ലു​ൈസൽ ട്രാമി​െൻറ സാ​ങ്കേതിക പരിശോധനകൾ തുടങ്ങി

ദോഹ: ലുസൈൽ സിറ്റിയിലെ ലു​ൈസൽ ട്രാമി​െൻറ സാ​ങ്കേതിക പരിശോധനകൾ ഖത്തർ റെയിൽ തുടങ്ങി. പരിശോധന തുടങ്ങിയതിനാൽ റോഡിലെ ഗതാഗത സിഗ്​നലുകൾ പാലിക്കണമെന്നും സുരക്ഷ ഉറപ്പാക്കണമെന്നും ഖത്തർ റെയിലും ട്രാം കമ്പനിയും ട്വിറ്ററിൽ അറിയിച്ചു. പ്രവർത്തനം തുടങ്ങിക്കഴിഞ്ഞാൽ ലു​ൈസൽ സിറ്റിയിലെ ഏറ്റവും വലിയ ഗതാഗതസൗകര്യമായിരിക്കും ട്രാം. രാജ്യത്തെ ഏറ്റവും വലിയ സുസ്​ഥിര വികസനപദ്ധതിയുമായിരിക്കും ഇത്​. ഒരു കേന്ദ്രത്തിനുള്ളിൽ പ്രത്യേക പാളത്തിലൂടെ സർവിസ്​ നടത്തുന്ന ചെറുട്രെയിനിനെയാണ്​ ട്രാം എന്നുവിളിക്കുന്നത്​. പ്രത്യേക പാതയിലൂടെയാണ്​ ഇത്​ ഓടുക.

ഈ പാളത്തെ ട്രാംവേ എന്നാണ്​ പറയുക. ലുസൈൽ ട്രാം ശൃംഖലയുടെ ആകെ നീളം 35.4 കിലോമീറ്ററാണ്​. ദോഹ മെട്രോയുമായി ബന്ധിപ്പിക്കുന്ന ഗതാഗതസൗകര്യമാണിത്​. ലുസൈലിലെയും ലഗ്​ ദൈഫിയയിലെയും രണ്ട്​ ഇൻറർചേഞ്ച്​ സ്​റ്റേഷനുകളിലൂടെയാണിത്​. ഭൂമിക്കടിയിലും മുകളിലുമായി നാല്​ ലൈനുകളിലായി 28 സ്​റ്റേഷനാണ്​ ലുസൈൽ ട്രാമിനുള്ളത്​. ട്രാംവേയിൽ ഓരോ ട്രാമിലും അഞ്ച്​ കോച്ചുകളാണ്​ ഉണ്ടാവുക. 33 മീറ്ററാണ്​ നീളം. 207 യാത്രക്കാർക്ക്​ സഞ്ചരിക്കാനാകും. കുടുംബങ്ങൾക്കും മറ്റുള്ളവർക്കുമായി രണ്ട്​ ക്ലാസുകളാണുണ്ടാവുക. എല്ലാ കോച്ചുകളും ലോ​േഫ്ലാർ ആയതിനാൽ ഏതു​ തരത്തിലുള്ള യാത്രക്കാർക്കും എളുപ്പത്തിൽ കയറാനും ഇറങ്ങാനുമാകും.

ലോ​ക​ത്തി​ലെ ഏ​റ്റ​വും മി​ക​ച്ച സ്മാ​ര്‍ട്ട് സി​റ്റി​ക​ളി​ലൊ​ന്നാ​ണ്​ ഖത്തറിലെ ലു​സൈ​ല്‍ സി​റ്റി. മേ​ഖ​ല​യി​ലെ ആ​ദ്യ​ത്തെ ഏ​റ്റ​വും വ​ലി​യ ഹ​രി​ത സ്മാ​ര്‍ട്ട് സി​റ്റി​യും സ്മാ​ര്‍ട്ട് ലി​വിം​ഗി​നു​ള്ള മാ​തൃ​കാന​ഗ​ര​വു​മാ​യി മാ​റ്റു​ക​യെ​ന്ന​താ​ണ് ലു​സൈ​ല്‍ സി​റ്റി​യി​ലൂ​ടെ ല​ക്ഷ്യ​മി​ടു​ന്ന​ത്.

ലുസൈലിലെ മറീനയിലും എനർജി സിറ്റിയിലും ഭൂമി വിനിയോഗത്തെ സംബന്ധിച്ച് മാറ്റം വരുത്തുന്ന തീരുമാനത്തിന് മന്ത്രിസഭ ഈയടുത്ത്​ അംഗീകാരം നൽകിയിരുന്നു. അഡ്മിനിസ്​േട്രറ്റിവ് ഉപയോഗത്തിന് പകരം അഡ്മിനിസ്​േട്രറ്റിവ്, താമസം ഉപയോഗങ്ങൾക്കായി ഭൂമി വിനിയോഗിക്കാമെന്ന തീരുമാനത്തിനാണ് അംഗീകാരം. ഖത്തരി ദിയാർ റിയൽ എസ്​റ്റേറ്റ് ഇൻവെസ്​റ്റ്മെൻറ് കമ്പനിയുടെ നിബന്ധനകൾക്കും നിർദേശങ്ങൾക്കും വിധേയമായിട്ടായിരിക്കും പുതിയ തീരുമാനം നടപ്പാക്കുന്നത്.

