ഏ​ഷ്യ​ൻ ക​പ്പ് നറുക്കെടുപ്പി​നൊരുങ്ങി ടീമുകൾ

ദോ​ഹ: അ​ടു​ത്ത​വ​ർ​ഷം ജ​നു​വ​രി​യി​ൽ ഖ​ത്ത​റി​ൽ കി​ക്കോ​ഫ് കു​റി​ക്കു​ന്ന ഏ​ഷ്യ​ൻ ക​പ്പ് ഫു​ട്ബാ​ളി​ന്റെ വേ​ദി​ക​ളും മ​ത്സ​ര തീ​യ​തി​യും തീ​രു​മാ​നി​ച്ച​തി​നു പി​ന്നാ​ലെ ടീം ​സീ​ഡി​ങ്ങും പ്ര​ഖ്യാ​പി​ച്ചു. മേ​യ് 11ന് ​ദോ​ഹ​യി​ൽ ന​ട​ക്കു​ന്ന ടീം ​ന​റു​ക്കെ​ടു​പ്പി​നു​ള്ള ടീ​മു​ക​ളു​ടെ സീ​ഡി​ങ്ങാ​ണ് ഏ​റ്റ​വും പു​തി​യ ഫി​ഫ റാ​ങ്കി​ങ്ങി​ന്റെ അ​ടി​സ്ഥാ​ന​ത്തി​ൽ തീ​രു​മാ​നി​ച്ച​ത്. ക​ഴി​ഞ്ഞ ദി​വ​സം പു​റ​ത്തു​വി​ട്ട ഫി​ഫ റാ​ങ്ക് അ​ടി​സ്ഥാ​ന​ത്തി​ലാ​വും യോ​ഗ്യ​ത നേ​ടി​യ 24 ടീ​മു​ക​ളെ​യും ന​റു​ക്കെ​ടു​പ്പി​ൽ ക്ര​മീ​ക​രി​ക്കു​ന്ന​ത്.

മേ​യ് 11ന് ​ക​താ​റ ഒ​പേ​റ ഹൗ​സി​ലാ​ണ് പോ​രാ​ട്ട​ചി​ത്രം വ്യ​ക്ത​മാ​ക്കു​ന്ന ന​റു​ക്കെ​ടു​പ്പ് അ​ര​ങ്ങേ​റു​ന്ന​ത്. 2024 ജ​നു​വ​രി 12നാ​ണ് വ​ൻ​ക​ര​യു​ടെ പോ​രാ​ട്ട​ത്തി​ന് ഖ​ത്ത​റി​ലെ വേ​ദി​ക​ളി​ൽ പ​ന്തു​രു​ളു​ന്ന​ത്. ഫെ​ബ്രു​വ​രി 10നാ​ണ് ഫൈ​ന​ൽ മ​ത്സ​രം. നാ​ല് പോ​ട്ടു​ക​ളി​ലാ​യി (പാ​ത്രം) ആ​റ് വീ​തം ടീ​മു​ക​ളാ​യി​രി​ക്കും വി​ന്യ​സി​ക്കു​ക. ഒാ​രോ പോ​ട്ടി​ൽ നി​ന്നും ന​റു​ക്കെ​ടു​പ്പി​ലൂ​ടെ തി​ര​ഞ്ഞെ​ടു​ക്കു​ന്ന നാ​ലു ടീ​മു​ക​ൾ വീ​ത​മാ​യി​രി​ക്കും ​ഓ​രോ ഗ്രൂ​പ്പി​ലും മ​ത്സ​രി​ക്കു​ന്ന​ത്. എ ​മു​ത​ൽ ‘എ​ഫ്’ വ​രെ ആ​റ് ഗ്രൂ​പ്പു​ക​ളി​ലാ​യാ​ണ് മ​ത്സ​രം ന​ട​ക്കു​ന്ന​ത്.

