മികച്ച സൗകര്യവുമായി ദോഹ മെട്രോ വീണ്ടും പായുന്നു

ദോഹ: കുറഞ്ഞ ചെലവിൽ മികച്ച യാത്രാസൗകര്യമൊരുക്കുന്ന ദോഹ മെട്രോ മാസങ്ങൾക്ക്​ ശേഷം വീണ്ടും ഓടിത്തുടങ്ങിയത്​ യാത്രക്കാർക്ക്​ ഏറെ ആശ്വാസമായി. കോവിഡ്​ വ്യാപനത്തിൻെറ പശ്ചാത്തലത്തിലാണ്​ കഴിഞ്ഞ മാർച്ചിൽ മെട്രോ അടക്കമുള്ള പൊതുവാഹനങ്ങൾ സേവനം നിർത്തിയത്​. എല്ലാ കോവിഡ്​ പ്രതിരോധ നടപടികളും സ്വീകരിച്ചാണ്​ സർവിസ്​ സെപ്​റ്റംബർ ഒന്നുമുതൽ പുനരാരംഭിച്ചിരിക്കുന്നത്​.

ദോഹ മെട്രോയിൽ ഇൻറർനെറ്റ്​ സൗകര്യമൊരുക്കാൻ ഖത്തർ റെയിലും വോഡഫോൺ ഖത്തറും കൈകോർക്കുകയാണ്​. സെപ്​റ്റംബർ ഒന്നുമുതൽ യാത്രക്കാർക്ക്​ വൈഫൈ സൗകര്യം ലഭിക്കുമെന്നാണ്​ ഖത്തർ റെയിൽ അറിയിച്ചിരുന്നത്​. മെട്രോയുടെ റെഡ്​, ഗ്രീൻ, ഗോൾഡ്​ ലൈനുകളിലെ എല്ലാ സ്​റ്റേഷനുകളിലും ട്രെയിനുകൾക്കകത്തുമാണ്​ വൈഫൈ സൗകര്യം യാതക്കാർക്ക്​ ലഭ്യമാകുന്നത്​. നിലവിൽ ഏതു​ കമ്പനിയുടെ മൊ​ൈബൽ ഉപഭോക്​താക്കൾക്കും ഖത്തറിൽ റോമിങ്​ പരിധിയിൽ ഉള്ളവർക്കുമടക്കം ദോഹ മെട്രോയിലോ സ്​റ്റേഷനിൽ എത്തിയാലുടൻ വൈഫൈ സേവനത്തിനായി രജിസ്​റ്റർ ചെയ്യാം. ഉടൻതന്നെ ഇൻറർനെറ്റ്​ മൊബൈൽ ഫോണിൽ ലഭ്യമായിത്തുടങ്ങും.

ആദ്യ അരമണിക്കൂറിൽ സേവനം സൗജന്യമാണ്​. പിന്നീട്​ പണം ഇൗടാക്കും. എത്രതുകയാണ്​ ഈടാക്കുക എന്നതുമായി ബന്ധപ്പെട്ട കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല. ഒരു രജിസ്​ട്രേഷൻ നടത്തിയാൽ അന്നുമുഴുവൻ ഇൻറർനെറ്റ്​ ഉപയോഗിക്കാൻ കഴിയും. യാത്രക്കാർക്ക്​ സൗകര്യപ്രദമായ രൂപത്തിൽ തെര​െഞ്ഞടുക്കാൻ ഖത്തർ റെയിൽ നിരവധി പ്രീമിയം ഇൻറർനെറ്റ്​ പ്ലാനുകളും ഒരുക്കുന്നുണ്ട്​. ഒരു ദിസം, ഒരാഴ്​ച, മാസം മുഴുവൻ ഇൻറർനെറ്റ്​ ഉപയോഗിക്കാൻ കഴിയുന്ന പ്രീമിയം പ്ലാനുകൾ ലഭ്യമാണ്​. പദ്ധതി പൂർണമായി പ്രവർത്തനക്ഷമമാകുന്നതോടെ യാത്രയിലുടനീളം യാത്രികർക്ക്​ ഇടതടവില്ലാതെ വൈഫൈ സൗകര്യം ലഭ്യമാകും. മെട്രോയുമായി ബന്ധപ്പെട്ട എല്ലാ കേന്ദ്രങ്ങളിലും 37 സ്​റ്റേഷനുകളിലും ഇൻറർനെറ്റ്​ ലഭ്യമാകും.