ലു​സൈ​ല്‍ സി​റ്റി​യു​ടെ സു​ര​ക്ഷി​ത​മാ​യ സ്മാ​ര്‍ട്ട് സി​റ്റി സേ​വ​ന​ങ്ങ​ള്‍ക്ക് ഉ​രീ​ദു​വി​​െൻറ ഏ​റ്റ​വും ആ​ധു​നി​ക​മാ​യ വ​യ​റു​ള്ള​തും വ​യ​ർ ഇല്ലാത്തതുമായ നെറ്റ്​വ​ര്‍ക്കു​ക​ളാ​ണ് അ​ടി​സ്ഥാ​ന​മാ​യി ഉ​പ​യോ​ഗ​പ്പെ​ടു​ത്തു​ന്ന​ത്. ഗ​താ​ഗ​ത ത​ട​സ്സ​ങ്ങ​ള്‍ ഒ​ഴി​വാ​ക്കാ​ന്‍ സ്മാ​ര്‍ട്ട് ട്രാ​ഫി​ക്​, ഊ​ർജോ​പ​ഭോ​ഗ​ത്തി​ല്‍ കു​റ​വു വ​രു​ത്താ​ന്‍ സ്മാ​ര്‍ട്ട് ലൈ​റ്റിം​ഗ്, മാ​ലി​ന്യ ശേ​ഖ​ര​ണ​ത്തി​നും അ​വ കൊ​ണ്ടു​പോ​കാ​നു​മായി സ്മാ​ര്‍ട്ട് മാ​ലി​ന്യ മാ​നേ​ജ്മെ​ൻറ്​ തു​ട​ങ്ങി നി​ര​വ​ധി പ്രാ​യോ​ഗി​ക കാര്യങ്ങ​ള്‍ ഉ​ള്‍പ്പെ​ടു​ത്തി​യി​ട്ടു​ണ്ട്.

ഉ​രീ​ദു​വി​​െൻറ ഫൈ​ബ​ര്‍ ഓ​പ്റ്റി​ക്, 5ജി ​നെ​റ്റ്​വ​ര്‍ക്കു​ക​ളാ​ണ് ല​ഭ്യ​മാ​കു​ക. ഇ​തു​വ​ഴി ഏ​റ്റ​വും വേ​ഗ​ത​യു​ള്ള ഡേ​റ്റ​യാ​ണ് ഉ​പ​ഭോ​ക്താ​ക്ക​ള്‍ക്ക് ല​ഭ്യ​മാ​കു​ക.2022 ലോകകപ്പിെൻറ ഉദ്ഘാടന, ഫൈനൽ മത്സരങ്ങൾക്ക് വേദിയാകുന്നത്​ ലുസൈൽ സ്​റ്റേഡിയമാണ്​. ഇവിടേക്കുള്ള പ്രധാന പാതകളായ അബ്റുഖ്, ഉം സംറ റോഡുകൾ ഇതിനകംതന്നെ ഗതാഗതത്തിനായി തുറന്നുകൊടുത്തിട്ടുണ്ട്​. സ്​റ്റേഡിയത്തിലെ പ്രധാന കവാടങ്ങളിലേക്കെല്ലാം ഈ റോഡുകൾ വഴിയാണ് പ്രവേശിക്കാനാകുക. ലുസൈൽ ഡെവലപ്പേഴ്സായ ഖത്തരി ദിയാറാണ് പാതകൾ ഗതാഗതത്തിന് തുറന്നുകൊടുത്തിരിക്കുന്നത്.

2022ലോകകപ്പിനായുള്ള ലുസൈൽ സിറ്റിയുടെ തയാറെടുപ്പുകളുടെ ഭാഗമായാണ് രണ്ടു റോഡുകളും നിർമിച്ചിരിക്കുന്നത്. ലുസൈൽ സ്​റ്റേഡിയത്തിൽ 80,000 ആണ് ഇരിപ്പിടങ്ങളുടെ ശേഷി. ലോകകപ്പിലെ ഏറ്റവും വലിയ സ്​റ്റേഡിയവും ഇതുതന്നെയാണ്.പണികഴിഞ്ഞ്​ ലു​ൈസൽ ട്രാം കൂടി പ്രവർത്തനം തുടങ്ങിയാൽ ലുസൈൽ സിറ്റിയുടെ ആകർഷണീയത കൂടും, സഞ്ചാരസൗകര്യങ്ങളും.