അ​വ​ധി​ക്കാ​ലം ക​ഴി​ഞ്ഞു; ഇ​നി തി​ര​ക്കി​ലേ​ക്ക്

ദോ​ഹ: പെ​രു​ന്നാ​ളും അ​വ​ധി​യും ആ​ഘോ​ഷ​ങ്ങ​ളും ക​ഴി​ഞ്ഞ് ഖ​ത്ത​റി​ലെ പ്ര​വാ​സി​ക​ളും സ്വ​ദേ​ശി​ക​ളും ​വീ​ണ്ടും സാ​ധാ​ര​ണ നി​ല​യി​ലേ​ക്ക്. ക​ഴി​ഞ്ഞ​യാ​ഴ്ച ആ​രം​ഭി​ച്ച ഈ​ദ് അ​വ​ധി ദി​ന​ങ്ങ​ൾ​ക്ക് ​തി​ങ്ക​ളാ​ഴ്ച​യോ​ടെ സ​മാ​പ​ന​മാ​വും. ബാ​ങ്കു​ക​ൾ ഉ​ൾ​പ്പെ​ടെ ധ​ന​കാ​ര്യ സ്ഥാ​പ​ന​ങ്ങ​ൾ ഞാ​യ​റാ​ഴ്ച ത​ന്നെ പ്ര​വ​ർ​ത്ത​നം ആ​രം​ഭി​ച്ചി​രു​ന്നു. സ​ർ​ക്കാ​ർ ഓ​ഫി​സു​ക​ളും മ​ന്ത്രാ​ല​യ​ങ്ങ​ളും ഉ​ൾ​പ്പെ​ടെ പൊ​തു​മേ​ഖ​ല സ്ഥാ​പ​ന​ങ്ങ​ളി​ലെ അ​വ​ധി തി​ങ്ക​ളാ​ഴ്ച അ​വ​സാ​നി​ക്കും. ചൊ​വ്വാ​ഴ്ച മു​ത​ൽ ഓ​ഫി​സു​ക​ൾ വീ​ണ്ടും സ​ജീ​വ​മാ​കും.

ബ​ലി​പെ​രു​ന്നാ​ളി​ന്റെ മൂ​ന്നു ദി​വ​സ​ത്തെ​യും വാ​രാ​ന്ത്യ​വും ഉ​ള്‍പ്പെ​ടെ അ​ഞ്ചു ദി​വ​സ​ത്തെ അ​വ​ധി ക​ഴി​ഞ്ഞാ​ണ് ധ​ന​കാ​ര്യ സ്ഥാ​പ​ന​ങ്ങ​ൾ ഞാ​യ​റാ​ഴ്ച മു​ത​ൽ പ്ര​വ​ർ​ത്ത​നം പു​ന​രാ​രം​ഭി​ച്ച​ത്. ജൂ​ൺ 27 മു​ത​ലാ​യി​രു​ന്നു എ​ല്ലാ​യി​ട​ത്തും അ​വ​ധി തു​ട​ങ്ങി​യ​ത്. സ​ര്‍ക്കാ​ര്‍ സ്ഥാ​പ​ന​ങ്ങ​ൾ​ക്ക് ഒ​രാ​ഴ്ച​യാ​യി​രു​ന്നു പെ​രു​ന്നാ​ൾ അ​വ​ധി ന​ൽ​കി​യ​ത്. സ്വ​കാ​ര്യ മേ​ഖ​ല​ക്ക് പെ​രു​ന്നാ​ൾ ദി​നം ഉ​ൾ​പ്പെ​ടെ മൂ​ന്നു ദി​വ​സ​മാ​യി​രു​ന്നു അ​വ​ധി.

