മെ​ട്രാ​ഷ്–2​ൽ ഇ​നി റെ​സി​ഡ​ൻ​സി പെ​ർ​മി​റ്റ്​ സ്വ​യം പു​തു​ക്കി ന​ൽ​കും

ദോഹ: ആഭ്യന്തര മന്ത്രാലയത്തി​െൻറ സ്​മാർട്ട് ഫോൺ ആപ്ലിക്കേഷനായ മെട്രാഷ് -2ൽ ഇനി റെസിഡൻസി പെർമിറ്റ്​ സ്വയം പുതുക്കി നൽകപ്പെടും.കമ്പനികൾക്കായി രൂപവത്​കരിച്ച സീറോ ക്ലിക്ക് സേവനമെന്ന സങ്കൽപത്തിലൂന്നിയാണ് പുതിയ ഇലക് േട്രാണിക് സേവനം ആരംഭിച്ചിരിക്കുന്നതെന്ന് കഴിഞ്ഞ ദിവസം നടന്ന ഒൺലൈൻ സെമിനാറിൽ ആഭ്യന്തര മന്ത്രാലയം അറിയിച്ചു.മെട്രാഷ് -2ൽ ഓട്ടോമാറ്റിക് റെസിഡൻസി റിന്യൂവൽ രജിസ്​റ്റർ ചെയ്യേണ്ട ആവശ്യമേ കമ്പനികൾക്ക് ഇതിലൂള്ളൂ. കമ്പനിക്ക് കീഴിലുള്ള തൊഴിലാളികളുടെ റെസിഡൻസി പെർമിറ്റ് കാലാവധി തീരുന്ന മുറക്ക് സ്വയം പുതുക്കപ്പെടുകയും മനുഷ്യസ്​ പർശമില്ലാതെ കമ്പനി ലൊക്കേഷനിൽ പുതുക്കിയ പെർമിറ്റുകൾ എത്തുകയും ചെയ്യുമെന്ന് മന്ത്രാലയം വ്യക്തമാക്കി. ആഭ്യന്തര മന്ത്രാലയത്തിലെ പബ്ലിക് റിലേഷൻസ്​ വകുപ്പും ഇൻഫർമേഷൻ സിസ്​റ്റംസ്​ ജനറൽ ഡയറക്ടറേറ്റും സംഘടിപ്പിച്ച ഒാൺലൈൻ സെമിനാറിൽ വിവിധ കമ്പനികളുടെയും സ്​ഥാപനങ്ങളുടെയും പ്രതിനിധികൾ പങ്കെടുത്തു.

വെബിനാറിൽ, പൗരന്മാർക്കും താമസക്കാർക്കും കമ്പനികൾക്കും മെട്രാഷ്–2​െൻറ ഉപയോഗങ്ങളും പ്രയോജനങ്ങളും ഇലക്േട്രാണിക് സർവിസ്​ വകുപ്പിലെ സ്​മാർട്ട് ഡിവൈസസ്​ സെക്​ഷൻ ഉദ്യോഗസ്​ഥനായ ഫസ്​റ്റ് ലെഫ്. മുഹമ്മദ് ഖാലിദ് അൽ തമീമി വിശദീകരിച്ചു നൽകി. രണ്ട് ദശലക്ഷത്തിലധികം ഉപഭോക്താക്കളാണ് മെട്രാഷ് –2 ആപ് ഉപയോഗിക്കുന്നതെന്നും 220ലധികം സേവനങ്ങൾ മെട്രാഷ്–2ലുണ്ടെന്നും അദ്ദേഹം ചൂണ്ടിക്കാട്ടി. അറബിക്​, ഇംഗ്ലീഷ്, മലയാളം, ഫ്രഞ്ച്, സ്​പാനിഷ്, ഉർദു എന്നിങ്ങനെ അഞ്ച് ഭാഷകളിൽ മെട്രാഷ്–2ൽ ലഭ്യമാണ്.

മെട്രാഷ് ഉപഭോക്താക്കളുടെ എണ്ണം 20 ലക്ഷം കവിഞ്ഞതായി ആഭ്യന്തര മന്ത്രാലയം നേരത്തേ വ്യക്തമാക്കിയിരുന്നു. ആപ്ലിക്കേഷൻ വഴി സേവനങ്ങൾ സംബന്ധിച്ച അന്വേഷണങ്ങൾ ഒമ്പത് ദശലക്ഷം കവിഞ്ഞിട്ടുണ്ട്. ഈ വർഷം മാത്രം 5.5 ദശലക്ഷം സേവനങ്ങളാണ് മെട്രാഷ് വഴി നൽകിയിരിക്കുന്നത്.വാഹനങ്ങളുടെ നമ്പർ പ്ലേറ്റ് മാറ്റിവെക്കൽ, ക്രിമിനൽ പരാതി രജിസ്​േട്രഷൻ, ട്രക്ക് പെർമിറ്റുകൾ തുടങ്ങിയവയാണ് പുതുതായി മെട്രാഷ്–2ലെ പുതിയ സേവനങ്ങളിൽ പ്രധാനപ്പെട്ടത്.

നിരവധി സേവനങ്ങളാണ് ഈയടുത്ത കാലത്തായി മെട്രാഷ് -2ലും മന്ത്രാലയം വെബ്സൈറ്റിലുമായി കൂട്ടിച്ചേർത്തിരിക്കുന്നതെന്നും ആഭ്യന്തര മന്ത്രാലയത്തിൽ നേരിട്ടെത്തുന്ന സന്ദർശകരുടെ എണ്ണം കുറക്കുകയാണ് ഇതുവഴി ഉദ്ദേശിക്കുന്നതെന്നും ആഭ്യന്തര വകുപ്പ് അധികൃതർ വ്യക്തമാക്കിയിരുന്നു.