ദോഹ മെട്രോ ശൃംഖലയിലുടനീളം ഇൻറർനെറ്റ്​ ലഭ്യമാക്കുന്ന പദ്ധതിയിൽ വോഡഫോണുമായി സഹകരിക്കാൻ കഴിയുന്നതിൽ അതിയായ സന്തോഷമു​െണ്ടന്ന്​ ഖത്തർ ​െറയിൽ മാനേജിങ്​ ഡയറക്​ടറും സി.ഇ.ഒയുമായ എഞ്ചി. അബ്​ദുല്ല അൽ സുബൈഇ പറഞ്ഞു. മെട്രോയുടെ എല്ലാ ശൃംഖലകളിലും യാത്രയിലുടനീളം ഇൻറർനെറ്റ്​ സേവനം ലഭിക്കുന്നതോടെ യാത്ര കൂടുതൽ സന്തോഷകരവും സൗകര്യപ്രദവുമാവുമെന്നും അദ്ദേഹം പറഞ്ഞു.

കോവിഡ്​ പ്രതിരോധ നടപടികളെല്ലാം സ്വീകരിച്ചാണ്​ മെട്രോ യാത്രക്കാർക്ക്​ പ്രവേശനം നൽകുന്നത്​.യാത്രയിലുടനീളം കോവിഡ്​ പരിശോധിക്കുന്നുമുണ്ട്​. ഇഹ്​തിറാസ്​ ആപ്പിൽ പച്ച സ്​റ്റാറ്റസ്​ ഉള്ളവർക്ക്​ മാത്രമേ പ്രവേശനമുള്ളൂ. 30 ശതമാനം യാത്രക്കാരെ മാത്രമേ അനുവദിക്കുന്നുള്ളൂ. 37.8 ഡിഗ്രി സെൽഷ്യസിൽ കുറവ്​ ശരീരോഷ്​മാവ്​ ഉള്ളവർക്ക്​ മാത്രമേ യാത്ര ചെയ്യാനാകൂ. എല്ലാവരുടെയും താപനില മുൻകൂട്ടി പരിശോധിക്കുന്നുണ്ട്​. എല്ലായിടവും നിശ്ചിത ഇടവേളകളിൽ അണുനശീകരണം നടത്തുന്നുണ്ട്​. അതേസമയം, സർവിസ്​ തുടങ്ങിയെങ്കിലും കഴിഞ്ഞ രണ്ടുദിവസങ്ങളിലും യാത്രക്കാർ കുറവാണ്​. വരും ദിവസങ്ങളിൽ കൂടുതൽ യാത്രക്കാർ തങ്ങളുടെ പ്രിയ മെട്രോയെ ആശ്രയിച്ചുതുടങ്ങും.

ദോഹ മെട്രോ റെഡ്​ലൈനിലെ ലെഗ്​തൈഫിയ മെട്രോ സ്​റ്റേഷൻ സെപ്റ്റംബർ ഒന്നുമുതൽ പ്രവർത്തനമാരംഭിച്ചിരുന്നു. ഇതോടെ ദോഹ മെട്രോ ഗ്രീൻ, റെഡ്, ഗോൾഡ് ലൈനുകളിലായി 37 സ്​റ്റേഷനുകളും പ്രവർത്തനക്ഷമമായി.ദോഹ നഗരത്തിൻെറ തെക്കു​വടക്ക്, കിഴക്കുപടിഞ്ഞാറ് മേഖലകളെ തമ്മില്‍ ബന്ധിപ്പിക്കുന്നതാണ് ദോഹ മെട്രോ. 76 കിലോമീറ്ററാണ്​ ആകെ ദൂരം. ആകെ 37 സ്​റ്റേഷനുകൾ​. ഗതാഗതക്കുരുക്കില്ലാതെയും പാർക്കിങ്​ പ്രശ്​നം ഇല്ലാതെയും യാത്ര നടത്താനാകു​െമന്നതാണ്​ മെട്രോയുടെ ഏറ്റവും വലിയ പ്രത്യേകത.മെട്രോ ഉപയോഗിച്ച് ഖത്തറിലെ പ്രധാന ഷോപ്പിങ് മാളുകളില്‍ സുഗമമായി എത്താനാകും. നഗരത്തിലെ ഗതാഗതക്കുരുക്കില്‍പ്പെട്ട വലയാതെ കുറഞ്ഞ ചെലവില്‍ ഷോപ്പിങ് മാളുകളില്‍ എത്തിച്ചേരാം.