പവർ പ്ലാൻറ് വിപുലീകരണ പദ്ധതി പ്രധാനമന്ത്രി ഉദ്ഘാടനം ചെയ്തു

ദോഹ: ഉം അൽ ഹൂൽ പവർ പ്ലാൻറ് വിപുലീകരണ പദ്ധതി പ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഖാലിദ് ബിൻ ഖലീഫ ബിൻ അബ്​ദുൽ അസീസ്​ ആൽഥാനി ഉദ്ഘാടനം ചെയ്തു. വക്റ നഗരത്തിൽ ഉം അൽ ഹൂൽ സാമ്പത്തിക മേഖലയിലാണ് പ്ലാൻറ് സ്​ഥിതി ചെയ്യുന്നത്.

ഉദ്ഘാടനത്തിന് ശേഷം പവർ പ്ലാൻറ് വികസന പദ്ധതിയുടെ പ്രധാന്യവും ജല സുരക്ഷ കൈവരിക്കുന്നതിൽ പവർ പ്ലാൻറ് വഹിക്കുന്ന പങ്കും സംബന്ധിച്ച് അധികൃതർ പ്രധാനമന്ത്രിക്ക് വിശദീകരണം നൽകി. ചടങ്ങിൽ മുതിർന്ന ഉദ്യോഗസ്​ഥർ പങ്കെടുത്തു.

കോവിഡ് നിയന്ത്രണങ്ങൾ നിലനിൽക്കുന്നതിൽ സുരക്ഷ മുൻകരുതലുകൾ പാലിച്ചാണ് ഉദ്ഘാടന ചടങ്ങുകൾ പൂർത്തിയാക്കിയത്. ക്കാണുന്നു