ലോ​ക​ത്തി​ലെ ഏ​റ്റ​വും വ​ലി​യ കാ​ലി​സ്തെ​നി​ക്സ് പാ​ർ​ക്ക്​ തു​റ​ന്നു

ദോ​ഹ: ദേ​ശീ​യ കാ​യി​ക ദി​ന​ത്തോ​ട​നു​ബ​ന്ധി​ച്ച് ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ​കാ​ര്യ സ​ഹ​മ​ന്ത്രി​യു​മാ​യ ഡോ. ​ഖാ​ലി​ദ് ബി​ന്‍ മു​ഹ​മ്മ​ദ് അ​ല്‍ അ​ത്വി​യ മെ​ക്ദാം ക്യാ​മ്പി​ലെ കാ​ലി​സ്​​തെ​നി​ക്സ് പാ​ര്‍ക്ക് ഉ​ദ്ഘാ​ട​നം ചെ​യ്തു. പ്ര​ത്യേ​ക ത​ര​ത്തി​ലു​ള്ള പ​രി​ശീ​ല​ന പാ​ർ​ക്കാ​ണി​ത്. ഇ​ത്ത​ര​ത്തി​ലു​ള്ള ലോ​ക​ത്തി​ലെ ഏ​റ്റ​വും വ​ലി​യ പാ​ര്‍ക്ക് എ​ന്ന നി​ല​യി​ല്‍ ഗി​ന്ന​സ് റെ​ക്കോ​ഡും ഈ ​പാ​ര്‍ക്ക് സ്വ​ന്ത​മാ​ക്കി. ച​ട​ങ്ങി​ല്‍ സാം​സ്കാ​രി​ക കാ​യി​ക മ​ന്ത്രി സ​ലാ​ഹ്​ ബി​ന്‍ ഗാ​നം അ​ല്‍ അ​ലി, സാ​യു​ധ സേ​ന​യി​ലെ നി​ര​വ​ധി ഉ​ന്ന​ത ഉ​ദ്യോ​ഗ​സ്ഥ​ര്‍ എ​ന്നി​വ​ര്‍ പ​ങ്കെ​ടു​ത്തു.

ച​ട​ങ്ങിെൻറ ഭാ​ഗ​മാ​യി ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ​കാ​ര്യ സ​ഹ​മ​ന്ത്രി​യും വി​ഡി​യോ കോ​ണ്‍ഫ​റ​ന്‍സ് വ​ഴി ഗി​ന്ന​സ് റെ​ക്കോ​ഡ്​ സ​ര്‍ട്ടി​ഫി​ക്ക​റ്റ് സ്വീ​ക​രി​ച്ചു. ആ​രോ​ഗ്യ​ക​ര​മാ​യ കാ​ര്യ​ങ്ങ​ള്‍ പ്രോ​ത്സാ​ഹി​പ്പി​ക്കു​ന്ന ഒ​രു രീ​തി​യാ​യാ​ണ് തു​ട​ക്ക​ത്തി​ല്‍ കാ​ലി​സ്തെ​നി​ക്സി​നെ പ​രി​ഗ​ണി​ച്ചി​രു​ന്ന​ത്. പി​ന്നീ​ട​ത് ജിം​നാ​സ്​​റ്റി​ക്സു​മാ​യി ബ​ന്ധ​മു​ള്ള ത​ര​ത്തി​ല്‍ പ​രി​ശീ​ല​ന രീ​തി​യാ​യി പ​രി​ണ​മി​ച്ചു. ജിം​നാ​സ്​​റ്റി​ക്സി​ല്‍നി​ന്ന് വ്യ​ത്യ​സ്ത​മാ​യി ഔ​ട്ട്ഡോ​റാ​യി പ​രി​ശീ​ലി​ക്കാ​ന്‍ സാ​ധി​ക്കു​ന്ന​തി​നാ​ല്‍ സ്ട്രീ​റ്റ് വ​ര്‍ക്കൗ​ട്ട് എ​ന്ന പേ​രി​ലും ഇ​ത​റി​യ​പ്പെ​ടു​ന്നു​ണ്ട്.

ഗി​ന്ന​സ് റെ​ക്കോ​ഡ്​ പ്ര​കാ​രം ഖ​ത്ത​റി​ലെ കാ​ലി​സ്തെ​നി​ക്സ് പാ​ര്‍ക്കി​ന് 1446.72 ച​തു​ര​ശ്ര മീ​റ്റ​റാ​ണ് വി​സ്തീ​ര്‍ണം. ഫെ​ബ്രു​വ​രി നാ​ലി​നു​ത​ന്നെ ദോ​ഹ​യി​ലെ നാ​ഷ​ന​ല്‍ സ​ര്‍വി​സ് അ​ക്കാ​ദ​മി ഈ ​നേ​ട്ടം സ്വ​ന്ത​മാ​ക്കി​യി​രു​ന്നെ​ങ്കി​ലും ഖ​ത്ത​ര്‍ ദേ​ശീ​യ ദി​ന​ത്തിെൻറ ഭാ​ഗ​മാ​യി പ​രി​പാ​ടി മാ​റ്റു​ക​യാ​യി​രു​ന്നു. കാ​ലി​സ്തെ​നി​ക്സ് പാ​ര്‍ക്കി​ല്‍ ദേ​ശീ​യ കാ​ലി​സ്തെ​നി​ക്സ് ടൂ​ര്‍ണ​മെൻറു​ക​ള്‍ ന​ട​ത്തു​ന്ന​തോ​ടൊ​പ്പം പൊ​തു​ജ​ന​ങ്ങ​ള്‍ക്ക് ഉ​പ​യോ​ഗി​ക്കാ​നു​ള്ള സൗ​ക​ര്യ​ങ്ങ​ളു​മു​ണ്ട്.