ആ​തി​ഥേ​യ​രും നി​ല​വി​ലെ ജേ​താ​ക്ക​ളു​മാ​യ ഖ​ത്ത​ർ പോ​ട്ട് ഒ​ന്നി​ലു​ണ്ടാ​കും. ഇ​വ​ർ​ക്കൊ​പ്പം, ഏ​ഷ്യ​ൻ റാ​ങ്കി​ങ്ങി​ൽ മു​ൻ​നി​ര​യി​ലു​ള്ള അ​ഞ്ചു​പേ​ർ കൂ​ടി ഇ​ടം നേ​ടും. നാ​ലു ത​വ​ണ ജേ​താ​ക്ക​ളാ​യ ജ​പ്പാ​ൻ, മൂ​ന്നു ത​വ​ണ ജേ​താ​ക്ക​ളാ​യ ഇ​റാ​ൻ, ര​ണ്ടു​ത​വ​ണ ജേ​താ​ക്ക​ളാ​യ കൊ​റി​യ, 2015 ജേ​താ​ക്ക​ളാ​യ ആ​സ്ട്രേ​ലി​യ എ​ന്നി​വ​ർ​ക്കൊ​പ്പം ക​ഴി​ഞ്ഞ ലോ​ക​ക​പ്പി​ലെ അ​ട്ടി​മ​റി സം​ഘ​വും മൂ​ന്നു ത​വ​ണ ഏ​ഷ്യ​ൻ ജേ​താ​ക്ക​ളു​മാ​യ സൗ​ദി​യും ഈ ​സം​ഘ​ത്തി​ലു​ണ്ടാ​വും. ഒ​രു പോ​ട്ടി​ലാ​യ​തി​നാ​ൽ, ഈ ​ടീ​മു​ക​ൾ ഗ്രൂ​പ് റൗ​ണ്ടി​ൽ പ​ര​സ്പ​രം ഏ​റ്റു​മു​ട്ട​ലി​ൽ ഉ​ണ്ടാ​വി​ല്ല. ഫി​ഫ റാ​ങ്കി​ങ്ങി​ൽ 101ാം സ്ഥാ​ന​ത്തു​ള്ള ഇ​ന്ത്യ പോ​ട്ട് നാ​ലി​ലാ​ണു​ള്ള​ത്.

മേ​യ് 11ന് ​ന​ട​ക്കു​ന്ന ന​റു​ക്കെ​ടു​പ്പ് ച​ട​ങ്ങി​ൽ ​ഏ​ഷ്യ​ൻ ഫു​ട്ബാ​ളി​ലെ സൂ​പ്പ​ർ താ​ര​ങ്ങ​ളും, യോ​ഗ്യ​ത നേ​ടി​യ 24 ടീ​മു​ക​ളു​ടെ​യും പ​രി​ശീ​ല​ക​രും ഉ​ൾ​പ്പെ​ടെ വ​ലി​യൊ​രു താ​ര​നി​ര ദോ​ഹ​യി​ലെ​ത്തും.

പോ​ട്ട് 1- (ടീ​മു​ക​ൾ, ഫി​ഫ റാ​ങ്കി​ങ് ക്ര​മ​ത്തി​ൽ)

ഖ​ത്ത​ർ (61), ജ​പ്പാ​ൻ, (20), ഇ​റാ​ൻ (24), ദ​ക്ഷി​ണ കൊ​റി​യ (27), ആ​സ്ട്രേ​ലി​യ (29), സൗ​ദി അ​റേ​ബ്യ (54).

പോ​ട്ട് 2

ഇ​റാ​ഖ് (67), യു.​എ.​ഇ (72), ഒ​മാ​ൻ (73), ഉ​സ്ബ​കി​സ്താ​ൻ (74), ചൈ​ന (81), ജോ​ർ​ഡ​ൻ (84).

പോ​ട്ട് 3

ബ​ഹ്റൈ​ൻ (85), സി​റി​യ (90), ഫ​ല​സ്തീ​ൻ (93), വി​യ​റ്റ്നാം (95), കി​ർ​ഗി​സ്താ​ൻ (96), ല​ബ​നാ​ൻ (99)

പോ​ട്ട് 4

ഇ​ന്ത്യ (101), ത​ജി​കി​സ്താ​ൻ (109), താ​യ്‍ല​ൻ​ഡ് (114), മ​ലേ​ഷ്യ (138), ഹോ​ങ്കോ​ങ് (147), ഇ​ന്തോ​നേ​ഷ്യ (149).