അ​തേ​സ​മ​യം, വേ​ന​ല​വ​ധി ആ​രം​ഭി​ച്ച​തി​നാ​ൽ സ്കൂ​ളു​ക​ൾ​ക്ക് ആ​ഗ​സ്റ്റ് അ​വ​സാ​നം വ​രെ മു​ട​ക്ക​മാ​ണ്. കു​ടും​ബ​ങ്ങ​ൾ ഉ​ൾ​പ്പെ​ടെ നി​ര​വ​ധി പേ​രാ​ണ് പെ​രു​ന്നാ​ളും വേ​ന​ല​വ​ധി​യും എ​ടു​ത്ത് നാ​ട്ടി​ലേ​ക്ക് മ​ട​ങ്ങി​യ​ത്. പെ​രു​ന്നാ​ളി​ന്റെ ഹ്ര​സ്വ​ അ​വ​ധി​ക്കാ​യി നാ​ട്ടി​ലെ​ത്തി​യ​വ​ർ ഇ​ന്നും നാ​ളെ​യു​മാ​യി തി​രി​ച്ചെ​ത്തി ജോ​ലി​യി​ൽ പ്ര​വേ​ശി​ക്കും. ആ​രോ​ഗ്യ മേ​ഖ​ല​യി​ൽ സ്‍പെ​ഷാ​ലി​റ്റി​യും ചി​ല ഹെ​ൽ​ത്ത് സെ​ന്റ​റു​ക​ളും അ​വ​ധി​യാ​യി​രു​ന്നു. എ​ന്നാ​ൽ, ഈ​ദ് അ​വ​ധി​യി​ലും ഹ​മ​ദ് മെ​ഡി​ക്ക​ല്‍ കോ​ര്‍പ​റേ​ഷ​ൻ ആ​ശു​പ​ത്രി​ക​ളി​ലെ അ​ടി​യ​ന്ത​ര വി​ഭാ​ഗ​ങ്ങ​ളും പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​നു കീ​ഴി​ലെ 20 ഹെ​ല്‍ത്ത് സെ​ന്റ​റു​ക​ളും സ​ജീ​വ​മാ​യി പ്ര​വ​ർ​ത്തി​ച്ചു. പെ​രു​ന്നാ​ളി​ന്റെ മൂ​ന്നാം ദി​നം 2045 കേ​സു​ക​ളാ​ണ് ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ന്റെ എ​മ​ർ​ജ​ൻ​സി വി​ഭാ​ഗ​ത്തി​ൽ എ​ത്തി​യ​ത്. ആ​ദ്യ ദി​നം 1577ഉം ​ര​ണ്ടാം ദി​നം 1940ഉം ​കേ​സു​ക​ൾ എ​ത്തി​യി​രു​ന്നു. ഹ​മ​ദ് ജ​ന​റ​ൽ ആ​ശു​പ​ത്രി​യി​ൽ 499 കേ​സു​ക​ളും കു​ട്ടി​ക​ളു​ടെ എ​മ​ർ​ജ​ൻ​സി​യി​ൽ 1336 കേ​സു​ക​ളും എ​ത്തി​യ​താ​യി ആ​രോ​ഗ്യ വി​ദ​ഗ്ധ​രെ ഉ​ദ്ധ​രി​ച്ച് റി​പ്പോ​ർ​ട്ട് ചെ​യ്തു.

