കെ– പോപ് സംഗീതസംഘം ഐകോൺ ഖത്തറിലെത്തുന്നു
text_fieldsദോഹ: രാജ്യത്തെ ആദ്യ കെ-പോപ് സംഗീതോത്സവത്തിന്റെ ഭാഗമായി പ്രമുഖ കെ-പോപ് ബോയ്ബാൻഡായ ഐകോൺ ഖത്തറിലെത്തുന്നു. വരുന്ന മേയ് മാസത്തിലാണ് കെ-വൺ ഫിയസ്റ്റ എന്ന് പേരിട്ടിരിക്കുന്ന കെ-പോപ് സംഗീതോത്സവം നടക്കുകയെന്ന് സംഘാടകർ അറിയിച്ചു. ലവ് സിനാരിയോ, റിഥം ടാ, ഗുഡ്ബൈ റോഡ് തുടങ്ങിയ ഹിറ്റ് സിംഗിൾസുകൾക്കുപിന്നിലെ ബോയ്ബാൻഡാണ് ഐകോൺ.
കെ.വൺ ഫെസ്റ്റ സംഗീതോത്സവത്തിന്റെ ഭാഗമായി നിരവധി കലാകാരന്മാരാണ് വേദിയിലെത്തുക. മേയ് 19-20 തീയതികളിലായി ലുസൈൽ മൾട്ടിപർപ്പസ് ഹാളിലാണ് പരിപാടി.
അന്താരാഷ്ട്ര തലത്തിൽ സ്വീകാര്യതയും ആരാധകരുമുള്ള പോപ് ഗായക സംഘമാണ് ഐകോൺ ബാൻഡ്. ജേ, സോങ്, ബോബഡി, ഡികെ, ജുനെ, ചാൻ എന്നീ ആറുപേരുടെ സംഘം വലിയ ആസ്വാദകരുള്ള നിരയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.