴകൽ, മാസ്​ക്​ ധരിക്കൽ പോലുള്ള പ്രതിരോധ മാർഗങ്ങൾ കൃത്യമായി പാലിക്കണം. എല്ലാ പള്ളികളിലും അഞ്ചുനേരത്തേ നമസ്​കാരത്തിനും പത്തുമിനിറ്റ്​​ മു​േമ്പ എത്താമെന്ന്​ ഔഖാഫ്​ ഇസ്​ലാമിക മതകാര്യമന്ത്രാലയം നേരത്തേ അറിയിച്ചിട്ടുണ്ട്​. ബാങ്ക്​ വിളിക്കും ഇഖാമത്തിനും ഇടയിൽ പത്ത്​ മിനിറ്റ്​​ സമയം ഉണ്ടാകും. നേരത്തേ ഇത്​ അഞ്ചുമിനിറ്റായിരുന്നു. ജുമുഅ നമസ്​കാരത്തിന്​ രണ്ടാം ബാങ്ക്​ വിളിക്കുന്നതിന്​ 20 മിനിറ്റു​ മു​േമ്പയും പള്ളികളിൽ എത്താം. പള്ളികളിൽ തുടർന്നും 12 വയസ്സിനു​ താഴെയുള്ളവർക്ക്​ പ്രവേശനം ഉണ്ടാകില്ല. ടോയ്​ലറ്റുകളും അംഗശുദ്ധി വരുത്തുന്ന സ്​ഥലങ്ങളും അടച്ചിടും. സ്​ത്രീകളുടെ നമസ്​കാര ഇടങ്ങളും അടഞ്ഞുത​െന്ന കിടക്കും. രോഗികൾ കുറഞ്ഞുവരുന്നതിനാൽ മേയ്​ 28 മുതൽ വെള്ളിയാഴ്​ച കോവിഡ്​ നിയന്ത്രണങ്ങൾ നീക്കിത്തുടങ്ങുകയാണ്​. ദോഹ മെട്രോ, കർവ ബസുകൾ എന്നിവ ഇന്നുമുതൽ വെള്ളി, ശനി അടക്കം എല്ലാ ദിവസങ്ങളിലും 30 ശതമാനം ശേഷിയിൽ പ്രവർത്തിക്കും.

കോവിഡ്​: പുതിയ രോഗികൾ 286

ദോഹ: രാജ്യത്ത്​ ഇന്നലെ പുതിയ കോവിഡ്​ രോഗികൾ 286 മാത്രം. ഇന്നലെ മരണമില്ല. ആഴ്​ചകൾക്കു​ ശേഷം​ ആദ്യമായാണ്​ മരണമില്ലാത്ത ദിനം വന്നത്​. നിലവിൽ ആകെ 552 പേരാണ്​ മരിച്ചിരിക്കുന്നത്​. ഇന്നലെ രോഗം സ്​ഥിരീകരിച്ചവരിൽ 171 പേർ സമ്പർക്കം മൂലം രോഗം ബാധിച്ചവരാണ്​. 115 പേർ വിദേശത്തു​നിന്ന്​ തിരിച്ചെത്തിയവരുമാണ്​. 152 പേർക്ക്​ ഇന്നലെ രോഗമുക്​തിയുണ്ടായി. നിലവിലുള്ള ആകെ രോഗികൾ 4083 ആണ്​. ഇന്നലെ 14776 പേർക്കാണ്​ പരിശോധന നടത്തിയത്​. ആകെ 2009716 പേരെ പരിശോധിച്ചപ്പോൾ 216683 പേർ​ക്കാണ്​ ഇതുവരെ വൈറസ്​ബാധയുണ്ടായത്​. മരിച്ചവരും രോഗം​ ഭേദമായവരും ഉൾ​െപ്പടെയാണിത്​. ഇതുവരെ ആകെ 212048 പേർക്കാണ്​ രോഗമുക്​തിയുണ്ടായത്​. 236 പേരാണ്​ ആശുപത്രികളിൽ ചികിത്സയിലുള്ളത്​. 147 പേർ തീവ്രപരിചരണവിഭാഗത്തിലാണ്​.