വീ​ടും, കി​ണ​റും പ​ള്ളി​യും; ക​രു​ത​ലു​മാ​യി ഖ​ത്ത​ർ ചാ​രി​റ്റി

ദോ​ഹ: റ​മ​ദാ​നി​ലെ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളു​ടെ ര​ണ്ടാം ഘ​ട്ട​ത്തി​ന് തു​ട​ക്കം കു​റി​ച്ച് ഖ​ത്ത​ർ ചാ​രി​റ്റി. നോ​മ്പ് ര​ണ്ടാം പ​ത്തി​ലേ​ക്ക് പ്ര​വേ​ശി​ച്ച​തി​നു പി​ന്നാ​ലെ ‘പ്ര​തി​ഫ​ലം ഇ​ര​ട്ടി​യാ​ക്കൂ’ എ​ന്ന പേ​രി​ൽ കു​ടി​വെ​ള്ളം, വീ​ട്, പ​ള്ളി എ​ന്നി​വ സാ​ധ്യ​മാ​ക്കു​ന്ന പ​ദ്ധ​തി​ക്കാ​ണ് തു​ട​ക്കം കു​റി​ച്ച​ത്.

ഖ​ത്ത​ർ ചാ​രി​റ്റി​യു​ടെ റ​മ​ദാ​ൻ പ്ര​ചാ​ര​ണ പ​രി​പാ​ടി​യാ​യ ‘എ​ൻ​ഡ്‍ല​സ് ഗി​വി​ങ്’ ഭാ​ഗ​മാ​യാ​ണ് പു​തി​യ ജീ​വ​കാ​രു​ണ്യ ദൗ​ത്യ​വു​മാ​യി ഖ​ത്ത​ർ ചാ​രി​റ്റി രം​ഗ​ത്തെ​ത്തി​യ​ത്. ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലാ​യി പ​ത്തു ല​ക്ഷ​ത്തോ​ളം പേ​ർ ‘ഡ​ബ്ൾ യു​വ​ർ അ​ജി​ർ’ പ​ദ്ധ​തി​യി​ൽ ഗു​ണ​ഭോ​ക്താ​ക്ക​ളാ​കും.

ദു​ർ​ബ​ല വി​ഭാ​ഗ​ങ്ങ​ൾ​ക്ക് അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രേ​സ​മ​യം ല​ഭ്യ​മാ​ക്കി ജീ​വി​ത നി​ല​വാ​രം ഉ​യ​ർ​ത്തു​ക​യാ​ണ് ഇ​തു​വ​ഴി ല​ക്ഷ്യ​മി​ടു​ന്ന​ത്. വ​ര​ൾ​ച്ച നേ​രി​ട്ട പ്ര​ദേ​ശ​ങ്ങ​ൾ, അ​ഭ​യാ​ർ​ഥി​ക​ളു​ടെ കേ​ന്ദ്ര​ങ്ങ​ൾ എ​ന്നി​വി​ട​ങ്ങ​ളി​ൽ കു​ടി​വെ​ള്ളം എ​ത്തി​ക്കു​ക​യും, ഒ​പ്പും അ​വ​ശ്യ വി​ഭാ​ഗ​ങ്ങ​ൾ​ക്ക് വീ​ട് നി​ർ​മി​ക്കു​ക, ആ​രാ​ധ​ന ന​ട​ത്താ​ൻ പ​ള്ളി പ​ണി​യു​ക എ​ന്നി​വ​യാ​ണ് ല​ക്ഷ്യ​മി​ടു​ന്ന​ത്.

സം​ഭാ​വ​ന ന​ൽ​കു​ന്ന​വ​ർ​ക്ക് ത​ങ്ങ​ളു​ടെ പു​ണ്യം ഇ​ര​ട്ടി​യാ​ക്കാ​മെ​ന്നാ​ണ് കാ​മ്പ​യി​നി​ന്റെ പേ​ര് കൊ​ണ്ട് സൂ​ച​ന ന​ൽ​കു​ന്ന​ത്. കി​ണ​റും വീ​ടും പ​ള്ളി​യും ഒ​രി​ട​ത്താ​യി ചു​രു​ങ്ങി​യ ചെ​ല​വി​ൽ ല​ഭ്യ​മാ​ക്കി ക​മ്യൂ​ണി​റ്റി കെ​ട്ടി​പ്പ​ടു​ക്കു​ക​യാ​ണ് പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്. ഏ​ഷ്യ​ൻ, ആ​ഫ്രി​ക്ക​ൻ വ​ൻ​ക​ര​ക​ളി​ലാ​യി 12 രാ​ജ്യ​ങ്ങ​ളി​ലാ​ണ് ‘ഡ​ബ്ൾ യു​വ​ർ അ​ജി​ർ’ ന​ട​പ്പാ​ക്കു​ന്ന​ത്.

ഇ​ന്ത്യ, ഉ​ഗാ​ണ്ട, നേ​പ്പാ​ൾ, താ​ൻ​സ​നി​യ, ചാ​ഡ്, ഐ​വ​റി കോ​സ്റ്റ്, ബം​ഗ്ലാ​ദേ​ശ്, പാ​കി​സ്താ​ൻ, ടോ​ഗോ, നൈ​ജ​ർ എ​ന്നി​വ​യാ​ണ് പ​ദ്ധ​തി പ്ര​ദേ​ശ​ങ്ങ​ൾ. സം​ഭാ​വ​ന ചെ​യ്യാ​ൻ താ​ൽ​പ​ര്യ​മു​ള്ള​വ​ർ​ക്ക് വെ​ബ്സൈ​റ്റ് വ​ഴി​യും ഖ​ത്ത​ർ ചാ​രി​റ്റി ബ്രാ​ഞ്ചു​ക​ളി​ലൂ​ടെ​യും ത​ങ്ങ​ളു​ടെ വി​ഹി​തം എ​ത്തി​ക്കാ​വു​ന്ന​താ​ണ്.