മെട്രോ യാത്രക്കാരുടെ എണ്ണം കൂടി

ദോഹ: കോർണിഷ്​ അടിച്ചിട്ട അഞ്ചു ദിനങ്ങളിൽ ദോഹ മെട്രോ വഴിയുള്ള യാത്രക്കാരുടെ എണ്ണത്തിൽ കാര്യമായ വർധന. ആഗസ്​റ്റ്​ ആറ്​ മുതൽ 10 വരെ പ്രധാന പാത അടയുകയും റോഡുകളിൽ ഗതാഗതക്കുരുക്ക്​ വർധിക്കുകയും ചെയ്​തപ്പോൾ 106,349 പേരാണ്​ ഈ അഞ്ചു ദിവസങ്ങളിൽ കോർണിഷ്​ ബാധിക്കുന്ന ഏഴ്​ സ്​റ്റേഷനുകൾക്കിടയിൽ ഓടിയത്​.

ദോഹ മെട്രോ അധികൃതരാണ്​ ഈ ദിവസങ്ങളിലെ യാത്രക്കാരുടെ എണ്ണം കൂടിയത്​ സംബന്ധിച്ച വിശദാംശങ്ങൾ പുറത്തുവിട്ടത്​. ബദൽ യാത്രാ മാർഗമെന്ന നിലയിൽ മെട്രോയെ തിരഞ്ഞെടുത്തവർക്ക്​ നന്ദിയർപ്പിച്ചു.