പ്രഥമ സി.കെ. മേനോൻ സ്മാരക പുരസ്കാരം ഫാ. ഡേവിസ് ചിറമേലിന്

ദോഹ: ഒ.ഐ.സി.സി ഗ്ലോബൽ പ്രസിഡൻറും ഇൻകാസ് ഖത്തർ മുഖ്യ രക്ഷാധികാരിയുമായിരുന്ന പത്മശ്രീ സി.കെ. മേനോ​െൻറ ഓർമദിനമായ ഒക്ടോബർ ഒന്നിന് ഇൻകാസ് ഖത്തർ ചരമ വാർഷികം ആചരിച്ചു.സൂം അനുസ്മരണ യോഗം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. ജാതി-മത-വർഗ വർണ ഭേദമന്യേ സാധാരണക്കാർക്ക് സഹായകരമാവുന്ന ഇടപെടലുകൾ നടത്തിയ സി.കെ. മേനോൻ മലയാളികൾ ഉള്ളിടത്തോളം ഓർമിക്കപ്പെടുമെന്ന്​ ചെന്നിത്തല അഭിപ്രായപ്പെട്ടു. വിദ്യാർഥി പ്രസ്ഥാനമായ കെ.എസ്.യുവിലൂടെ സംഘടന പ്രവർത്തനങ്ങൾക്ക് തുടക്കം കുറിച്ച സി.കെ. മേനോൻ കോൺ​ഗ്രസ്​ പ്രസ്ഥാനത്തിനുവേണ്ടി ആത്മാർഥമായി പ്രവർത്തിച്ചു.

മേനോ​െൻറ സ്മരണ നിലനിർത്താൻ ഇൻകാസ് ഖത്തർ, സാമൂഹിക സേവനത്തിലും ജീവകാരുണ്യ മേഖലയിലും മികച്ച പ്രവർത്തനം കാഴ്ചവെക്കുന്നവർക്ക് ഏർപ്പെടുത്തിയ പ്രഥമ പുരസ്കാര ജേതാവിനെ മുൻ മുഖ്യമന്ത്രി ഉമ്മൻ ചാണ്ടി പ്രഖ്യാപിച്ചു.കിഡ്നി ഫൗണ്ടേഷൻ ഓഫ് ഇന്ത്യയുടെയും ആക്സിഡൻറ്​ കെയർ ആൻഡ് ട്രാൻസ്പോർട്ട് സർവിസി​െൻറയും സ്ഥാപകനായ ഫാ. ഡേവിസ് ചിറമേലിനാണ്​ അവാർഡ്​.

സാമൂഹിക പ്രതിബദ്ധതയോടെ പ്രവർത്തിക്കാനുള്ള വലിയ മനസ്സിന് ഉടമയായ സി.കെ. മേനോ​െൻറ കരുതലും ആർദ്രതയും നേരിട്ട് അനുഭവിക്കാൻ തനിക്ക് ഒട്ടേറെ അവസരങ്ങൾ ലഭിച്ചിരുന്നുവെന്നും സി.കെ. മേനോനെ പോലുള്ള മഹദ് വ്യക്തിയുടെ പേരിൽ ഏർപ്പെടുത്തിയ പുരസ്കാരത്തിന്​ ഏറ്റവും അർഹനാണ്​ ചിറമേൽ അച്ചനെന്നും അദ്ദേഹം പറഞ്ഞു. കോവിഡ് പ്രതിസന്ധിക്കുശേഷം നാട്ടിൽ നടത്തുന്ന ചടങ്ങിൽ പുരസ്കാരം സമ്മാനിക്കും. നന്മയുടെയും കാരുണ്യത്തി​െൻറയും പൂമരമായിരുന്ന മേനോ​െൻറ വിയോഗം ഇന്നും തന്നെ നൊമ്പരപ്പെടുത്തുന്നുവെന്ന്​ കെ.പി.സി.സി മുൻ പ്രസിഡൻറ്​ എം.എം. ഹസൻ പറഞ്ഞു.

സി.പി.ഐ കേന്ദ്ര എക്സിക്യൂട്ടിവ് അംഗവും മുൻ മന്ത്രിയുമായ കെ.ഇ. ഇസ്മായിൽ, ഐ.സി.ബി.എഫ് പ്രസിഡൻറ്​ പി.എൻ. ബാബുരാജൻ, ഐ.ബി.പി.സി പ്രസിഡൻറ്​ അസീം അബ്ബാസ്, ഐ.സി.സി പ്രസിഡൻറ്​ എ.പി. മണികണ്ഠൻ, ഐ.സി.ബി.എഫ് അഡ്വൈസറി ബോർഡ് ചെയർമാൻ ഡോ. മോഹൻ തോമസ്, കെ.എം.സി.സി പ്രസിഡൻറ്​ എസ്.എ.എം. ബഷീർ, ക്വിഫ് പ്രസിഡൻറ്​ കെ. മുഹമ്മദ് ഈസ, ദു​ൈബ ഒ.ഐ.സി.സി പ്രസിഡൻറ്​ മഹാദേവൻ, ജനറൽ സെക്രട്ടറി പുന്നക്കൽ അഹ്മദ്, ഷാർജ ഒ.ഐ.സി.സി പ്രസിഡൻറ്​ ഐ.വൈ.എ. റഹീം, ഒമാൻ ഒ.ഐ.സി.സി പ്രസിഡൻറ്​ സിദ്ദീഖ് ഹസൻ, ഐ.എം.എഫ് പ്രസിഡൻറ്​ അഷ്റഫ് തൂണേരി, ജെ.കെ. മേനോൻ തുടങ്ങിയവർ സംസാരിച്ചു. ഇൻകാസ് ഖത്തർ പ്രസിഡൻറ്​ സമീർ ഏറാമല അധ്യക്ഷത വഹിച്ചു.ആഷിക്ക് അഹ്മദ്, അൻവർ സാദത്ത് എന്നിവർ നേതൃത്വം നൽകി. ജനറൽ സെക്രട്ടറി ഹഫീസ് മുഹമ്മദ് സ്വാഗതവും മനോജ് കൂടൽ നന്ദിയും പറഞ്ഞു.