ആ​ഘോ​ഷ​ങ്ങ​ൾ​ക്ക് കൊ​ടി​യി​റ​ക്കം

പെ​രു​ന്നാ​ൾ ദി​ന​മാ​യ ബു​ധ​നാ​ഴ്ച തു​ട​ങ്ങി​യ ആ​ഘോ​ഷ​ങ്ങ​ൾ​ക്ക് ക​ഴി​ഞ്ഞ ദി​വ​സ​ത്തോ​ടെ ത​ന്നെ സ​മാ​പ​ന​മാ​യി. ലു​സൈ​ൽ ബൊ​ളെ​വാ​ഡി​ൽ ആ​ദ്യ ര​ണ്ടു ദി​ന​ങ്ങ​ളി​ലാ​യി​രു​ന്നു ഈ​ദ് ആ​ഘോ​ഷ​ങ്ങ​ൾ. ക​താ​റ ക​ൾ​ച​റ​ൽ വി​ല്ലേ​ജി​ൽ വാ​രാ​ന്ത്യം ഉ​ൾ​പ്പെ​ടെ ശ​നി​യാ​ഴ്ച വ​രെ സ​ജീ​വ​മാ​യി​രു​ന്നു. ദോ​ഹ തു​റ​മു​ഖം, അ​ൽ ഷ​ഖ​ബ്, പേ​ൾ ഖ​ത്ത​ർ, വി​വി​ധ മാ​ളു​ക​ൾ എ​ന്നി​വ​ട​ങ്ങ​ളി​ലെ ഈ​ദ് പ​രി​പാ​ടി​ക​ളും അ​വ​സാ​നി​ച്ചു. പ​തി​വ് വി​നോ​ദ കേ​ന്ദ്ര​ങ്ങ​ൾ​ക്കു പു​റ​മെ ഇ​ത്ത​വ​ണ ഈ​ദ് അ​വ​ധി​നാ​ളി​ൽ സ​ന്ദ​ർ​ശ​ക​രെ ഏ​റെ ആ​ക​ർ​ഷി​ച്ച​ത് ഓ​ൾ​ഡ് ദോ​ഹ തു​റ​മു​ഖ​മാ​യി​രു​ന്നു. റി​ബ​ൺ റോ​ളേ​ഴ്സ്, ഹോ​ട് എ​യ​ർ ബ​ലൂ​ൺ​സ്, ഐ​സ് ക്രീം ​ഷോ, ക​ള​ർ​ഫു​ൾ ഡ്ര​മ്മേ​ഴ്സ് തു​ട​ങ്ങി വി​വി​ധ പ​രി​പാ​ടി​ക​ളാ​ൽ മി​ന തു​റ​മു​ഖ കേ​ന്ദ്രം സ​ജീ​വ​മാ​യി. പാ​ർ​ക്കും ക​ട​ൽ​ത്തീ​ര​വും സൂ​ഖും ഉ​ൾ​പ്പെ​ടു​ന്ന മേ​ഖ​ല​യി​ലേ​ക്ക് അ​വ​ധി​ദി​വ​സ​ങ്ങ​ളി​ൽ രാ​ത്രി വൈ​കി​യും സ​ന്ദ​ർ​ശ​ക​ർ എ​ത്തി​ക്കൊ​ണ്ടി​രു​ന്നു. സ്വ​ദേ​ശി​ക​ളും പ്ര​വാ​സി​ക​ളും വി​ദേ​ശ സ​ന്ദ​ർ​ശ​ക​രു​മെ​ല്ലാ​മാ​യി പെ​രു​ന്നാ​ൾ കൂ​ടാ​നെ​ത്തി​യ​വ​രാ​യി​രു​ന്നു ക​ഴി​ഞ്ഞ ദി​ന​ങ്ങ​ളി​ൽ ഏ​റെ​യും. ദോ​ഹ കോ​ർ​ണി​ഷി​ൽ ക​ട​ൽ വി​നോ​ദ​ങ്ങ​ളാ​ലാ​ണ് സ​ജീ​വ​മാ​യ​ത്. ബോ​ട്ടി​ങ്, മീ​ൻ​പി​ടി​ത്തം, സ​യാ​ഹ്ന ന​ട​ത്തം ഉ​ൾ​പ്പെ​ടെ ആ​ഘോ​ഷ​ങ്ങ​ൾ​ക്ക് വ​ഴി​തേ​ടി​യെ​ത്തി​യ​വ​രാ​ൽ വാ​രാ​ന്ത്യം ഇ​വി​ടെ​യും നി​റ​ഞ്ഞു.

ക​ട​ലി​ല്‍ നീ​ന്താ​നും ജ​ല സ്‌​കൂ​ട്ട​റു​ക​ളി​ല്‍ സ​വാ​രി ന​ട​ത്താ​നു​മാ​ണ് നി​ര​വ​ധി പേ​ര്‍ ബീ​ച്ചു​ക​ളി​ലെ​ത്തി​യ​ത്. സൗ​ദി, യു.​എ.​ഇ, കു​വൈ​ത്ത്, ഒ​മാ​ന്‍, ബ​ഹ്‌​റൈ​ന്‍ എ​ന്നി​വി​ട​ങ്ങ​ളി​ല്‍നി​ന്ന് ഖ​ത്ത​റി​ലെ ഈ​ദ് ആ​ഘോ​ഷ​ത്തി​ല്‍ പ​ങ്കെ​ടു​ക്കാ​ന്‍ നി​ര​വ​ധി കു​ടും​ബ​ങ്ങ​ളാ​ണ് ഇ​ത്ത​വ​ണ എ​ത്തി​യ​ത്.